Letter: T-S 12.291
Letter T-S 12.291Tags
Input date
In PGP since 1989Description
Letter from Avraham b. Yosef al-Sabbāgh, Alexandria, to Yosef b. 'Awkal, Fustat. Dating: ca. 1020. Written by a copyist, Daniel ibn al-Shama. Includes details on government officials and commodities. Written on parchment.
Edition: Goitein, S. D.
Translation:
T-S 12.291 1r
Transcription
S. D. Goitein, "Jewish Trade in the Mediterranean at the Beginning of the Eleventh Century (II)" (in Hebrew), Tarbiz 37, no. 1 (Jerusalem: Mandel Institute for Jewish Studies, 1967), 48-77.- שיכי ורייסי ואלעזיז עלי ואלאתיר לדי אטאל אללה
- בקאך ולא אכלא מכאנך וזאד מן פצלה ואחסאנה לך
- נעלם שיכי אן וצלת סאלם ואתקדם (!) מני אליך כתאב ולם
- נרא לה גואב ארגו שגל כיר וערפתך פיה גמיע מא
- תחתאג וקד וצקת (!) פי מרכב בן גובאר סלמה אללה
- לכאצתך מן קבל מוסי בן אלמגאני ט קטאע כחל
- מנהא ה זנאביל ד קטאיע (!) כחל ולי מעה מן כלטתך סלמך
- אללה עדל נחאס סביכה וזנביל פגר וקטעתין כחל
- ארגו אן יכתב אלסלאמה נחב מן מולאי [... א]ן יקבץ
- אלכל ואיצא מע בנאנא לי חמל לך מן קבל בן אלמגאני
- וחמל לי מן כלטתך סלמך אללה וחמל לי איצא כלטה מן
- קבלי ביני ובין עמאר אבן יגו ד אזיאר לטאף ולי איצא
- מע אבו זיד עדל קזדיר כלטה ביני ובין סלאמה אל
- מהדוי ולך מן גמלתה נ רטל פי אלכלטה ולי מעה יא שיך
- יז זיר צ[אבון ] לטאף ארגו יכתב אלסלאמה והי לרגל מעי
- רסאלה [אסמה ? עמא]ר בן סלמון ורזמה נחאס מצרוב הי לרגל
- [מסלם מן אל]מגרב יקאל לה אבו בכר אבן רזק אללה אל
- [... ורזמ]תין שרח אלכל עלי אלואחדה אברהם ואלאכרי
- מ[וסי? ... וק]ד אתפקנא מע צאחב אלמרכב אן יבלגהם נחב
- מן אכ[י א]בו נצר חפצה אללה אן יענא ויקבץ לי אל
- כל למא קבלה אלי אן נצל אן שא אללה ויכתב מולאי
- כל מא לזם וכל ואחד ברסמה אלי אן נצל אליך
Margin
- ותביע לי אלקזדיר \ באלקסם ואלרזק סלמך \ אללה ותדע סרתה עלי אמרה אלי אן
- נגי ואנא \ עלי מגי ולא יאכרני \ אלא קטראן וזית נקבצה \ מן אלמראכב ולא
- נשך \ אלא וגהת לי כתאב \ בגמיע אלאסעאר \ וקד בלגנא אן \ קבץ אלצלטאן \
- אלזית וקבל אבן \ אלנפאט עלי \ נפסה
Top of page
- אלמאל וארגו אן יכון דאלך אן שא אללה נחב אן תעני ותקבץ מנה תמן ה אזקאק
- וחסאבה ענד סלאמה
Translation
T-S 12.291 1v
Page b
- וכאן אלצבאג אלאטראבלסי ברט<ל> בלעלא אלוכיל ואנא אלוכיל ואנא עלי אכד רחלי
- קראת אלסלם אלא[תיר] .....וכאצה רוחך אלשריפה אפצל אלסלם
- וסידי (.........ך) אבי אלפצל חרסהם אללה אלסלם ואבו אלפרג מרואן
- יקרי [עליך] אפצל אלסלם ויקלך (=ויקול לך) לי מע אבן גובא<ר> עלי זנבילין
- סיאלה [ ]ל נחב מן מולאי חרסה <אללה> אן יכלף אחד פתיאנה
- אן יקבצהא [ ידפ]עהא אלי אבו געפר אבן אלמדלל אלוכיל ולם
- נקטע מעה כר[א אלא מ]א אכד מן ואחד ואתנין ואכד אלמתאע בן סרה
- לאן הו חמל ו קאל לנא אנא נכפיכם אלמונה ועל<ם> במא פי אל
- נפס ואסמאעיל בן אבי עקבה יקרי עליך אלסלם והו יסלך
- אן תקבץ לה עדל שמע והו פי מרכב אבו זיד וכראה רבאעי
- ואוסקה לה אבן אלשאמה כלוף ועליה יוסף בן אסראיל בן באנוקה
- ותדפעה למן תראה מן אלוכלא ואלסלאם עליך סלמך אללה
- ואנא דניאל אבן אלשאמה נקרי עלי מולאי ופתיאנה חרסכם אללה
- אלסלם (שתי שורות מטושטשות בכתב אחר ואחריתם :)
- אשתריתהא (אחר כך בכתב הראשון :)
- ולסמעיל (!) אבן אבי עקבה עדל מרגאן מע בנאנא אלנותי...
- (בכתב אחר:) ולך יא סידי מע בן גובאר איצא ד (?) ברקלואת שמע ......
- ........והו פי...
The address
- שיכי וסידי אבו אלפרג חרסה אללה מן מעתק ודה
- יוסף בן יעקב בן עוכל ננ אברהם בן יוסף ננ
