Letter: Bodl. MS heb. a 3/2

Letter Bodl. MS heb. a 3/2

Tags

Input date

In PGP since 2017

Description

Very long letter dated ca. 1100, issued by the two judges of the capital in the name of the Nagid Mevorakh, in which a circuit judge is strongly rebuked for having given judgment in a town in the absence of the local muqaddam and for having taken other actions without consulting him and the elders. (Information from Mediterranean Society, II, pp. 74, 537)

Bodl. MS heb. a 3/2 2 recto

2 recto

Transcription

S. D. Goitein, unpublished editions.
  1. نسخة كتاب الرئيس الاجل
  2. بخط רבנו אלדאיב الی عند الشوفاط
  3. בשמך רח
  4. כתאבנא אנו שני הדיינים הקבועים בפסטאט מצרים הממנים
  5. מפי כגק מו מבורך אלוף הבינות חכם הישיבה סנהדרה
  6. רבה שר השרים ונגיד הנגידים ועוז כל בית ישראל הנגיד הגדול
  7. נר הגולה שבח הסגולה תפארת גורן עגולה ראש הסדר יהי שמו
  8. לעולם כיריח יכון עולם בן כגק מו סעדיה השר הגדול החסיד
  9. בדורו מנוחתו כבוד: אלי מולאי אלשופט מקצודא עלי אעלאמה
  10. אן וצל אלי חצרה אדונינו כתאב אלשיך אלגליל אבו אלחסין אלמערוף
  11. באבן אלסמאך שצ ליקתצי אן מולאי אלשפט גאת מעה וכאלה עליה
  12. מן אבו אלמעאלי כצמה מכתתבה ומקימה בכט רבנו אברהם
  13. בית דין באלקאהרה נטרוהי מן שמיא ואנה למא וצל בהא פעל מעה
  14. פיהא מא לא יצוג מן דלך אנה כאן הו אלוכיל פיהא ואלחאכם עלי מא
  15. דכר מן דון חצור מקדם אלבלד והדא מא לא יגמל ולא יחסן תם אנה
  16. למא טאלבה ען מוכלה בדל מן נפסה ימין אלעדם אלתי הי
  17. גאיה מא יגב פי אלשריעה אלמקדסה פלם יקבל מנה דלך בל
  18. אגחף בה ואלזמה במא לא יצל אליה אלקדרה עלי שי מנה שלא
  19. כדין פלמא סמעת חצרה אדונינו דלך אנכרתה גאיה אלאנכאר
  20. וקאלת גאו. . . לדלך אן כאן הדא אלמר עלי מא דכר פלא [.]אד
  21. ולא כראמה ולא עזאזה ולא מסרה ולא נעם עוף לפעאל דלך אד
  22. פעל דלך מכאלפא למא אמרת בה אלשריעה אלמקדסה אלדי לם
  23. לי גב עלי מדעי אלפקר גיר ימין אלעדם ואנכרת אלנכיר
  24. אלעצים כונה תוכל פי הדה אלנובה ען גיר עלמהא והי קד
  25. כאן עולת עלי אסתדעא אלכצם אליהא יעני אבו אלמעאלי
  26. ותכאטבה פי דלך במא יצלח ואלאן אלדי יגב אן תעתמדה
  27. ולא תדע ראה אן תכתב אלי מוכלך תעלמה אן כצמה קד בדל
  28. מן נפסה ימין אלעדם פאן אראד אנפאדה [[א]]) יעלמך בדלך
  29. אדא תבת עליה אלטלב פי בית דין ואן לם יותר דלך פלחכם
  30. יתאכר אלי וקת אכר ואחדר כל אלחדר אן תלזמה בוזן
  31. אלדרהם אלפרד אד לם יכון פי קדרתה פאן דלך לא ילזמה
  32. ולא תהד/ד/ה באשכאץ ולא בגירה ולא תשתעין עליה בענאיה
  33. ולא בכתאב אלי ואלי ולא מא סואה ולא תכרג מעה
  34. ען קאנון אלשריעה והו מא רסמנאה פוק הדא וגמיע
  35. מא סטרנאה פי הדא אלכתאב הו ען אמר אדונינו אלשריף
  36. ולפצהא אלכרים פתמתתלה ולא תעדל ענה ואסתיפא
  37. אלימין אלעדם מן גהתנא תכתב נסכתהא ומן גהה רבנו
  38. אברהם בית דין פאנהא ימין עצימה פאן ארתצי מוכלך
  39. תכתב תעלמנא חתי נכתב לך נסכה אלימין ושרוטהא
  40. ומא יתצל בהא בעד כתב הדא אלכתאב אסתדעת
  41. חצרה אדונינו לאבו אלמעאלי מוכלך ועדלתה עלי כונה וכדלך
  42. בעד אן כאן ועדתה באן יכתב אלי כצמה תעלמה
  43. באשדתעאה עליה לבית דין ולאמתך מעה ולאמת
  44. רבנו אברהם בית דין עלי תשרע כתב הדה אלוכאלה ואעלמתה
  45. איצא אן בעד איאם קליל וצל כתאב אלשיך אבו אלחסין גאובא
  46. ען מא כתב בה ען מא תקדם דכרה ידכר אן כצמה
  47. אכד מנה תלאת מאיה דינאר וכאן יצן אנהא מן אלרבח
  48. והי מן אלראש מאל ומן אצל אלמאל ומא הדא ממא יוכד
  49. בידה בקולה בל אלדי יווכד בידה פי אלחכם בדלך ימין
  50. אלעדם ואוקפת חצרה אדונינו לאבו אלמעאלי אלמדכור
  51. עלי דלך אלכתב ועלי כתאב אכר וצל מן אבו אלחסין ידכר
  52. פיה תצייקך עליה ועקדך לה אלמגלס מן גיר אן יכון מקדם
  53. אלבד חאצר ומצא לביתך לה בעשרה דנאניר לא
  54. יקדר עליהא ואן אלחאצרין תברע כל ואחד מנהם

