Letter: T-S 10J15.5

Letter T-S 10J15.5

Tags

Input date

In PGP since 1987

Description

Letter from Yosef b. Sahl ha-Bardani in Tripoli, Lebanon, to Nahray b. Nissim in Fustat, ca. 1060.

Images and transcription

Transcription

Recto

  • כתאבי אטאל אללה בקא מולאי ואדאם עזה ותאיידה וסעאדתה וסלאמתה מן
  • טראבלס ליד
  • כלון מן שהר [[תמוז]] //אב// ואלחאל סלאמה ואלחמד ללה רב אלעאלמין וצל
  • כתאבה פי יומי הדא
  • ווקפת מנה עלי מא סררת בה מן חסן סלאמתה ועאפיתה אדאמהמא אללה לה במנה
  • ו[דכר]
  • שרי תיאב ארגישי //בתמן// אלזנגפר או תיאב פרסי ומא יקדר אליום פי הדא
  • אלבלד עלי אלביאץ
  • לא גזל ולא רכיץ לאנקטאע אלקואפל אלדי תצל מן //חלב// ולנא אליום שהרין
  • וכסר מא וצל
  • אחד וכדאלך אלפרסי זאד פי אלשכארה ג דנא וזאיד ונחן מתוקעין וצול בעץ
  • מן אלקאפלה ו[מעהם]
  • מעונה בז וגירה ואחרס פי שרי מא רסמה ותקדים חמלה אלי תניס אול מרכב
  • יקלע מן
  • הונא צליביה וקד אנפדת צחבה מולאי אבו אלסרור פרח בן יצחק אדאם אללה
  • עזה שראב
  • אלריבאס מן שהר ואקלע דפעאת ורגע ואן אתגה מן אלסמאק אלגדיד שי אשתרי
  • מנה
  • ואנפדה ואלסכר ביט דינ ונצף אלקנט נזארייה וקפת עלי מא דכרה מן ופאה
  • אבי עלי חסין
  • בן יונס רחמה אללה וקד וצלני כתאב מן אלרמלה מן צדיק ידכר הדא אלחאל
  • ואנהם מעולון
  • עלי אכראג אלוכיל אלי אלשאם וארגו יכון פי כרוגה כירה ווצולה באלקרב
  • ויתפק אגתמאעי
  • בה הונא קבל טלוענא אלי מצר ואנא אסאל מולאי אדאם אללה עזה ישרח פי
  • גואב כתאבי
  • הדא גמיע מא יחתאג אליה מן מא אלתמסתה מנה ולא יוכרה פעל מנעמא מתפצל
  • אן שא אללה

Right Margin

  • כצצתה באתם
  • אלסלאם ומן
  • תשמלה
  • ענאיתה אתם
  • אלסלאם ויתפאצל
  • אן כתב אלי
  • סידי אבי אל
  • פרג ישועה
  • אידה אללה
  • כתאב
  • יכצה ענא
  • באלסלאם

Top Margin

  • ויערפה אן מא
  • ראית מנה
  • סוא כתאב
  • ואחד אללה
  • תעאלי יגעלה
  • פי חיז אלסלאמה
  • חסבי אללה
  • וחדה

Verso, address, right column

  • [لسيدي وم]وﻻي ابي يحيي نهراي بن نسيم المغربي
  • اطال الله بقا٥ وادام عز٥ وتاييد٥ وحراسته

Verso, address, left column

  • من يوسف بن سهل الفسطاط
  • ان شاء الله
Image Permissions Statement
  • T-S 10J15.5: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.