Letter: ENA NS 2.13

Letter ENA NS 2.13

Tags

Input date

In PGP since 2017

Description

Important business letter sent from Alexandria to Fustat by a Maghribi merchant named Nissim who, coming from al-Mahdiyya, had arrived in Alexandria at time of a civil unrest. The writer describes the difficult situation in Alexandria and al-Mahdiyya, attaches valuable price lists and assures the addressee that his wife and baby daughter are perfectly comfortable. Dated 1060-1070. (Information from Mediterranean Society, IV, p. 168; V, pp. 50, 51, 519.) A letter from Alexandria, in the hand of Salāma b. Mūsā b. Iṣḥaq Safāquṣī, to an unknown recipient. Summer of 1062. Lists prices in Alexandria. Mentions trade links with Byzantium, Genoa, Crete, Sicily, and Spain. (Information from Gil, Kingdom, Vol. 4, p. 445-446.)

Images and transcription

Transcription

  • . . . .] מן . . . .[.]. . . .ון א[. . . .]לון מן ג דנאניר אלתוב . . . . . .ן ונצ.[. .
  • . . . . . . . . . . . . . .] דינ אלתנא אלי כ דינ [.]. .ע[.]ל.ק ה דנאניר ונצ אלקנטאר אל ו דנאניר
  • . . . . . . . . . . . . . .] אסק. .[.]. .[.] עלי [.] וקטע פי הדה אליומין אלקצנטינין כאצה ואמ[א
  • אלבנאדקין ואלאקריטשין עאדהם יבטיו ואמא מא ישתריו מן אלאסקאט פלם ידכלי
  • עלי שי סוא אלפלפל וסערה אליום ינאהז אלפ וליס ידכלו עלי שי סואה וקד טלבו מן
  • איאם אלעוד ורגע כסד וליס יחלו פיה שי וחואיג אלסקלין אלחריר אלמצלב יט
  • דינ אלי ארטאל ואלמפתול כ קיראט אלרטל ואלאנדלסי אלכז אלקאטע מן כה דינ
  • אלי אלכו דינ ואלכזאש מן כ דינ אלי האבט ואלקאבסי מא מנה שי ואלשמע
  • יח דינ אלקנטאר ואלזעפראן מן ד דנאניר גיר כב אלמן האבט ואלמתאע לם
  • יחלו מנה שי לא אלאנדלסין ולא אלסקלין לאן מא ינחלו פי שי ואלבלד ואקף ליס פיה
  • ביע ולא שרי ואלנאס מוקפין ען אלביע ואלשרי אלא אן יראו מא יכון מן אלאכבאר
  • אללה יפרג ענא וענהם וסער אלזית בג רבאעיה אלקלה האבט ואלצאבון מן ד דנאניר
  • ונצ האבט ואלצאבון אלנדלסי סוא מן ד דנאניר גיר בר אלקנטאר האבט וקד וצלת
  • גמיע אלמראכב מן אלמגרב ולם יתבקא סוא אלערוס מרכב אלסלטאן וקארב מן
  • אטראבלס ואכבאר אלגרב אעני אלמהדיה אמנה ראכיה אלקמח בדינארין אלקפיז ואל
  • בדינ אלקפיז האבט לאן כאן פי אלבלד זרע עטים ואלזית ל בדינ ואלבלד פיה זיתון עטים
  • ותצרפהם באלרבאעיה צרב אלמהדיה ובינהא ובין אלתמימיה רבאעי פי אלדינאר ואהלך
  • פי כל נעמה ואסעאר אלאסקאט פי אלמהדיה אלפלפל יסוא כח דינ אלקנטאר ואללאך
  • מ דינ אלקנטאר ואלכאפור בג דנאניר ונצ אלאנקיה אלמסך ו דנאניר ונצ אלוקיה אלעוד
  • מביוע מא נעלם לה צחה סוא אנה מביוע אלנשאדר מנין אלא רב בדינ אלהאל בדינ ונצ
  • אלמן אלפספאסה בדינארין אלר[ט]ל . .פל בדינ [. .] אלמן אלגוזה בה דנאניר ונצ אלמ[. .
  • טאלע אלכאבלי כאסד אלמצט[כה . .] אלקנטאר אל. .[. .]. דינ אלקנטאר אלקרפה
  • לדינ אלקנטאר [[והבאת]] ואלכתאן אל[. .]ל . .וצ. . סוא מן יו אלי טו דינ אלקנטאר
  • והדא מא אעלם מן אלאסעאר ואל. . . אלטיב באלגוי יסוע ע דינ אלקנטאר וקד
  • וצל לך פי רזמה אלשיך אבו סעיד . . . . חריר וגירה ווצל לך פי מרכב [.]ל.[.]. .

