Letter: T-S 20.104
Letter T-S 20.104What's in the PGP
- Image
- 1 Transcription
Description
Statute (‘taqqana’) about the conduct of two slaughterhouses, one at the Great Bazaar and one at the Bath of the Mice, issued by a committee of seven individuals elected by the community. The document records the decision to appoint Yefet b. David to be cantor and the supervisor of butchering instead of his father, who had died. Yefet will be responsible for these two markets in Fustat where kosher meat is available, and must send half of the weekly income to Yoshiyyahu Gaon, head of the Yeshiva in Jerusalem. Goitein dates the document to after 1024; it must date to before May, 1025, when Shelomo b. Yehosef became gaon. (Information from Gil, Palestine, vol. 2, 583-585, #319; Goitein, “The Social Services of the Jewish Community as Reflected in the Cairo Geniza Records,” Jewish Social Studies (1964), 10; and Goitein’s index cards) VMR, EMS, MR
Tags
Editor: Gil, Moshe
T-S 20.104 1r
Recto
- [ ]ב[ אגת]מעו [מעהם פי כני]סה
- [אלשאמיין במצר] אלמערופין בפרנסתהא ובאפ[וטרופסי] אחואלהא
- אלמהתמין בעמארתהא פי גמיע אמורהא [אל]די {מנהם}
- פי גמלתהם כגק מר ר אפרים השופט והמומחה ומור שלמה
- בר חכים הפרנס ור מחסן בן חוסין ור דויד הלוי בן אהרן
- ור [ ] ור אברהם הפרנס בר מבשר נטריהון רחמנא
- ויקדמו דלך אלוקת מן ירצו דינה וטריק[תה ו]עלמה ואיצא תולא
- חוסין הדא מקדם ללגמאעה נר פי מא יתולאה מן אלדביחה
- ואלמנאיה פי אלסוקין אלדי אחדהמא חמאם אלפאר ואלאכר
- סוק אלכביר כמא כאן ואלדה רחמ אללה עלי אנה יבאדל אלי הדא
- פי אלחרץ ואלתקצי פי מא יתולאה מן דלך ומראעה אלי
- אלשומרים במא יגב וחפט מא יבית מן אללחם אלחלאל [ו]גמיע
- מא יתעלק בה כדמה אלדביחה ליצח לה דיאנתה ויכלץ מן
- אלאתם אן שא אללה ושרט עליה איצא אנה לא יסתניב
- במנצור אכיה פי שי מן אלדביחה ולא מנאיה ולא יגעלה
- שומר ליזול ענה אלתהמה ויזול איצא שגל קלב אלגמא[עה]
- פי שי מן דלך ועלי אן מא קסם אללה גל אסמה פי הדין אלסוק[ין]
- אלמקדם דכרהם מן קליל או כתיר מן אגרה דביחה או
- כאן [ ] תגמע בה אלרסום קליל כאן אם כתיר מ[ן]
- [ ] אסם ואחד יכון דלך באגתמא[ע]
- אלפרנסה [או מ]ן י[ר]צא בה אלגמאעה ויסאלוה אלניאבה
- מנהם פי ה[דא] לידפע פי כל סבוע נצף מא יחצל מן הדה
- אלאסואק בלא זיאדה ולא נקצאן //אלי חוסין הדא אבן דויד// ואלנצף אלאכר יעזל אלי אן
- יוצל אלי אדונינו כגק מר ור יאשיהו גאון נט רח וכגק
- מרור אפרים השופט והמומחה נט רח שהדה וקימוה משרף
- עלי דלך ומדברה ואלשיוך אלמקדם דכרהם [ר דויד ה]ל[וי] בן אהרן
- אלמקדם דכרה אידה אללה ודכלת אל [ ] באחד
- [ ]ת הדה אלתקנה בלא חומלה [ ]ני ואעוד באללה
- כאן אחד פסך שי מן דלך כאנו מנכרין עליה {אל} דלך ואיצא
- מתי מא פסך חוסין הדא בר דויד שי ממא דוכר ווצף פי
- הדה אלתקנה קליל כאן אם כתיר לם יכון לה ענד אלגמאעה חק
- כדמה ולא שרט ממא דוכר בל תע[ ] אעתקאד מן
- פסך עהד ועבר עלי פניין וקרי גמיע הדא אלכתאב עלי
- גמאעה מן כתב כטה פי אכרה ועלי חוסין הדא בן דויד
- החזן ננ אלמקדם דכרה ואקני מנה עלי [מא פי הדא אלכתאב מן אלשרוט]
- בעד אן אעתרף בוקופה עליה ופהמה איאה קניין
- גמור בביטול כל מודעין ותנאין נכתב בחודש אדר
- שנת אלף ושלו למניין דרגילין ביה בשפריר מצרים
- שעל הנהר מותבה שריר וקיי /אלי חוסין הדא בן דויד צחיח
T-S 20.104 1v
