Scholarship on Letter: T-S K25.244
Letter T-S K25.244- Bibliographic citation
- S. D. Goitein, index cards.
- Location in source
- Relation to document
- Discussion
- Bibliographic citation
- S. D. Goitein, "New sources on Daniel b. Azarya, Nasi and Gaon" (in Hebrew), Shalem 2 (Jerusalem, Israel: Yad Izhak Ben Zvi / יד יצחק בן-צבי, 1976), 41-102.
- Location in source
- Doc. 8, pp.57–60
- Relation to document
- Digital Edition
- Edition
- Translation
- Bibliographic citation
- Moshe Gil, Palestine During the First Muslim Period (634–1099) (in Hebrew) (Tel Aviv: Tel Aviv University, 1983), vol. 2.
- Location in source
- #399
- Relation to document
- Edition
- Translation
- Bibliographic citation
- Moshe Yagur, "Several Documents from the Cairo Geniza Concerning Conversion to Islam," in Conversion to Islam in the Premodern Age: A Sourcebook (Oakland: University of California Press, 2020), 227-31.
- Relation to document
- Discussion
- Translation
Image
Transcription
Translation
Editor: Goitein, S. D.
T-S K25.244 1r
S. D. Goitein, "New sources on Daniel b. Azarya, Nasi and Gaon" (in Hebrew), Shalem 2 (Jerusalem, Israel: Yad Izhak Ben Zvi / יד יצחק בן-צבי, 1976), 41-102.
Recto
- ב(שמך) ר(חמנא)
- וצל כתאב סידנא אלראיס אלגליל אטאל אללה בקאה וכבת באלדול חסדתה
- ועדאה וגעלהם מן כל סו פידאה וגמל אלאומה בבקאה ותבת פי
- איאמה מואעיד אבאה אלמורך ביז כלון מן אלול משתמל עלי
- אמור פיהא מא יגם ואן כאן פיה בעץ אלעזא והו תופי אלאכיאר
- אלדי בלא שך אן מא נקלהם אללה תע אלא לאצלאחהם
- ושרף אבותהם וליגעל חצהם מע אלאמהאת אלסאדה
- לתקריבה אלמגאורה פי מא ביניהם ולתולי סידנא שצ
- אמרהם כתולי אלסידין אמר אמנא מרים אכתהם [פ הא]
- פהדא אכבר אלעזא פי דלך ואתמאם אלנעמה עלי
- כאפה אלאומה בעאפיה סידנא חרס אללה מודתה פי
- אתם אלסעאדה פאנה ולי אלאגאבה
- ותקב קלוב אלאעדא
- אלצאלמין לנפוסהם אלמעאנדין ללחק עיאנא ומא ישכוה
- וצגרוה מנהם ומנה חרס אללה אי[א]מה יותעלם מא נאלה
- אלסיד גדה אלי אן צפת לה אלאמור וקד כאן גרי בעץ הדה
- אלאמור בינה ובין עבדה פי דאר אלדמסיסי ואסתצעב
- הא סידנא וקאל לה עבדה מא געל אללה פי קלב סידנא
- אלמגי אלי הדה אלדיאר אלא ליכשף אלעאר ען האדה
- אלאמה וירד אלחק אלי אהלה פאין וקף בין ידי סידנא
- שי פלא יצגר פאנא אבדל רוחי פי כדמתה
- לאין אלגוהר לא יבאע לאהלה אלא באופר תמן
- ודכר חרס אללה איאמה אלסעידה מא תצמנה
