Letter: ENA NS 18.7
Letter ENA NS 18.7What's in the PGP
- Image
- 1 Transcription
Description
Letter sent by Yosef b. Shemuel to 'his brother from father and mother', Ṣadaqa b. Ḥakmūn, congratulating him on the birth of his son. The letter is written in perfect Judaeo-Arabic and calligraphic Hebrew script. (Information from Mediterranean Society, III, pp. 226, 474.)
Image
Transcription
Translation
Editor: Goitein, S. D.
ENA NS 18.7 1
S. D. Goitein, unpublished editions.
- הנה נחלת ייי בנים שכר פרי הבטן
- כחצים ביד גבור כן בני הנערים
- אשרי הגבר אשר מלא את א מ ל י וג
- אסתוהב אללה לך יאכי מן אלנעם אתמהא ומן אלמנן
- אעמהא ומן אלעאפיה אשמלהא ומן אלכשאעה אגמלהא
- ומן אלכראמה אדומה מזאדא פי אלעמר מעאנא עלי
- אלשכר אנה קדיר סבחאנה כתבת אליך יאכי ען חאל
- סלאמה ועאפיה ונעמה ללה אלחמד ואלמנה וקד בלגני
- אכרמך אללה אן אלרב תעאלי וה[ב לך] לאמא פבארך
- אללה לך פי אלפרע אלמוהוב אסעד אללה גדה ובלג בה
- שדה ונסאל אלעזיז אלדי תולא חפטה ועאפאה מן אל
- עאהאת ואלמתולאה חתי אכרגה תאמא סויא אן
- יקר בה עינך וישד בה עצדך ויכתר בה עדדך
- וגיומך [. . . . . . . .]ימד לך פי אלמזיד מן פצלה
- ואחסאנה ואן יבקיה לך תימונא סעידא זכיא
- מופקא רשידא יקים בה אודך פי בקא וצלאח
- ולין מן נגאח ואן יגעלה לך כנפא [[ולטפא]] ומנך
- בקיה ומ. .א ואן ירזקך מן אלסעוד מא נעם בה
- אלואלד ואלמולוד ואן יבלגך פיה אמלך פקר בה
- עינא ואשדד בה עצדא ואזדאד בה ולדא אנה
- אלמאן בדלך וקד כתבת לה חרז ואלחארז אללה
- עלי אסמה ואסם ואלדתה ואיצא מזוזה תתבת בהא
- . . . . . .ה יצלאן אליך מן חצרה ר אברהם ביר
- עמרם נע אן תפצלת חצרת יפת בן דויד
- בקליל זבד אבו נציר ל. .[. .]. . . . .[
right margin, diagonal lines at 180 degrees to main text
. . בהדה | בלדה . . . . | מתפצלא משכ[ורא | וא[. .] אלסלאם |
תכתץ ב[ | חצרת . . .ל. . . | . .]. וחמ. . | וולדהא [ |
אלסלאם | . . .ניהא | ענ[ | כאנת לך .[ | מ]נה | תם [ |
בקצאה [ | ושלומך | יגדל
ENA NS 18.7 2
verso top of the page, written upside down compared to recto. Address.
חצרה אלאך אלשקיק אלואד שאכר אוצאפה
אלשפיק
ס ף
צדקה בר חכמון נע יוסף ברבי שמואל זלהה
ו י
