Letter: T-S 10J4.1

Letter T-S 10J4.1

Tags

Input date

In PGP since 1990

Description

Letter to 'al-haver al-Me'ulle Hakkam ha-Yeshiva' (the Nagid Mevorakh b. Saadya, 1095-1112) regarding business matters. Verso: Petition to a caliph.

Images and transcription

Transcription

  • בש רח
  • כתב עבד מולאי אלחבר אלמעולה חכם הישיבה אדאם אללה עלוה וחרס
  • עזה יעלמה אן קד וצל כתאבה מע אבו סעד אלחלבי ופי טי אלכתאב ספתגה
  • בעשרה דנאניר ותפצל אבו סעד אלחלבי ומצא בהא אלי יחזקאל פלם יקבלהא
  • ואראד אבו סעד אן יקרצנא אלספתגה מן ענדה פלם נפעל נחן דלך לאן מא לנא
  • בהא דיך אלחאגה וחלף יחזקאל אן למעלא ענדה חגה ואחדה והודא הי קד
  • אנפדנאהא טי הדא אלכתאב וקד וצלת אלקראבה אלזיתון ואל ? אלתין
  • ופעלנא פיהם מא אמר פי חמל אלקראבה אלי דאר מולאי אלנגיד וקסמה
  • אלתין עלי מא שרח ופרחת אלכבירה בה ודעת לה וחסת לה נפע אללה
  • ינפעה בדעאהא ופרחנא במא דכר פי מעני סלטאן אלדולה ועאפיתה א[ללה
  • תעאלי יאמן כופה לאן כאנת אלשנאעה ענה צעבה ואנה קתל וכ יהודי
  • ואתפק אבטא כתאבה ענא בעד דלך פהלכנא פלא יקטע ענא כתבה
  • בגמיע מא יגרי מן אמורה וקד תקדמת כתבנא בשרח גמיע מא יחתא[ג
  • אליה בעדה אשיא וחמל לנא אלשיך אבו אלפרג בן נחום ויבה ורבע //קמח// בעד מא
  • קאל לנא מא בקי ענדי שי עלי ידי יהודה ואעתקדנא אנהא קרצה
  • חתי אנפדנא אליה וקאלנא כאנת קרצה פקד אשתרינא לא עדמנאהא
  • שי //פקאל הי בקיה מא אשתרית לכם// וקד אנתנא ראי סת אהתמאם ביע אלפצה וקאלת מא אמסהא חתי
  • יגי ולו אקאמת שהרין ל. כצצננא חצרתה באתם אלסלם ומולאתי אלכבירה
  • תקרא עליה אלסלם וגמיע אלאהל יקבלו ידה ומולאי אבו אלעלא וסתוצל
  • יכצו חצרתה באלסלם וואלדי ועמי יקבלו ידה אללה לא יוחשנא מנה
  • ויקרב אלאגתמאע ברחמתה ויגעלה פי חיז אלסלאמה וכן יהי רצון אמן סלה
Image Permissions Statement
  • T-S 10J4.1: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.