Letter: T-S 24.59
Letter T-S 24.59What's in the PGP
- Image
- 1 Transcription
Description
Letter from one of the followers of Natan b. Avraham. Dating: probably 1042 CE (GIl). The sender is seeking an appointment from the yeshiva and has met with Shelomo b. Yehuda. He complains of pressure and persecution. He is supported only by the sons of Shūʿa and two Maghribīs, Avraham b. Moshe (aka Barhūn b. Mūsā) ha-Tāhertī and Yehoshuaʿ b. Natan ha-Andalusi. Among other matters, he writes, "I had a maternal uncle (khāl) named ʿAlī ibn al-Lādhiqī. He had a feud with Solomon ben Judah [the gaon of the Yeshiva in Palestine] and could not be in the same place with him. When he died, he instructed that his body should not be taken to Jerusalem and that he should not be buried with his ancestors because of him [Solomon]. [...] They appointed him permanent ḥazzan in al-Raqqa and as muqaddam of the city. His name [i.e., patronymic] was Birabbi Joshua [=the son of R. Joshua]. He could not remain with him [with the gaon] in Jerusalem and returned to his permanent position in al-Raqqa" (Frenkel). He mentions in passing near the end the illness of the son of Yeḥezqel ha-Kohen he-Meʿulle. On verso there are astronomical calculations regarding the position of the moon. (Information in part from CUDL)
Editor: Gil, Moshe
T-S 24.59 1r
....
- ואלסנין [ ]אבי
- סהל נאתאן אבן אברהים יחי לעד וטהר ללנאס דינה
- ופצלה ועלמה ומערפה אלנאס בגלאלה אלביתה ותחדרת
- אלי אלרמלה אטלב פצל אללה ו[פצ]ל אלאמה פא[..]ת שלמה מני
- אלקנאה וסלך מעי מסאלך אלדסוס ושרחת [ ]לת
- באלקיוד איאם אלאעיאד ותל[קא]ו ולדה ואכותה [ ]
- סלאם אלאנדלסי //מעי// פי אלרסום ואל [ ]
- קלוב סאדתי אלשיוך בני שועא אידהם אללה אלרחמה
- ובדלהם דראהמהם וגאההם לקד כנת האלך אני ואלטפלה
- ואבני גנסי פלמא ראי ולדה אלתועבה אלדי וצפה מעלום
- פי כל בלד אנה>ם< קד אבדלו מגהודהם דפעאת ולם ימכנהם
- אללה תעאלי פסבבו [ ] מן אלתקדם עלי ישראל
- פא[שארו] עלי באלמצי אליה אלי ביתה אעני אלפאסי פמצית
- אליה ובסת ראסה לעטם מא קאלני מן אלצרר ואלמוגוע
- [ ]לי וקלת לה אנת תעלם אני כאדם גמאעה ואני
- מקדם קדמתה אלאמה אמתתלת אמרה וצלית עליה [ ]
- [ ] כדלך מן כאן פצל אללה ופצלה ופצל אבאיה ואסלאפה
- עלי ולם ינפעני מציי אלי מוצעה וקאל לי פי אלוקת הו ואילייא
- ואליה אבן אלסגלמאסי לקאהם אללה אפעאלהם אקסם באללה
- אנך לא צלית עלי הדא אלרגל אבדא ולם ינפע מציי אליה
- שי [ ]מה ולא ירחמה ולקד כאן לי כאל יערף בעלי
- אבן אללאדקי אבן ת[ ] וכאן חזאן ומעלם פי הדא
- אלמוצע וכאן מן [ ]ה ולם יקדר עלי אלמקאם מעה
- אלי אן אוגלא אלי אלרמלה ואוצא ענד ופאתה אן לא יצעד
- בה אלי אלקדס ולא ידפן בין אבאה לאגלה [ ]
- פקבעוה והו חזאן פי אלרקה מקדם אלבלד יערף בירבי
- יהושוע ולם ימכנה אלמקאם מעה פי אלקדס וקד עאד אלי
- אל[מ]קבע ולולא מא תקדם מן כאלי אני כביר אלסן וכתיר
- אלעילם לם אקים מעה וקד כאנו אלאואיל יקראו עליהם
- אלשער ולא פתח ביתה ולו עלם ואעתקד מא קאל אללה פי
- אלתורה לא תקם ולא תטור את בני עמך עלי אלאשיא
- אלתי [ ] עליהא ומא עלמת אן תם סבב גיר אלקנאה
- אלתי לחקתה מן מולאי אלריס ראס אלמתיבה וליכן קד עלם
- [ ]אלי כלאם הקנאה והתאוה והכבוד מוציאים
- את האדם מן העולם וקד בקית צאיע פי אלקדס למא
- לי שי ולולא אלטפלה וצדקאת מולאי אלשיך ומואלי אלשיוך
- [ ] מולאי אלשיך אבי אלסרור יהושע אבן נאתאן
- אבקאה אללה [ ]קה ואבקא ולדה וסיידי אבי אצחאק
- ברהון אדאם אללה רצאה וחרשתה יערפני ויערף חאלי וקד
- כאן לאביה עלי פצל וצדקאת ולעמומתה וואצלוני בהא
- מן אלגרב וקד עלם אללה גל תנאה אן ענד סמאעי פי דאר
- סאדתי בני אלשיך [ ] שועא חרסהם אללה כבר וגע ולד
- סיידי אלכהן יחזקאל המעולה שצ בחבורה [ ומצית]
- אלי באב אלרחמה וסאלת אללה גל תנאה ימן עליה באלעאפיה וקד
- מצית אן אכתב אלי סאדתי אלשיוך אדאם אללה עזהם [ ]
- [ ] פלם יכן לי קלב ולא [ ]
- פי סעה כרמהם ופצלהם אן לא יגדו עלי [ ]
- מכאתבה וכץ בדלך סאדתי אולאד אלכהן אדא[ם] אללה להם אלוק[אר]
- ערפתהם וערפת חסידותם פאן ארדתם אן תספ[ ]
- הדא אלקדס ותעינוני עלי אלמקאם פיה פאנתם תפעלו מעי כל
- אלגמיל פמא אולאכם בדלך ושלומכם ירבה ויגדל לעד
- ישע יקרב