- כתאב עבדה מן אלוגד בינה ובין מן קד עלמה
- ותעגבה גמל אללה אלאמה בבקאה כיף תם מתל האדא
- מע אשתהאר אלמודה אלטאילה ואנמא כאן אלסבב פי
- אינתצאמהא צעף ידה וחסן ניתי פלמא טאלת ידה
- מא דרא איש יעמל וצאר חדיתי מעה פי מעני חדית
- סידנא גד סידנא מע שאול הו יכאטר בנפסה
- ויפתח אלפתחאת ושאול ידבר פי קתלה פכל מה תסדדת
- אלאמור ויסתריח קלב סידנא שצ דאכלה אלטמע
- אן דלך לכראמתה ומא דרי הו אלאבלה אן עבד
- סידנא צמן עלי נפסה לסידנא פי דאר אלדמסיסי
- למא גרי אלכלאם פי אמר יוסף ופתנה וכיף תכון
- אלאמור בעד ופאת רבנו שלמה ואן עבד סידנא
- יבדל נפסה ודרהם ואצדקאה פי כדמתה פלמא
T-S K25.244 1v
Verso
- אנתצמת אלאחואל דאכלתה נפס אלבר ואבתדי יקאבח
- אלשיוך ויקאבל כל ואחד מנהם במא לא יחסן איעאדתה
- וכאנו גמאעה אלשיוך חרסהם אללה מותופרין עלי
- אכראם אלרב למבאינתה לסאיר אלנאס באלמחאבה ונשרה
- פצאילה ומשיה מענא פי חיאת אלחבר אבו כתיר רחמה
- אללה ובעד ופאתה ומא כאן ראי מולאוי(=מואליא) אלריסא אן יקדמו
- אלא אלרב למא ראוה כבר מחבתה לסידנא וגריה מענא פי
- כל אמר ואנמא אנא חדתהם ען אלרב אליה וקולת בסבבה
- וכאנו מואלי אלריסא חרסהם אללה יקול (!) פמא נראה מעכם
- פי שי ממה אנתם פיה פאקול להם מא לנא אליה חאגה
- וכדלך סידי אלשיך אבו אסחק חרסה אללה מא כאן לה
- פיה ראי פלמא אנצמת עלי ראיה אמורה אעגבתה
- נפסה ורגע יסכף באלכאץ ואלעאם ויקבל כל אחד במא
- גא עלי פמה פאול מא אבתדא אן יקול פי אלכניסה ונתנפס
- צגיר או כביר מא אנא מתל גירי פיצעוב דלך עלי
- כל מן הו מחבי אלחבר אבו כתיר רחמה אללה ועלינא
- כלנא ורבמא כאן סידי אלשיך אבו נאצר גאלב חרסה
- אללה צהר מולאי אלחבר רחמה אללה חאצר פצעוב
- עליה ויגאלט נפסה ומן יכלמה פי דלך פאדא לגו
- אלנאס עליה וקאלו לה מא תגאר ללחבר יקול לו קאל
- אכתר מן דלך אחתמל לחדקתין סידנא ויטפי
- ענה כלאם אלנאס תם אנה אנתהא אלי מכאשפה אלרגל
- במא גפא עליה וחמלה אלרגל תם מאץ אליה סידי
- אלשיך אבו סהל אלכהן חרסה אללה כאטבה פי מא
- צלאח שאנה כרג עליה בלסאן חתי מר אלשיך אבו
- סהל מא עאד ידכל אלכניסה כדלך גרי עלי מולאי
- אלשיך אבו אלסרור חרסה [אללה] מא גפא עליה וכלי אלאכר
- אלכניסה וכדלך עלי אלחנן פלמא ראהם אנהם כלהם קד
- מרו מן אלכניסה אעתקד אנהם יעזלוה וינצבו אלרב
- מכאנה חמלתה אלגירה באין (= באן) תעאון הוה (!) וצהרה
- חנין וכלקו לרב דנב וקאלו אנה קאל לאבן אלתלמיד
- אנך אן לם תטבל אמך אתך ואלא מא אכל פי ביתך
- טעאם ומצא חנין אלי קום קדארין וקום מן בעלי הדת
- אסתאגרהם נחו כ[מ]סין וכתבו מחאצר עלי אלרב אנה
- פשע באלשאם וגי אלי מצר ותהוד וגאני חנין צהרה
