Letter: T-S 8J19.25

Letter T-S 8J19.25

Tags

Input date

In PGP since 1990

Description

Letter from Mevasser b. David from Busir, to Yaaqov b. Avraham b. Alan, Fustat. Around 1052. The writer makes merchandise in Busir to ship to Fustat through the Nile but the ships are not enough and the letter describes the struggle to get a ship. (Information from Gil, Kingdom, vol. 4, pp. 295-299, #693). VMR

Images and transcription

Transcription

  • תוכלת עלי אללה
  • כתאבי יא מולאי אלשיך אלגליל אטאל אללה בקאה ואדאם עזה ותאידה וסעאדתה
  • וסלאמתה מן אבו
  • ציר לתסע איאם בקין מן שעבאן ואלחאל סלאמה ואלחמד ללה רב אלעאלמין
  • תקדמת כתבי
  • למולאי אלשיך אידה אללה פי מרכב רמצאן נסכתין ואחדא (!) בצחבת אבן
  • אלרקי ואלתאניא
  • צחבת מנצור אבן אכת הרון אלפקיח ואשרחת לה פיהם גמיע מא אשתריתה ומא
  • עמלתה ואכדת עלי מולאי פי תוגיה דנא' ללמון ואלי אבן חיון ארגו אן דלך
  • מני באל
  • קרב ואן כאן ועאיד מן אללה יא מולאי לם תנפד שי פלעל יגד מולאי מן ינפד
  • לי מעה
  • לאני בקית מוחול נקתרץ מן דא דינ' ומן דא דינארין ומא עדת אתר מן יפרג
  • עני ואלדי אעלם
  • ביה מולאי אני חזמת אלא (!) יומי הדה יד עדלא ובקי ממיז לם יחזם ג אעדל
  • ואנא גד כתאבי
  • הדא נחזמהא וקד אסתכרת אללה וחמלת פי מרכב אלטנסאוי אלכביר ח אעדאל והו
  • ידכר
  • אן ינחדר יום אלסבת אללה יכתב סלאמתה ומא מנעני לם נחמל פיה אלגמיע אלא
  • קום
  • מצאו לסידי אבו מחמד מחפוץ [[ ]] אני נחמלו פיה שוי ומא חמלת הדי
  • אלח
  • אעדאל אלא בחילא ובגיר עלם אחד אלא אן חמלת ואנפדת מעהא עלי אלא אן
  • רמית ענד אל
  • מרכב ואנפד בעד דלך וראי מחפוץ וקאל לי מא כנת מעי פי אלחמל ליש חמלת
  • והדה
  • כלה מן קום לא אגזאהם אללה כיר ואלתסע אעדאל אלבקיה הנה שאכת עיסא אבן
  • א
  • וקד אכא (צ"ל אכרא) מנה אבן אלקנדייה ט בדינא' פאן תם דלך אלכרא אנא
  • נסתכיר אללה ונרסלהא
  • מעה אללה יכתב אלסלאמה ואמא סער אלמרכב מא נדרי כיף קאטעוה ואנא נחרץ
  • ונטארח עלי סידי אבו מחמד מחפוץ באן עסי יחמל לי פיה חמלין או חמל
  • אללה
  • יגעל פי דלך אלכירא וחסן אלתופיק ואלדי אעלם ביה מולאי באן מא פי אלבלד
  • תאגר
  • אן ישתרי כראיא כתאן והו פי וקתנא הדה מן יח' דינ' אלי יד אלי יו גיר
  • אנהא מא הי תשבה נפץ אול אלוקת [[ ]] גיר אנה אלאחטא ואחד ואן כאן
  • למולאי

margin

  • חאגה פי / שרא / פי כתו / ראיג ויטלב / סראחי מן / הנה לאן /
  • אלבלד / קד בדא / וכל אול מולאי / עלי / וקד / קט / ענד אל
  • / / א / כל / / מן / קלק יר / וסערה א /
  • מא יקול / אסמאעיל / מן טו חולה ואסעה / אללה תם טלב לא יכון / ד ן גואב
  • כתאבי / במא אלדי יתקדר / עליה / חאל מולאי / ואנפאד אלדנאניר פי / מרכב
  • רמצאן / או מע מן יראה / מולאי או יאכד / מולאי אלשיך/ כתאב מן אבן /
  • אלצקטי אלי סידי / אבי מחמד / מחפוץ או אלי / סידי אבו אלכיר / נאגי באן
  • ידפעה / אלי עשרה דנא' / או מא אחתגת / ידה וידפע אליה / מולאי במצר

page b

  • וכדלך אמר אבן חיון בקי לה ל דינאר וקד דכרת לה אן נכתב לה ספתגה ארגו
  • אנה יפעל דלך ומא
  • נחתאג נאכד עלי מולאי פי תוגיה מא ננחל מנה ואנא נתצבר לוקת צפר
  • אצחאבנא והם יקולה אנהם
  • ינחדרו בעד אלסבת אללה יכתב סלאמתהם [ומ]א נאכד עלי מולאי במא יאמר ביה
  • אמא במגי
  • או באלשרא ואללה ינפדה למא פיה אלכירא ברחמתה ועיני מתטלעה למא יצל
  • למולאי מן אכבאר
  • אלגרב יכתב בהא וד[ר]ג כתאבי כתאב לאסמאעיל בן חאתם יקף עלי מא פיה
  • קראת עלי
  • אצח מולאי אתן אלסלם וסאדאתי אלאכוא חסהם אללה אלסלם וסידי אלשיך אבי
  • נצר דאוד
  • אידה אללה אלסלם ויעלמניי (!) מולאי חאל צניעתה אכי חסבי ותקתי באללה
  • וביה אסתעין
  • וקד עמלת מא רסמה מולאי פי תרקיע רוץ אלאעדאל וכדלך עמלת עלי גמיע
  • זואמעהא
  • ואכצאמהא וגואנבהא אלמגרא כלה לחוטא (!) יעלם מולאי דלך ליגעל הדא מן
  • אללה בסלאמתהא
  • מן ישרף עליהא אללה יכתב סלאמתהא ואלסלם וכדלך מצית אלי בן חיון
  • ואתכפרת עליה
  • וקלת לה מא יצל אלי הדא אלתמן קד גאני כתאב באן לא נשתרי כתאן פמן בעד
  • עצים
  • עצים אכדת מנה ס רטל כתאן גייד והו יא מולאי יקע שראי מנה יט דינא'
  • א חסא עלי מא אשתראה אצחאבנא אמס דינארין ונצ' מן אלחמל //
  • רמצאן //
  • אעול עלי אני נחמל פי אלשאכה וקד אכתראהא אבן אלקנדייה מקאטעה ג דנא'
  • ונצ' ואנא וקד כנת
  • מ]נתצר מרכב רמצאן ונוסקהא אן שא אללה ואנא מנתצר כתאב מולאי כמא הו
  • וננחדר אללה
  • אללה אלחאג (?) אלאן ואלסלם
  • سيدى موﻻى الشيخ الجليل ابى الفرج صنيعته بشر بن داود الفسطاط ان شاالله
  • يعقوب بن ابرهيم بن علان عمره الله تعالى
  • חצרת מולאי אלשיך אלגליל אבו אלפרג יעקב בן אברהם צניעתה בשר בן דאוד
  • בן עלאן אלפצטא[ט
  • אטאל אללה בקאה ואדאם עזה ותאידה וסעאדתה מגלסה [
  • על [
Image Permissions Statement
  • T-S 8J19.25: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.