Letter: Bodl. MS heb. c 28/55

Letter Bodl. MS heb. c 28/55

Tags

Input date

In PGP since 2017

Description

Extremely polite business letter dealing with a consignment caraway dispatched from Fustat. (Information from Mediterranean Society, I, p. 340, and from Goitein's index cards)

Images and transcription

Transcription

  • בשמ רחמ
  • כתבת אטאל אללה בקא חצרה מולאי אלשיך
  • אלאגל ואדאם תאיידהא ועלאהא ורפעתהא
  • וסנאהא וסמוהא וארתקאהא ותמכינהא
  • וכבת אעדאהא וקד עלם אללה שדה שוקי
  • אליהא וארתיאחי נחוהא ואספי עלי פראקהא
  • אלעאלם צחה דלך ימן בקרב אגתמאע סאר
  • עלי אפצל אלאיתאר במנה וכפי לטפה
  • אנא מהני לחצרתה אלסאמיה בהדה
  • אלאעיאד אלשריפה אלקאדמה עליהא
  • אללה יבלגהא אמתאלהא סנון(!) כתיר
  • ואעואם מתתאבעה ויזכה לחזות בנועם
  • ייי ולבקר בהיכלו ולא יגעלה אכר אלעהד
  • מנהא כאן כתאבהא אלכרים וצל אלי אלשיך
  • אבו אסחק אברהים(!) ידכר פיה אנפאד
  • אלעדל כראויא וקד אמתתלת מרסומהא
  • ואסתכרת אללה סבחאנה וחמלתה עלי
  • מרכב אלחאג בן דניא וקד כישת רוסה
  • וחזמתה לאנה כאן אנחל וקד וזנת עליה
  • אלי אן צאר פי אלמרכב לד ונצף וען
  • דאר מאון ובאב אלסדרה נצף ותלת אלא תמן
  • וען אלכור יו דרהם וקד אכרית עליה
  • בטו דרהם חצרתה תסלם דלך בעד אלוצול
  • במשיה אללה [גל] עזה אעלמתהא דלך
  • וקד ואללה סאני אנקטאע כתבהא
  • עני מע כונהא לא תנקטע ען גירי
  • לכן חצרתה מבסוטה אלעדר אללה
  • יגעלהא פי חיז אלסלאמה ויוזעני שכרהא
  • וקד אסתגנית ען אעלאמהא חאל
  • אלמרכב אלגיטאני ווצולה בכתאב

right margin, diagonal lines at 180 degrees to main text

  • אלשיך א[בי] אסחק פקד | כתב להא כתאב משרוח | בגמיע אלאחואל |
  • ואנא טאמע באלאגתמאע | בהא בעד אלמועדים | אן שא אללה חצרתה |
  • מכדומה באתם סלאם | ואפצלה ואסלה תקביל | עיני אלפרע אלנגיב |
  • פתאה עני אללה | יבלגהא אמלהא | פיה

verso

  • פאן ראת תשרפני בכתאבהא אלכרים
  • מצמן דכר אכבארהא ואחואלהא פמא
  • אולאהא פהו אגל מא אהדי אלי
  • ושלומה יגדל יא מולאי אסאל
  • הזון בן רגא כם וזן עלי אלעדל
  • פי אלכור [וא]ן כאן אקל ממא אכדו
  • חסאבהא מן אלכרי ושלום

bottom of the page, straight lines in same direction as main text. Address. Arabic:

  • חצרה מולאי אלשיך . .[. . . . . . . . . . . . . .]סטא[. .
  • יהודא בן יוסף מן מצר . .וט. .[. . . . . .]סעדאן בן תאבת
  • . . . . . . .

address, bottom of the page, straight lines at 180 degrees to main text

  • . . . . . . . . . . . . . . . . . . . . .] סעדאן בן תאבת
  • . . . . .] יוסף סט
  • לקי