Letter: T-S 10J15.6

Letter T-S 10J15.6

Tags

Input date

In PGP since 1986

Description

Letter from Yisrael B. Natan, Jerusalem, to Nahray B. Nissim, Fustat. Israel suggests Nahariya to get out of a deal he made and asks for money to buy clothes. The letter includes the news that the "Rosh" - Daniel B. Azarya is coming to Jerusalem, via Nablus, and about his meeting with Eliya HaCohen, son of Shelomo Gaon. August 24, 1052. VMR

Images and transcription

Transcription

Recto

  • כתאבי יאסידי ומולאי אטאל אללה בקאך ואדאם נעמאך מן אלקדס עמרה אללה
  • לד בקין מן אלול ואלחאל סלאמה ונעמה ללה אלחמד עלי דלך וען שוק סדיד אליך
  • קרב אללה אלאגתמאע בך עלי כיר אנה ולי דאלך ואעלמך תקדמת כתבי אליך עדה
  • ולם ארא להא גואב ארגו שגל כיר ואנא אעלם אנך פי אלעדם אללה יתם פרחך
  • ויגעלך מתצל בבנים זכרים וכנת סאלתך פי אנגאז אלטו דינאר ותאכד כתאב
  • ר עמאר בן פיני לר אברהם שריכה אן ענדה טו דינאר ותכתב אנת לר אברהם
  • יקבץ לך אלג כתב משהוד פיהא ואנא אכתבהא תם בעד דלך יסלם אלטו
  • דנאר (!) וכלץ נפסך מן הדה אלספקה אקצי חאגתי פי הדא פאללה אללה לא
  • תוכר אלמסאלה אכתר מן הדא מהמא ר אברהם הונא יאכד אלכתב יגיבהם
  • לך מעה אן שא אללה אן אכתרת דלך והו נעני ר אברהם יזן להם אלדנאניר הונא
  • ור עיאש וצל אלי אלקדס סאלם בעד צעובה עטימה קאל לחקתה פי אלבחר
  • והו יכצך אלסלם והו מתוקע לוצול כתאבך אליה וקד וצל אליה כתאב יוסף בן
  • שמחה וכתב אלחנן וצלת ידכר מא גרי עלי אכוה יהודה ארגו אן דלך
  • באטל ובלגני אן בינך ובינה כלטה אללה יגעל דלך באטל וינטר אליך
  • ואלינא ואן כנת סמעת או וצלת אליך כתב מן אלגרב תערפני

Right Margin

  • ואן כאן דכרוני
  • פי אלכתב תערפני
  • בדלך פלעל יוגהו
  • אלי שי לאן אלכסוה
  • מא ענדי אלא עמאמה
  • ואחדה הי אלי אלסבת
  • ואלי אלעיד ואלי אל
  • חול ותיאבי כדא
  • ולא תקטע כתבך
  • עני ואכבאר
  • אלגרב

Top Margin

  • תעלמני
  • בהא
  • קראת עלי
  • כאצה
  • נפסך אל
  • שריפה
  • אפצל אלסלם
  • ור אברהם יכצך
  • אלסלם
  • ופי יומי הדא
  • וצל סידנא
  • אלרייס אלי אל
  • קדס וקד
  • דכל אליה ר
  • אליה וסלם
  • עליה

Verso

  • ור יוסף כאן פי אלרמלה פי חין וצול אלרייס אלי אלקדס לאן אלרייס גא עלי נאבלס ולם ידכל
  • אלי אלקדס וקד סאלך ר עיאש אן וצל אליה כתאב מן אלגרב תנסך אגראצה ותכתב אליה דלך
  • ותעלמה אן כאן לה פי הדה אלמרכבין אלדי אציבת שי אללה אללה קאל לך תכתב אלי
  • בדלך ואחב תכלץ נפסך מן הדה אלטו דינאר ומא ילזמני אכתר מן הדא שי למתלך
  • ושלומך ירבה

Upside-Down

  • לסידי ומולאי אבי יחיי נהראי בן נסים מן אסראיל בן סהלאן
  • אטאל אללה בקאה ואדאם נעמה ותאיידה אלפסטאט
  • אלחסן בן נגא מחמד בן נאגי סיוצלה
  • סרעה
  • لسيدي وموﻻي ابي يحيي نهراي بن نسيم المغربي من اسرائيل بن سهل بن
  • الحسن بن نجا محمد بن ناجي
  • اطال الله بقا٥ وادام نعما٥ وتاييد٥ الفسطاط
  • سيوصله سرعة
Image Permissions Statement
  • T-S 10J15.6: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.