Letter: T-S 12.171

Letter T-S 12.171

Tags

Input date

In PGP since 1989

Description

Letter from Musa b. Barhun al-Taharti to Yosef b. Awkal and to his sons Hillel and Binyamin.

T-S 12.171 1r

1r

Transcription

S. D. Goitein, "Jewish Trade in the Mediterranean at the Beginning of the Eleventh Century (III)‎" (in Hebrew), Tarbiz‎ 37, no. 2 (Jerusalem: Mandel Institute for Jewish Studies, 1968), 158-190.

(1)יא אכי יא שיכי וסידי אטאל אללה בקאך ואדאם איאם סלאמתך וסעאדתך וכלאיתך וכפאיתך וצרף אלאסוא ואל (2) מכארה כלהא ענך ברחמתה לעשרה איאם בקין מן אלול ען סלאמה וחאל עלמה אללה גל ועז ומנה אסל אל (3) פרג עאגלא כמא גרת עואידה אלקדימה במנה וטולה תקדמת מני אליך עדה כתב א[רגו וצו]להא אליך ווק[ופך] (4) עליהא בשרח גמיע מא תחתאג אליה ווצלו אלפראנקין ולם יכן לך מעהם כתאב ..........[ארגו] (5) אן כתבך פי אלמראכב סלמהא אללה וארגו אנהא תצל קריב אן שא אללה וסבב כ[תאבי הדא יא] סידי (6) אני כנת חמלת לסידי אבי אברהים אלאנדלסי סלמה אללה חריר כלטה ביני ובינה ובין [סידי אבי עמראן מוסי אבן אל] (7) מגאני אידה אללה וכאן רגבתי פי דלך אלסרעה ואלרואג וחצל אלאמר בכלאף דלך [......אל] (8) בחר חאסבו לכאצתי וכנת אומל אן לא תאכר עני מן תמן אל[......אלי א]למראכב [............אבו] (9) פצל חפצה אללה ענדה קטעה מרגאן כבירה רפיעה מן תלך [..........] (10) לעלמנא אנה יעלם קידר תעויק אלבצאיע ואן ביעהא באול אלמוסם [.........] (11) לם יביע מנה שי ואן אלמרגאן [........] (12) הו גאיה אגתהאדה וחרצה לאן לי [.....אול] אלוקת [...........] (13) מוסם ואכדנא עליה אן . .......בעד אקלאע אלמראכב [.........] (14) אנה פעל חסב מא כתבנא אליה [.........] (15) פי אלמראכב ואחב מנך יא סידי חפצך אללה [אלא]גתמא[ע בה...(19-18-17-16) אן אמכן או פלפל כלה שי לא .... (20) כחל אחב מנך מראשאה...(21) אתצל בנא אן וצל מרכבין ללג [......] וארגו..[כתאבך בכבר] (22) חאלך וסלאמתך ובאלעארץ מן חאגאתך נבלג מנהא סארך ודרג כתאבי הדא כתאב מן אבו אלחסן פרח בן קיומה (23) בן נסים בן ברוך אלי עיאש עמה בדפע מאיה דינרא (!) אלי סידי אבי סעיד סהלויה בן חיים פאחב איצאלה (24) לסידי אבי סעיד סהלויה בן חיים ות[ער]פני דלך פי כתאבך וכדלך תערפני גואב עיאש אידה אללה (25) לה לאן אתפקת מע פרח בן אכיה אן מתי מא וצל כתאבך תדכר פיה אן לם ידפע אליה שי כאן לי (26) אן אקבץ מנה ההנא לליתאמא פלפל בסער מצר ואנא אסאלך יא סידי אן ועאיד באללה ותאכר (27) אבי אברהים עיאש סלמה אללה ען דפע אלמאיה דינר לסהלויה בן חיים אידה אללה (28) תובכה פי דלך חתי ידפע ולא תעלמה אני כתבת אליך בשי מן הדא אצלא בוגה (margin) קראת עלי כאצה נפסך אפצל אלסלם ועלי פתיאנך חרסהמא אללה אפצל אלסלם......עלי..... ולה ענד ...אסמעיל אלאנדלסי גראוין מרגאן רפיע רפיע.....לחקה צרר בעד אן תאכרהא ענה פא[סאל] מנך מעאונ[תה] פי דלך במא ימכנך פעלת יא סידי מתפצלא מנעמא ואלסלם עליך ורחמה אללה וברכאתה חסבי אללה ונעם אלוכיל חסבי תקתי באללה

Translation

T-S 12.171 1v

1v
Image Permissions Statement
  • T-S 12.171: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.