Letter: Bodl. MS heb. a 2/20
Letter Bodl. MS heb. a 2/20Tags
Input date
In PGP since 2017Description
Letter from Mūsā b. Yiṣḥaq in Sfax to Yehuda b. Moshe Ibn Sughmar in Fustat. Contains details about shipments of coins, oil and soap from the Maghreb to Fustat. The recipient is asked to buy goods, mainly flax, in Fustat. Mentions goods sent on ship of Nāṣir al-Dawla (active ca. 1062-1072) who ephemerally ruled over Alexandria and upper Egypt during the Shidda ʿUẓma in al-Mustanṣir's time. "In the ship of the Amir Nasir al-Dawla I sent you thirty-one new large skins of oil, measuring sixty-two matars; on their stoppers the names Salama and Judah are engraved. They are closed with small stoppers and fixed tightly with soaked palm leaves and parchment. With them are two leather bags with soap, weighing five qintars. The names Judah and Salama are engraved on these as well. I hope everything will arrive. It is all in the hands of 'Abd al-Rahman b. All b. Habib Sfaqsi." (Goitein, LMJT, pg. 139-140).
Edition: Goitein, S. D.
Translation:
Bodl. MS heb. a 2/20 20 recto
Transcription
S. D. Goitein, unpublished editions.- כתאבי אליך יא סידי ומולאי אטאל אללה בקאך ואדאם איאם סלאמתך וסעאדתך
- ונעמאך יום אלג לד בקין מן שהר אלול ען חאל סלאמה ונעמה ללה אלחמד
- שכרא וען שוק אליך קרב אללה אלגמע בך תקדם מני אליך עדד כתב מן אלמהדיה
- ומן ספאקס ארגו וצולהא אליך ווקופך עליהא וערפתך פיהא אנני אנפדת אליך
- מן אלמהדיה צחבה אבו יעקב יוסף אלדוכי צרתין ואחדה ללכלטה ואחדה(!)
- לכאצתי שרח אלצרה אלדי ללכלטה נ דינ גואז אלשרק נז מתקאל דהב ותבר
- ודהב עתיק תמנהא נ דינ אלגמיע ק דינ ארגו וצולהא אליך ואנפדת אליך
- לכאצתי נ דינ ותלתין גואז אלשרק סג דינ חסניה כתב אללה סלאמה אלגמיע
- ווגהת פי מרכב אלאמיר נאצר אלדולה לא זוק זית גדד מעיקה כילהא סב
- מטר עלי פלכהא מנקוש סלאמה ויהודה וסלאמתהא פלך צגאר וכוץ
- מצבוג ורק ומעהא גראבין צאבון וזנהא ה קנאטיר עליהא מנקוש יהודה
- וסלאמה ארגו וצול אלגמיע אליך פהי ביד עבד אלרחמאן בן עלי בן חביב ספאקסי
- בקי מן עלי מן סלפה אלגמיע דינ ורב אלגמיע ללכלטה ווגהת פי הדא אל
- מרכב צחבה עמר בן עתמאן אלקדירי ספאקסי צרתין מנהא ואחדה ללכלטה
- הי כ דינ שיכיה תמנהא יח ותלת ומעה איצא צרה לכאצתי פיהא
- כ דינ ואזנה גואז אלשרק תציפהא לצרה(!) אלאולה אלואצלה ביד אל
- דוכי וגהת צחבה כתאבי הדא לכאצתי צרה פיהא מד דינ חסניה
- וזנהא מג דינ ומעהא נו דינ עדד כבאר גואז אלשרק כ רבאעי עדד
- חאכמיה וזן אלגמיע ס דינ תביע לי אלדנניר חסניה אלאולה ואלאכרה
- ותגמע אלדנניר אלדי לכאצתי ותשתרי לי בהא כתאן יכון כתאן עאלי
- מנקל אן וגדת מאוי או מיסארי כארג פי אלגודה ואן וגדת לי בעץ
- כתאן פיומי צאלח שעור וקצע אלסכין תשתרי מנהא מא אמכנך
- אסאל אללה ילהמך לחסן אלתופיק וכדלך מא כאן ללוסט תגתהד פי שרי מא
- תראה מן כתאן וסקט ושרח אסעאר אלאסקאט מן אלכתאב אלדי לחסון
- תסתדל ותגתהד פי מא תשתריה ללוסט ולכאצתנא ואללה ולי אלתופיק
- ותנפד אלגמיע אול אלזמאן לספאקס ואן אמכנך תוגיה כתאן אלי סקליה
- תכתב עליה אסחק בן כלף ולא תשח //בכתכך// בשרח מא וצל אליך ומא אנפדתה
- לנסתדל עלי דלך מן כתבך וכנת כתבת אליך פי כתבי אלמתקדמה תשתשרי לי
- מלחפה נארי תכון מכתצרה מקדודה ולא תכון גאפיה ותכון רפיעה
- לנדכל בהא פי אלכפור ועמאמה איצא שרב תכון מכתצרה
- לא תכון גאפיה תכון חלוה ותנפד אלי אלגמיע מע שי מן עוד
- עאלי ומכאזן וטיב מא נקאבל בה מולאי אלקאיד נצרה אללה
- ותקץ תמן אלגמיע מן מאלי וכנת וגהת אליך וללשיך סידי
- אבו סחאק אברהם ק פרכה זי. . לטאף צאבון ללכדמה
right margin, straight lines at 90 degrees to main text
מע אלכהן אלדוכי והו ט דנא וכסר שרח דלך פי אלכתאב אלדי אנפדת מעהא ארגו וצול אלגמיע אליה וכתבת אלי טראבלס לידי אכוך פי תוגיה האדא אלאתואב אלשקאק אל
חלבי אלדי כאנת לה פי טראבלס ווכדת עליה פי דלך ארגו וצולהא אליה אן שא אללה וכתבת ען סרעה פאעדר בפצלך ואלסלם עליך ופתיאנך ואצהארך וכל מן סאל עני אלסלם
ושלום
top margin, straight lines at 180 degrees to main text
מע אלזית ביד עבד אלרחמאן ארגו וצולה אליה נחב תסלם סלאמי
לסידי אבו יחיי נהראי תערפה אנני אנפדת אליה בקי[ה ח]סאבה
Translation
Bodl. MS heb. a 2/20 20 verso
verso top of the page. Address.
לסידי ומולאי אבו זכרי אטאל אללה בקאה מן ואדה מוסי בן יצחק נע ישע
עזיזא רב
רב יהודה בר משה נע בן סגמאר אללה וליה ספאקסי
תוגיה אברהים בן אלסכנדראני
