Letter: T-S Misc.28.260

Letter T-S Misc.28.260

Tags

Input date

In PGP since 1987

Description

Letter from Mawhūb b. Aharon the ḥazzan to Nahray b. Nissim.

Images and transcription

Transcription

  • כאן תקדם כתאבי אלי מולאי אל חבר אל
  • גליל גדול הישיבה אטאל אללה בקאה
  • ואדאם עזה ותאידה וסעאדתה
  • ונעמתה מהניא לה באל מועד אללה
  • יעידה עליה ועלי ולדה אחיאה
  • אללה שנים רבות ואיצא אערף
  • חצרתה אלמחרוסה שדה שוקי
  • אליהא ותאספי עלי מא יפוה מן
  • מלאחצתהא אללה לא יעדמני בקאה
  • ואן יחרס עליה ולדה וישאהדה פרחה
  • וקד עלם אללה אני מא אקטע אל
  • סואל ענה וען ולדה מן כל מן יג[י] מן
  • מצר פאסמע מנה עלי גמלה אל
  • סלאמה הו וולדה פאפרח לדלך ואשכר
  • אללה גלת קדרתה עלי דלך כתיר [[ולי מ..?]]
  • ופי כל וקת אסאל ענ[ך] עזאץ ואחלפה
  • באן כל כתאב אן יכתבה אלי חצרתה
  • אן יקריה סלאמי ויערפה אשתיאקי
  • ומא אגעלני לא אכון(?) אכתב אלי חצרתה
  • אלמחרוסה פי כל וקת אלי לא אתקל
  • עליה ואטלב בדלך אלתכפיף לעלמי
  • אנה יתכלף אלי אן יטלב מן יכתב לה
  • גואב ואנא עאלם בחסן נייתה פיי
  • ומחבתה לי אללה לא יעדמני תפצלה
  • אל אבדא ואמורנא(?) גאריה
  • עלי גמלה אלסדאד ודלך בחסן נייה
  • סיידי אלרייס אלגליל נט(?)
  • אל (ה?) ודיאנתה ואצהארה ללדין
  • אללה יגמע כאפה ישראל בבקאה

Margin:

  • יכץ חצרתה / אלמחרוסה / עני באתם / אל סלאם / ועלי ולדה / אחיאה אללה / אל
  • סלאם / ושלום ואן / כאן מן חאגה / ישרפני בהא

Verso:

  • חצרה מולאי אל חבר אל גליל כתבהא
  • כגק מ ור נחראי גדול הישיבה מוהוב בן
  • שצ בן מ נסים זצל אהרן החזן נב