right margin, diagonal lines at 180 degrees to main text

  • ג שכאיר | אוגדיד ואשת. .א[. | ואהלך ואלטפלה עלי | גמלת אלסלאם
  • וקד עלם | אללה וכפא בה עלים | דכל עלי קלבי מן אלסרור |
  • מא אפדתה פי מא | וצל לך פי אלגראב | ]מר לא אטיק | . . . .] אללה

verso

  • אכון מוצע כתאבי אלא חתי אקבצה ואמא נת. . או נביעה ונגיב תמנה מעי וקד כצצת סידי
  • אלשיך אבי יעקוב וולדה אבי אלסרור ענך באתם אלסלם והם יכצוך במתלה וכצצת ענך אבי אלפצל
  • בן פרח ואבי אלפצל בן .לפה אלסלם והם יכצוך במתל[ה] וסידי אבי זכרי בן [ע מ]אר יקראך אפצל אלסלם
  • ומא נעלם לם יכתב אליך כתאב אלא . . .[. . . . .] מדה [. . . . .] מן [ו]פאת ולדה נע עזיז עלי
  • וקד סאלת אלאנדלסין סאעתי הדה ען . . . . .ק. . .י אבי אלפצל ואש אכד בה פדכרו אנה
  • לם ינחל פי ביתה .ח[.] וסאלתהם ען .שר ודכרו אנה לם יגי ואציה וצל ללמהדיה אעלמת
  • מולאי דלך ליקף עליה וחסון בן מוסי בן יצחק יכצך באתם אלסלם והו מן אלמחבין אלמתודדין ויצף
  • שוקה אליך ותכץ עני מואלי אלשיך אבי זכרי יהודה בן מוסי בן סגמאר אתם אלסלם ותקול לה
  • וצלת כתבך תלום ען אנקטאע כתבי ענך ואללה מא אבקית ולא פרטת פי כתבת כתאב
  • תם תחתני פי אן נכלם בעץ אצדקאי ומן נערפה פי תקדים אלחמל אליך ובאללה מא פרטה ואללה
  • לו אנפתח אלבלד לטלע אליה עלי ידי כאצה דון גירי זק ואלפין זק זית ללאספאקצאין
  • אללה תעאלי יפרג ענא ויעגל עלינא בדכול אלכיטיה ואנפתאח אלבלד בוצול אמיר ויטהר אליה
  • מא עמלת ומא אעמל אעלמת מולאי דלך ויכץ עני מולאי אלשיך אבו זכרי כצוץ
  • כלה באתם אלסלם ותקול לה נסים יקבל ידך באללה לא תגפל ען הדא והי חאגתי ענדך ומולאי
  • אלשיך אבי אלפצל אלחבר אלסלם ותקולה באללה איצא נסים יקבל ידך והו משתאק אלי
  • אלנטר לטלעת אללה תעאלי יקרב אלגמע בהא ומא כאנת למולאי מן חאגה ישרפני
  • בהא קבל טלועי כצצתה באתם אלסל ומולאי אבי עמראן מוסי מגאני אתם אלסלם
  • ואבו יוסף עואץ בן אלשיך אבו זכרי יכצך באתם אלסלם עא. .ק. . אל אפצל אלסלם
Image Permissions Statement
  • ENA NS 2.13: Images provided by the Jewish Theological Seminary Library (JTSL) CC-Zero / Public Domain