Letter: T-S 10J15.19

Letter T-S 10J15.19

Tags

Input date

In PGP since 1986

Description

Letter from Yisrael B. Natan, Jerusalem, to Nahray B. Nissim, Fustat. Includes details about the agreement between Daniel B. Azarya and the brothers Yosef and Eliya the Cohanim, sons of Shelomo Gaon. December 20, 1051. VMR

T-S 10J15.19 1r

1r

Transcription

Moshe Gil, Palestine During the First Muslim Period (634–1099)‎ (in Hebrew) (Tel Aviv: Tel Aviv University, 1983), vol. 3.

Recto

  • כתאבי יאסידי ומולאי אלעזיז עלי אטאל אללה בקאך ואדאם ועמאך מן אלקדס עמרה אללה
  • ליג כלון מן טבת ואלחאל סלאמה ונעמה וען שוק שדיד אליך קרב אללה אלאגתמאע בך
  • עלי כיר אנה ולי דלך ואעלמך תקדמת כתבי אליך עדה ולם ארא להא גואב ולי

מדה

  • לם אקרא לך כתאב ואשתגל קלבי עטים אללה יגעלך פי חיז אלסלאמה וקד כנת
  • כתבת אליך וערפתך קצה אלעדל אלדי לצביאן וכדלך סאלתך תכתב כתאב באמר ר
  • אברהם [ ] בן זרגאז פי אנה ידפע אלי דינאר ואבתדי לה אלכתבה
  • ארגו אנך פעלת דלך ואן כתאבך מני באלקרב פי דלך וסבב כתאבי הדא אליך אן
  • פי יומנא הדא גאו ארסאל מן אלרמלה אלי אלרייס אלדארדי ואלרייס ר יוסף ינזלו
  • אלי אלרמלה יצלח בינהם צאחב אלרמלה וינזל מעהם ר אליה אכו ר יוסף ור מבורך
  • אלששי בן אדו ר שלמה ננ אלרייס ואלחבר אבו אלמנגא אלטביב ואלחבר חיים
  • ואלאמר מח[ יו]ם אלאתנין יו כלון מן טבת וקד כאן אלרייס אלדאודי
  • פי אלרמלה לה איאם וטלע יום אלאתנין לט כלון מן טבת פלם יקים באלקדס אלא
  • יומין ואליום אלג גאו יטלבוהם ינזלו אלרמלה אללה יזרע אלשלום בינהם וביננא
  • ובין כל ישראל וקד סמעת אן אלרייס ר יוסף טאבת ופסה עלי אנה יוסמא [[אב]]
  • אב בית דין וסמעת ען ר אליה אכיה אנה קאל אנא אצלי עליהם גמיעא

Right Margin

  • ולכן קאל מא
  • אכתאר אנא
  • אן יסמוני שי
  • והדא אלדי
  • ענדי מן אל
  • כבר אללה
  • יכייר לאמתה
  • ישראל
  • ויגמע
  • גלאהם
  • ויפרג ענא
  • וענהם

Top Margin:

  • וקד כנת
  • אנפדת
  • כתב
  • אליך תנפדהם
  • ללקירואן
  • אחכ אן תעלמני
  • אן כאן וצלו
  • אליך ואן
  • כנת
  • אנפדתהם
  • וכתבת ען
  • סרעה
  • פאעדר
  • פי אל
  • אכתסאר

T-S 10J15.19 1v

1v

Verso

  • ואללה אללה תנפד כתאב אלי בן זרגאז באלדינאר ואבתדי לאן כאנת בידי כתבה ואנא פי
  • הדה אליומין עלי פראגהא ודרג כתאבי הדא כתאב מן אמראה הובא מן אלאסכנדריה
  • והי צרירה פאחב תנפדה אלי אלאסכנדריה למן יוצלה ולך תואב פי דלך והונא יאסידי
  • מעי פי אלדאר אלדי אנא סאכנהא [ ] צביה עניה עריאנה פי הדא אלשתא ואנא
  • כמא תעלם ליס [ ] אכסיהא פאן קדרת עלי נצף דינאר
  • תגמעה מן אצדקאך לעל יושתרא להא מן הונא שקה קטן תסתתר בהא
  • אפעל ולך פי דלך זכות עטים ויעקוב בן אלזאכי יערפהא לאנה סאכן מענא
  • ור יונה רסול אלמקאדסה איצא נחן פי דארה והו יערפהא ולך עלו אלראי פי
  • דלך קראת [עלי כאצה נפ]סך אלשריפה אפצל אלסלם ור אברהם ביר יצחק אלתלמיד
  • [יכצך באפצל אלסלם ] יכצוך אלסלם אלכ[ ] אלסלם ומן סאל

In the Margin

  • ענא אלסלם

Upside-Down

  • לסידי ומולאי אבי יחיי נהראי בן נסים נע מן ישראל בן נתן נע
  • אטאל אללה בקאה ואדאם נעמאה
  • لسيدي ومولاي ابي يحييى نهري بن نسيم المغربي اطال اللة بقاه من اسرايل بن سهلان الفسطاط
  • وادام عزه وتاييده وسعادته
  • الحسين بن نجا مح(مد بن) طاهر
Image Permissions Statement
  • T-S 10J15.19: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.