Letter: T-S 10J16.10

Letter T-S 10J16.10

Tags

Input date

In PGP since 1987

Description

Letter from Avraham b. Yitzhak al-Andalusi, Jerusalem, to Nahray b. Nissim, Fustat, ca. 1065.

T-S 10J16.10 1r

1r

Transcription

Moshe Gil, Palestine During the First Muslim Period (634–1099)‎ (in Hebrew) (Tel Aviv: Tel Aviv University, 1983), vol. 3.

Recto

  • כתבת אטאל אללה בקאך ואדאם סלאמתך וסעאדתך וחראסתך מן אל
  • קדס אלמעמור לה בקין מן ניסן ערפך אללה ברכתה ואעאהד עליך
  • סנין אן בכתרה ואלחאל סלאמה ללה אלחמד עלי דלך וכנת מעתקד אן
  • נגד לך הונא כתאב לנתפרג בה פמא וגדת לך שי לא פי עסקלאן ולא פי אלרמלה
  • ולא פי אלקדס פאחב מנך אן לא תתרכני מן כתבך [ ] ואנא פי גד
  • יומנא הדא מנחדר אלי אלרמלה אללה תעאלא יגעל אלעאקבה לכיר תעלמני
  • כיף גרי אלחאל פי אלכתאן וברסם מן חמלתה ולעלך חמלתה אלי בן בדר
  • לאנה אנסאן אן פיה כיר ויגיני כתאבך במא קד פעלתה וברסם מן חמלתה
  • לאן מא צעדת מן עסקלאן אלא וקד תרכת אלמראכב מקלעה לכל מוצע ואלי תניס
  • ולאי גירהא ואלכתאן פי עסקלאן הי נאפק ארגו ילחק בה הדה אלאסעאר פהי אחיא
  • מא פי אלשאם ואלאתכאל עלי אללה תעאלא ותעלמני אסעאר אלאסקאט ואן
  • כאן ימשי פי הדא אלוקת מן אלתיאב אלמלוון שי ותקדם כתאבי אליך פי
  • אמר יעקוב בן אלזאכי וגא כתאבה מן מצר פהו בלא חבה פקד כתבת אלי
  • אבי יעקוב יוסף אלכהן שריכי באן ידפע אליה אתנא עשר דינ סוא פתתפצל >אן<
  • //כאן// קד חצל מן סידי אבי יעקוב אלפאסי שי מן ענד עזרא פתדפעהא לה פאן לם
  • יחצל מן עזרא שי פתתפצל תמור ללכהן שריכי תקבץ מנה אלדנאניר או
  • תתחיל לה פיהא עלי כל וגה ואעלמך אן כאן מעי מראתב ארמני אשתריתהא
  • עלי דכאן אסמעיל אכדוהא מני פי תניס פחלת בתמנהא אלי סעד אלרקי
  • פאחב תתפצל תסתעלם מנה איש אלדי חצל לי פיהא ותקבץ מנ[ה] אלתמן
  • ואיש [[חמל]] חצל פי אלפראוז ומא תחתאג אן אוציך אן אדא צלית פי אלכניס
  • תוצי מבארך אדא [[גאת]] מרת אליה חמאה סידי ידפע אליהא אלתמן דנ
  • וכדלך איצא תגעל מן יקול אלי חמאה סידי מתל דלך ותתפצל תכץ מולאי
  • אלרב אדאם אללה תמכינה אלסלאם ותעלמה שוקי אליה כתיר ומא וגדת
  • מן פרקתה עזא אסל אללה אן יגעל אלעאקבה לכיר ותבלג סידי אלחבר
  • אלסלם ותקל לה קד מאת זכריא והם יתמנאוך תכן פי מוצעה

Right Margin

  • ותבלג סידי אבי אלחסן אלסלאם ותעלמני אן כנתו תקראו שי ותבלג סידי אבי יעקוב אלסלאם ותקל לה לולא אני עלי ספר
  • משגול לכנת אכתב לה כתאב ארגו אן כתאבה מני באלקרב ומא תחתאג נוכס עליך פי אמר יעקוב לו אנך תקרצהא אלי מן ענדך חתי

Top Margin

  • תסתופיהא ואן כאן קד סאפר מן מצר מן קבל אן יקבצהא תגעל מן ידפעהא
  • לה באלאסכנדריה לאן קד סאלתני אמה פי דלך ואנא נאזל ענד ר ישר אללה תעאלא
  • ירזקה מן סעה פצלה וקד כתב לך פה כראס ושלום

T-S 10J16.10 1v

1v

Verso

  • לסידי ומולאי אבי יחיי נהראי בן נסים אטאל אללה בקאה מן אברהים בן אסחק אלפסטאט דאר אלברכה
  • ואדאם עזה וסלאמתה וסעאדתה וחראסתה
  • אלחסין בן עיסי מחמד בן טאהר
Image Permissions Statement
  • T-S 10J16.10: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.