Scholarship on Letter: T-S 8J13.3 + T-S NS J250
Letter T-S 8J13.3 + T-S NS J250- Bibliographic citation
- S. D. Goitein, index cards.
- Location in source
- Relation to document
- Discussion
- Bibliographic citation
- S. D. Goitein, unpublished editions.
- Relation to document
- Digital Edition
Image
Transcription
Translation
Editor: Goitein, S. D.
T-S 8J13.3 1r
S. D. Goitein, unpublished editions.
Recto of T-S NS J250:
- כאן תאכרהם . . . ף חאלהם קל . . . . . . . .
- אליום . ף ס׳ יום חתי //מא// תצרפת גיר פי הדה אל . מן
- ומא כתבת הדה אלכתאב אלא בכלפת כביר אמא
- מן אלדי כנת פיה אתנקץ כתיר יודו ליו חסדו
- אמא מא יזול ס . . ה הדה אלמרץ כאצה פי אל
- שתא וסאלת פי כתאב [אן?] מתקדם פי מעני קליל
- עקאר יקאל אבו זידאן קאלו אלאטבא לא בד מנה
- פתסתקצי ענה ולעל מולאי אלשיך אבו אלמנא
- יצפר בה אדא כאן מן דרהם או דרהמין
T-S 8J13.3 1v
Recto of T-S 8J13.3:
- ותנפד לי סרעה ואיצא ידכר אבי אלפרג
- אלמדכור פי כתאבה באן אשתרית בצאעה
- מן אלוכיל ואכדת תמאנין דינאר מן מולאי אל
- אלשיך אלאגל אבו אלמפצל אדאם אל עליה והו לשיך
- אבו סעיד מכלוף אלנפוסי צהר מכתאר פתדפע
- לה והדה קלה אלעקל פתגתמע בה וקלה אליום
- בצאעה קליל חתי תפעל הדה ואיצא מא אנא
- ראגב כתיר פי ספר אלגרב ולו כנת מגתהד
- מא אשתהי אנפד אכתר ממא ענדך אליום
- מן וגוה אלשתא ואלאכרי עלי קול לא יאכד
- מן מכלוף ולא יעטי מן אלמרה ואנא עלי /ה/דה אל
- קול פאריד תבלגה הדה ואיצא יערף בדלך חצרה
- מולאי אלשיך אלאגל אבו אלמפצל מן ענדך עלי
- וגה כמא יגב מן ענדך חתי לא יאכד עלינא
- וקל לאבו אלפרג תנגז שגלך ותופי שיה ותגי
- ואיצא ואצל הדה אלכתאב והו והב קראבה
- ינח י והו שאכר כתיר מן חצרתה והו מתכל עלי
- תפצל אלבארי עז וגל ותפצלך פי מעני אלמואצלה
- למולאי אלשיך אבו טאהר ומא יגי אלא . . . אלא
- גיד פסאלני סואלך תשד מעה ואנא נסאלך איצא
- פי הדה אלמעני ונגאזה סרעה ויצלני כתאבך
Margin of T-S 8J13.3:
בדלך חצרתה / מכצוצה באפצל אל / סלאם ואלולד / שמחה יקבל ידה אלכרים / ואמא איצא קאסא
Margin of T-S 8J13.3 and T-S NS J250:
מן אלמרץ מא יקאסי
Margin of T-S NS J250:
אחד ואחב (?) אלבארי / ] יגלינא . . . . .
Verso of T-S 8J13.3:
- תכץ חצרה מ/ו/לאי אלשיך אלאגל אבו אלרצא באפצל
- אלסלאם קלה מא וצלני כתאב חצרתה מן מדה
- אלטוילה פנסאלה יצלני גואב כתאבי ואן כאן לה
- כדמה תערפני בהא ואיצא אדא וצל מולאי אלשיך
- אבו אלעלא ואדא כתבת אלכתאב אליה תבלג
- סלאמי אליה ואנא עתבאן כתיר מן כרוגה מן אל
- אסכנדריה מא וצלני מנה כתאב מולאי אלשיך
- אבו סהל מכתאר יכצך באפצל אלסלאם
- ואלאצדקא כלהם מכצוצין באפצל אלסלאם
- שלומך ירבה לעד
