Letter: T-S 8J20.17
Letter T-S 8J20.17Tags
Input date
In PGP since 2017Description
Letter from Marduk b. Musa from Alexandria to Nahray b. Nissim, Fustat. In the handwriting of Avraham b. Farah, August 10, 1046. Information about ships that arrive from Mahdiyya. (Information from Gil, Kingdom, vol. 3, pp. 764-766, #529). VMR
Edition: Goitein, S. D.
T-S 8J20.17 1r
Transcription
S. D. Goitein, Nahray (in Hebrew).Recto
- בסם אללה אלעטים
- כתאבי יאסיידי ומולאי אטאל אללה בקאך ואדאם עזך ותאיידך וסלאמתך
- מן אלמסתקר לה כלון מן אלול ואל חאל סלאמה ונעמה ואלחמד ללה רב אלעאלמין
- ולמא כאן פי יומנא האדא וצל קארב אלמפצל אלחיפי מן אלמהדיה ווצל
- פיה אבי יחיי בן אלסכא אלמהדוי ודכר אן אקלע קבלה ה מראכב אללה יאתי
- בהא [סאלמה] אן שא אללה יתפק בקית אלמראכב עלי אלאקלאע אללה יכתב
- סלאמה אלגמיע ולם אגד לך מעה כתאב לאן אקלע גירה קבלה דכר
- אן צאחבך פי כל נעמה וסיידי אבי אסחק ברהון וואלדה וברהון אבן אסמאיל
- פי קארב בן (בו ?) אלמנגי רכבו ומא ענדי כתבך אלי מעהם ווצל כתאב אלי
- סיידי אבי אסחק ברהון בן צאלח והו מע אלכתב ואנא אחבס לך פי גמיע
- מא יצל אליך אן שא אללה ומא ענדי מא אכתב לך בה ומא יתגדד מן
- אלאכבאר כתבת בה וכיר יכון אן שא אללה קראת עליך אתם סלם
- ואנא מחבך ברוך אכצך באתם אלסלם וכתבת כתאב אלי סיידי אבי אל
- פרג נסים נסכה כתאב וצל אליה פאריד אלחפץ בה ואנפאדה
- אליה ותדכרה פי כתבך אן שא אללה לאעלם וצולה אליה ואלאכבאר
Recto - right margin
- אכבאר צאלחה
- וללה אלחמד עלי
- דלך ותדכר אל
- אכסייא אן חבס
- אחד רזמה
- ואללה וחסבי
- אל.. דלך
- תקתי באללה
- בכפאיתה
T-S 8J20.17 1v
Verso
- לסיידי ומולאי אבי יחיי נהראי בן נסים נע מן מרדכי בן מוסי נע
- אטאל אללה בקאה ואדאם עזה ותאיידה מסתקרה אן שא אללה דרגה כתאב נסים
- בן בנאיה
