Scholarship on Letter: BL OR 5563C.17
Letter BL OR 5563C.17- Bibliographic citation
- Alan Elbaum's digital edition (2023), available online through the Princeton Geniza Project at https://geniza.princeton.edu/documents/19252/.
- Relation to document
- Digital Edition
Image
Transcription
Translation
Editor: Elbaum, Alan
BL OR 5563C.17 recto
°
Alan Elbaum's digital edition (2023).
- אלשריפה כתרה אלשוק אל[יה . . . . .
- ואלארתי/א/ח אלי מבשרתה ומחאדת[תה
- פאללה יגמע שמלנא בה עלא מא
- יחב וירצאה וס/ו/אל אלממלוך מן
- אלאך אלעזיז חפצה אללה ורעאה
- אן ינוב ענה פי תקביל אלארץ
- בין ידין מולאנא וסידנא רייס
- אלזמאן וקדות אלאנאם ירום הודו
- ויגדל כבודו ותבסט עדר אלממלוך
- פי . . יר אלואגב מן כדמתה ואלמולא
- יעל[ם ס]בב דלך ואיצא נשתהי מן
- אנעאם אלאך ופקה אללה אן יערף
- ממלוכה אכבאר ר אליה וולדה
- ופי מא דא טלעו ומא גרי בין אלאך
- ובין סיידנא אלרייס ירום הודו פי
- קציה אלרב השם יהיה בעזרו ופי
- קציה אלכתב אלמתקדמה ולא תתרך
- צגירה או כבירה או תדכרהא
- ואכבאר אלנשיא וגמיע מא יגרי
- בעד אכתצאץ אלמגלס באתם סלאם
- ותחיה ואכראם ושלומך יגדל ואל
- ידל אמן וכן יהי רצון ואלממלוך
- אבו זכרי יכדם אלמולא ויסתוחש
- מן גלאלה והו ואולאדה מעתדרין
- מן כונהם מא כרגו פי כדמה
- אלמולא אבקאה אללה וגמע אלשמל
- ושלום