Letter: UPenn E 16516

Letter UPenn E 16516

Input date

In PGP since 1987

Description

Letter from ʿAmram ha-Kohen b. Aharon, in Damascus, probably to his father-in-law Ṣadoq b. Yoshiyahu, in Tyre. Dating: ca. 1093 CE.

Transcription

Moshe Gil, Palestine During the First Muslim Period (634–1099)‎ (in Hebrew) (Tel Aviv: Tel Aviv University, 1983), vol. 3.
  1. קד עלם בוחן ליבות וכליות אן לם יכ אמר סרי אן אקים בדמשק אלא אלמדה

אליסירה באזא מא יחצל לי

  1. מן אלקהל נטרינון רחמ מא יסהלה תע ואעוד פכאן אלקהל משגולין באלשבויים

אלכתיר פתאכר אמרי מדה

  1. ארבעה אשהר אלי אן חצל לי מן אעיאנהם דבר ממועט וכנת קד אקתרצת בדמשק

שוי וארסלתה ללאטפאל

  1. וואצלתהם אול באול אלי אן וצל אלכבר במא צור פיה מן קרץ אלסער וכתרה

אלצורך אלדי אצחאבנא פיה

  1. וואפק דאלך אלמחלוקת מע שגל קלב הדרת אדונינו ירום הודו אלי אן נפד

גמיע מא תחצל ותקדירה יב

  1. דינאר ובקית גאלס האלך לא יקים בי אלא אחאד//מן// אצחאבנא בשוי

ירפד/ו/ני בה פוצלני אן ולדי מרגא כרג

  1. ]אלי[ צידא ואן ואלדתה אסתרדתה ברסול קאצד מאשי מן צידא אלי צור יום

אלגמעה פי אלברד ואלשתא

  1. פגלטת וגרי מני זהק וקסמת בשבועה אנני לא דכלת לעולם צור או תדב[רה] הי

פי אכראגה אליי אלי דמשק

  1. ומתי לא תפעל הדא אלאמר טלקתהא וטאל מכתי בדמשק יא שהרא וחיד לא לי גיר

רחמה אללה ומן ירופני

  1. באליסיר אלדי לא יכפני וחדי או אכתב /ב/אליסיר אלחקיר פלאזמת אלציאם

אלמדוום ואלתבוית ואדכה מן פמי

  1. ללאטפאל אלי אן לם יבק לא מן יסתכתב ולא גיר דלך וליס לי קדרה אלי

אלעודה מן אגל אלשבועה ולאן מא

  1. אקדר עלי כרא דאבה לא בל אלי סואהא עלי סתה מן אלעאילה ולא בקי מא יבאע

ולא דכירה אעוד אליהא

  1. אד הדרתו הקדושה עאלמה בביעי מא כאן לאהל אלבית מן מצאג וסואה ותיאבי

ומצאחפי ודפאתרי

  1. ואתאת גמיע אלבית אלי אן אנתהי חאלי אלי אלדי בקי מן מציחפאת ארהנתהא

ענד פהד אלוכיל ופהד בן פהיד

  1. ועלי מן אלדיון בגיר רהינה לא תנוצף פבאי שי אעוד אלי אטפאל ובית פארג

רק מכל והדא אלטפל סאיב וחיד

  1. גיעאן עריאן ליס לה ראוף ולא מן ידבר בל כאנת חצרתה אלאגלה [[פכאן]]

פחדת סכטהא עליה ואבעדתה ואכשא

  1. מן תלאפה ואנפסאדה פאן ראת יהי אל בעזרה אלתלטף באסעאפי בה ואכראגה

אליי לתברי קסאמתי ויכון צחבתי

  1. אלי דיאר מצר //לנכון// צחבה ר צמח אלי עסקלאן לעל בסעאדהא יחצל מא

יקסמה אללה נע ואעוד אליהא אכר

  1. אלציפה אכון תחת ידהא ופי כדמתהא ואדא דאמת עלי סכטהא ולא יצל אליה

מצית אלי אבעד אלאמכנה

  1. פהלכו אלאטפאל וקד אעאדהא אללה מן אן תפעל צד שאכלתהא ועואידהא אלגמילה
  2. תנעם חצרה מולאי אלשיך אלאגל יהי אל בעזרה
  3. ומכף אויב ואורב יסתירה ועליהם יגבירה וינצרה
  4. באלתלטף לחצרתה ואלסואל אלאכיד לעל בסעאדתהא
  5. יכרג פתכון הי תבת אללה מגדהא קד אחיתני וסתה
  6. מן אלעאילה ומא אולאהא בדלך לא אעדמני אללה
  7. בקאהא ותבת מגדהא וגעלהא אבדא מסאולה ולא
  8. סאילה וקד געלת קצדי אלי אללה ואליהא ותכלאני
  9. ושכרה כפול מן השמים