Letter: T-S AS 147.2

Letter T-S AS 147.2

Tags

Input date

In PGP since 1987

Description

Letter from Eli ha-Kohen b. Ezekiel, Jerusalem, to Eli ha-Kohen b.Hayyim, Fustat, ca. 1055.

T-S AS 147.2 1r

1r

Transcription

Moshe Gil, Palestine During the First Muslim Period (634–1099)‎ (in Hebrew) (Tel Aviv: Tel Aviv University, 1983), vol. 3.

a

  1. כתאבי יאסידי ומולאי אטאל אללה בקאך ואדאם עזך ותאדיך מן אלקודס לג

כלון מן

  1. אייר וחאלי סלאמה ועאפיה ושוק שדיד אללה יקרב אלאגתמאע פי אכץ אלמוציע

ווצל

  1. כתאבך יאסידי ומולאי וסוררת במא דכרת פיה אנא וגמיע אלאצדקא מן משיך
  2. וחרצך פי אשלום בין סאדתי אלחבירים אבקאהום אללה וחק//אבי// אנך אוהיב

שלום ורודף

  1. שלום זאדך אללה מן כל כיר ואוקף לך זכות אבות ומעשיך הטובים בעולם הזה
  2. ולעולם הבא ואנא קד ערפת צמיר מולאי אלחבר אבו זכרי אבקאה אללה ואבקא
  3. ולדוה ופרחוה מנה ואבקא סידי אכיה ורזקוה בנים זכרים אדא כאנו יפעלו
  4. אלגמיל מע כל אחד מן יערפוה ומן לא יערפוה יטלובו אלמתובה פכיף מע מן

קד חצל

  1. פיה תורה ועליה שם קדושה ובני תורה יכרמו בעץ לבעץ ואן גרא בינהום פי

בעץ

  1. אלאוקאת חקד או כלאם פהדא יכון פיה מנפעה אמא שפקה בעץ עלי בעץ או
  2. יכון בינהם מן יצריב ויטלוב אלשר פללה אלחמד אלדי קד אשתמעת כלמתהום
  3. אדאם אללה דאליך ותבת בינהום אשלום וכדאליך ר יהושוע אלחבר אבקאה אללה

גומלה

  1. כיר אכתם אללה לה באלכיר וגעל אחריתו אחרית טובה ואבקא ואלדוה מולאי

אלשיך ר

  1. דוסה ואוראה מנה אלכתרה ואסאלך יאמולאי תנוב עני ענד כל ואחד וואחד

ותעלמהום

  1. סרורי וסרור כל צדיק בדאליך וענד וצול כתאבך צלית עלי כל ואחד וואחד

יום ראש חודש

  1. פי אלכניס אללה יסתגיב מני צאליח מא אדעוה לך יאסידי ולהום ואמא מא

דכרת פי

  1. סבב אלמאל אלדי כאן ענד בן כוריש רחמוה אללה פקד כאן וצל בעצה אצון

תמנין דינ

  1. לטאיפתין ארגו יכון סידנא אלנשיא אדאם אללה עולאה קד פעל פי הדא שי

[חס]ן ק[ד]

  1. אותיב עליה וקד כאן תקדמת אלכותב פי סבב אוגרת אלדור ולם יגיני מנך

גואב

  1. ויקולו לי אצחבנא אכתוב אליה פי סבב דאליך אסאלך יאסידי תעמל פי סבבהא

שי

  1. יתיבך אללה עליה ויגיני כתאבך סורעה ויכון כותבך אלי כט עבראני ואן

יכון לך חאגה

  1. או לצדיק תסרני בהא ואעלמך באני אמלכת ולדי אצגיר אבו נצר פי אלעסח

וכאן לה

  1. מאלך חסן אללה יבלגך לסית אלאהל ולאוכראה ויפרחך בהום וירזקך בין זכר

לחיא

  1. ולקיאמא ואל יכרית שם אבותיך והשמועות עמנו קשות בעבור בבל וסביבותיה
  2. האים יושיבינו בטח ושקט ושאנן ויסתירינו בסתר כנפיו ואסאלך אן יכון

תגדד שי

  1. תערפני וכיף אלסיער וסיער אלדראהם ענדכום כיף היא ותכוץ סאדתי אלחבירים

מני ומן

  1. ולדי באתם אסלאם קראת עליך יאסידי אתם אסלאם ועלי מן ענדך אתם אסלאם

ועלי סית אלאהל

  1. אסלאם ועלי אלפראנסה אתם אסלאם וגמיע אלאצדקא אלסלאם וולדי יכוצך ויכוץ

מן ענדך

  1. אצאנהום אללה באתם אסלאם ומן ענדי יכוצו מן ענדך באתם אסלאם ושלמומ

ירבה לעד

Translation

T-S AS 147.2 1v

1v

Verso

  1. لسيدي وموﻻي ابي الحسن علون الفرناس بن يعيش محبه ﻻعدمه
  2. اطال الله بقاه وادام عزه وتاييده بالفسطاط
  3. الحسن بن طاهر عمر بن يوسف وولده
Image Permissions Statement
  • T-S AS 147.2: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.