Letter: T-S 8J18.18
Letter T-S 8J18.18Tags
Input date
In PGP since 1990Description
Letter from a merchant in Alexandria to a business associate in Fustat, advising him to dispose of goods costing a large amount of money and, “This letter of mine is your proof in court.” The writer also notes he received a loan of 80 dinars from a compatriot and asks that all consignments to himself should be turned over to his creditor. Eleventh century. (S. D. Goitein, A Mediterranean Society, 1:254, 291, 464, 272; 2:337, 601) EMS
Edition: Goitein, S. D.
T-S 8J18.18 1r
Transcription
S. D. Goitein, unpublished editions.- כתאבי יעזיזי (!) וסידי אטאל אללה בקאך ואדאם סלאמתך וסעאדתך
- ואתם נעמה עליך לד בקי מן שבט וקד תקדם מני אליך עדה
- כתב ארגו וצולהא אליך וקד טמן אללה קלבך מן גהת בן נאדר
- ואלקאפלה יסידי אערף בצחה דלך ממן יגי מן ברקה פנחב אן
- תערפני איש תזיד ענדך וקלבי מתשוף לכתאב יצל מן ענדך
- לעל וצל לי פרג מע סידי אבי אלסרור סלמה אללה או מע גירה
- ולעל תפצל אללה בוצול מוסי אלכינגגי סלמה אללה ומע מא
- ותקת באללה גל ועז אן לא יכליני מן פרג וצל לי חוגת אלי דנאניר
- הונא לקום לא נסתטיע נרתפעהם פתראעית עלי סידי אבי
- עמראן אבטליון בן מוסי סלמה אללה פאקתרצת מנה תמאנין
- דינר באלסנגה אחסן אללה גזאה פתתפצל ותצמן אלדרך לכל
- מן גאב לי שי ואלואצל לידך יסידי הו ואצל לידי ותסלמה
- אנת לסידי אבי עמראן וכתאבי הדא חגה פי ידך פתסתקצי לי
- יסידי ע פי גמלה סידי אלשיך אבי אסחק בן עלאן או סידי אל
- אבי אלפרג בן עוכל סלמהמא אללה ולא יזל קלבי משתגל
margin
- או נרא כתאב לכן עאמלני הדא אלרגל אחסן אללה
- גזאה בכל גמיל פי אלדניא פקלבי משגול
top of page
- אלי אן יצל אליה רחלה פתטייר לי כתאבך וקד ערפתך אן בקי אלשמע
- כמא דכרת אלזית ואלצאבון יצל מע סלימן לם יכון אלכל כאן
T-S 8J18.18 1v
page b
- ואלבעץ פאללה יסידי רוג עלי בכתאבך מתפצלא עלי כאצה
- נפסך ע עלי אלסלאם וסידי אבי אלפצל וסידי אבי אלסרור
- סלמהם אללה אלסלאם
- לשיכי וסידי אבי אברהם עיאש בן מן ישעיה בן אסחק ו
- נסים אללה וליה ונאטרה וחאפטה
