Letter: T-S K6.189

Letter T-S K6.189

Tags

Input date

In PGP since 1987

Description

Letter from Yehuda b. Yosef Ibn al-Haniyy al-Andalusī, in an unknown location, to Abū l-Faḍl Ḥesed b. Sahl al-Tustarī, in Fustat. In Judaeo-Arabic, with the address in both Judaeo-Arabic and Arabic script. Dating: ca. 1040 CE. The purpose of the letter is to make progress in settling business accounts.

Images and transcription

Transcription

  • על שמנ
  • כתאבי אטאל אללה בקא מולאי אלשיך ואדאם עזה ותאיידה
  • ונעמתה מן אלקדס עמרה [אלל]ה בטול בקא מולאי אלשיך מסת/ה/ל
  • ספר (!) ערף אללה מולאי ברכתה ואסעדה במא יליה ען חאל סלאמה
  • ועאפיה אחמד אללה על//מא//מן ביה (!) מן פצלה ואנעאמה וממא
  • אעלם ביה (!) חצרה מולאי אלשיך אן קד כנת כתבת אלי חצרתה
  • אלגלילה עדה כתב ולם ארא למולאי אלשיך כתאב בעד אלכתאב
  • אלמתקדם פארגו שגלה אללה באפצל אלטאעאת ואגל אלמהמאת
  • פי אלדין לו עלם מולאי אלשיך אדא וצלת כתבה מבשרה בסלאמתה
  • דאלה עלי צחה עאפיתה לאזדאד רגבה פי מואצלתי וקדם אלניה
  • פי אלחמל עלי נפסה למונסתי אד לה פי דלך גזיל אלשכר ואדכארא
  • לעצים אלאגר וזיאדה פי גמאל אלמנה ואללה תעלא (!) יקום גאהה
  • ויחסן לה אלמעונה פי אלדין ואלדניא ויתקבל מני פיה צאלח אלאדעיא
  • וקד כנת אשרחת למולאי פי כתאבי מקתצא אלחסב אלדי כנת קבצתה
  • מנה ומא אוגב אל//חסאב מן// בקיה סאלת חצרתה אגלהא אללה אן יעלמני מן
  • קבלה
  • שרח תפציל דאלך ויצחחה לי בתפציל פאן אוגב אלחסאב בקיה ינפד
  • מולאי ביה (!) חסבמא ירא ואין כאן לם יבקא שי ואלחסאב אלדי רפעה
  • אלי מופא יכתב בשרח דלך לתסכן נפסי למא יקולה ואנא מעתקד
  • פי דינה ופצלה אין מא אגיב מע מולאי ולא אנא ממן יטלב שי
  • מן גיר וגהה פאן תפצל מולאי אלשיך בגואב מא יעלמה מן תפציל
  • האדי אלחסאב לתסכן נפסי למא יקולה באלפצל מנה ומא ערצת למולאי
  • מן חאגה אחב אן ישרפני בקצאה ואנא דאעי שאכר גתמא (?)
  • יתפצל בה מולאי אלשיך מן אנגאז הדא אלחסאב לאני תקלת עלי
  • מולאי פי תבריר פי באבה ואסאל אללה אן ינגח מסאעדה פי אלדין ואלדניא
  • ויתקבל מן אלכאפה צלאח אלדעא פי מולאי אנה תעלי מגיב אלדעא נכץ חצרה
  • מול[אי אלש[יך] באפצל אלסעאדאת ואלסלאם ומן ישמלה ענאיתה ומחבה אפצל
  • אלסלם

(verso)

  • حضرة موﻻي الشيخ الجليل ابو نصر ال[تست]ري [ ] يل عبده يهودا بن
  • يوسف بن حاني اﻻندلسي
  • اطال الله بقاه وادام عزه وتاييده وسعادته الفسطاط ان شاء الله

(upside down)

  • חצרה מולאי אלשיך אלפאצל אבו נצר מן מעתקד מחבתה יהודה בן יוסף
  • אלפצל בן סהל אלדסתרי אגלהא אללה בן אלחני אלאנדלסי אלפסטאט אן
Image Permissions Statement
  • T-S K6.189: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.