right margin, diagonal lines at 180 degrees to main text

בדינאר דינאר ולם תכמל אלעשרה | אלתי אלתמשתהא בראיך ובסדאדך אלצאיב |

פי הדה אלנובה דין ושיאשה ואנצאף |אלי דלך אכבאר אתצלת בחצרה |

אדונינו ענך ממא הודא וגרי פי אלריף |מן גבאיה אהלהא מן | אצחאבנא ברכים יהיו |

ומצא וקתך ללכהן | חזן דמירה פי אלצלאה | יום כיפור פי אלעאם | אלמאצי ופי הדה |

אלשנה במחזור | לא תקום בקראתה | לאנה חזאנה מא | קראתהא ולא | אלמתהא מא הי |

אלדי כנת תקולהא | באלשאם והי

Translation

Bodl. MS heb. a 3/2 2 verso

2 verso

verso

  1. אלתי כתבהא אלחזן אבן נפיע לגירך וכאנת מעך פי
  2. אלעאם אלמאצי פי אלריף ואנת צחבה אדונינו וקד
  3. תקדם נהיהא אליך ען מצאיקה הדא אלכהן קבל
  4. מסירך ומא קבלת וגמיע מא יגרי מנך מא תחתמ[ל
  5. פיה לדאתך בל לגירך ואנת תעלם אן חצרה אדונינו
  6. מא תסמח לולדהא באלכרוג ען אלקואנין ואנת
  7. תעלם תוניבהא לך עלי אלאכלאץ ולעאדאת אלתי
  8. אעדתהא פי בלדך וגמלה אלאמר אן אלדי אסתקר
  9. מע מוכלך אן כאן אלשיך אבו אלחסין ידפע לך הדה
  10. אלעשרה דנאניר וידפע בהא אלחכם מן וקת אלי וקת
  11. בחית יקדר לה עלי נפסה שי יקום לה בה פי כל
  12. סנה חסב מא יקדרה מקדם אלבלד ואלשיוך
  13. במא יקתציה מכסבה וחאלה בלא ימין ולא
  14. אסתחלאף ואן בדל ימין אלעדם וצר עליהא
  15. פיגי כתאבך אלי מוכלך ליכתב למקדם אלבלד
  16. נסכה הדה אלימין ומא יתבעהא מן אלשרוט
  17. ויסתופיהא עליה פי גמיע
  18. ושלום

Bodl. MS heb. a 3/2 2(a) recto

2(a) recto

Bodl. MS heb. a 3/2 2(a) verso

2(a) verso
Image Permissions Statement