Legal document: T-S Ar.49.166

Legal document T-S Ar.49.166

Tags

Input date

In PGP since 1988

Description

Four legal queries and one responsum in the handwriting of Daniel. b. Azarya. A part of a collection of questions that were sent to b. Azarya or one of his ancestors, as "Nasi" or "Rosh ha-Gola". The first question is about money that is kept by a guardian for orphans. The second deals with the value of promising money without a contract. The third is concerning a person who says bad things about his wife and as a result his son was seen by the community as "Halal". The fourth is about the responsibility of a person that inherited a vow that he did not fulfill. (Information from Gil, Palestine, vol. 2, pp. 704-712) VMR

T-S Ar.49.166 1v

1v

Transcription

[unknown source]‎ (in Judaeo-Arabic).

א

...

  1. אשיא צחחת ענדה מן עדה וגוה וכאנת תחת אלארץ וסלמת והדה אלתי נהבת
  2. לם ידפנהא לאנה אראד יצחחהא יום אלא ללמראה יער גאון אלואגב פי דלך ועלי מן
  3. תגב אלדנאניר מע אסתיפא אלכלאם פי אחכאם אלודיעה אלגואב כך ראינו אנא
  4. קראנא הדה אלשאלה ווקפנא עלי גמיע מא אורדה סאילהא מן כלאמה פיהא { }
  5. וראינא גרצה אנמ הו אסתעלאם עלי מן תגב אלדנאניר אלתי {תגב} //דכר// אנהא נהבת
  6. ונחן נביין אלואגב פי דלך ונוצחה וקבל דלך נקול אן הדא אליתום אלמדכור אן לה וכילין
  7. ואן עליהמא משרפין אן כאן מחגורא עליה באלצגר פאנמא ללחאכם אלדי לה
  8. אלולאיה עליה אן יוכל לה וכיל או וכילין עלי חסב אכתיארה ועלי חסב אלחאגה
  9. אלדאעיה אלי דלך אדא כאנת אלמצלחה לליתום פי דלך פאמ אלאשראף עלי וכלא
  10. אליתומים פאנמ הו ללחאכם אלדי לה אלולאיה עליה לימצי מא יגב אמצאה
  11. מן אפעאל אלוכילין וינקץ מא לא יגוז ללוכילין אן יפעלאה פי מאל אליתומים לאן
  12. אלחאכם אלדי לה ולאיה עלי אליתום יקום מקאם אלאב לה אדא כאן מחתאטא
  13. עליה וכאן חאפטא למאלה לקול אלחכמים רבן גמליאל ובית דינו אביהן שליתומים
  14. ואד כ הד חא כאן ללחאכם אלדי וצפנאה אן יעתבר מא אכד מן אלנפקה עלי
  15. הדא אליתום פאן //כאן// קדרה סאיגא אמצאה ואן כאן גיר סאיג נקצה ועלי אן
  16. אלמשרפין קד אמציאה לאן אלחכמים קד קאלו פי מעני וכלא אליתומים האיי
  17. אפטורפא דיתמי דפשע {מכ} מסלקינן ליה ובעד דכרנא לדלך נעוד אלי
  18. אלכלאם פי מעני אלדנאניר אלחאצלה ענד אחד אלמשרפין והי אלתי קיל אנה
  19. קבצהא מן אלמשרף אלאכר לליתום ואדעא אנהא נהבת פי גמלה מא קאל
  20. אנה נהב מן מנזלה פנקול אנה כאן עלי הדא אלמשרף אלדי חצלת ענדה הדה
  21. אלדנאניר אן יחפר להא וידפנהא בחית יתק עליהא לאן אלחכמים קאלו אמר
  22. שמואל כספים אין להם שמירה אילא בקרקע ועינו אלמואצע אלתי תחפר
  23. לחפט דלך וקאלו והידאנא דשכיחי גאשושאיי אין להם שמירה אילא
  24. בכותל והידאנא דשכיחי טאפוחאיי אין להם שמירה אילא בשמי קורה
  25. והידאנא דשכיחי פארומאיי אין להם שמירה אילא בטפח הסמוך
  26. לקרקע או בטפח הסמוך לשמי קורה ואדא כאן לם יפעל דלך ואדעא
  27. אלנהב כאן עליה אן יגרם עוצהא לליתום ולו צח אנהא נהבת ותבת דלך
  28. לם יברא מן אלגרם לאנה יחפטהא כמא יגב מן חפטהא וכמ קאלו אלחכמים ב

...

  1. המפקיד מעות אצל חבירו צררן והפשילן לאחוריו מסרן לבנו ולבת[ו]
  2. הקטנים נעל בפניהם שלא כראוי חייב שלא שימר כדרך השומרים ולא יברוה
  3. מן אלגהד כון דלך יום אלו וקת אלטהר לאן בין וקת אלטהו ובין וקת דכול אלסבת פשחה
  4. ואסעה לאחדא ודלך עלי אלוגה אלדי דכרנאה ואנמ סמח קדמאנא ואברו אלחאצל מתל
  5. דלך ענדה יום אלגמעה מע אלמסא והו וקת ליס פיה סעה לדפן דלך ופיה קאלו אמ
  6. ראבא ומודי שמואל בערב שבת עם חשיכה שהוא פטור תם קאלו ואן אבטא פי
  7. אלסבת ען דפנהא ולם ידפנהא כאן אלגרם לאזמא לה לקו ואן שהא למוצאי שבת
  8. כדי לקרבן ולא קברן חייב ואנמ קאלו פי אלהבדלה ופי תלמיד חכמים אן יפסח לה באכד
  9. אלקדר מן דלך בקדר אלוקת אלמכצוץ לקו ואן צורבא מדרבנן הוא פטור דאמ לה אמנא
  10. באעית מיניהו זוזא לאבדלתא וליס הדא צפה הדא אליתום פעלי גמיע אלוגוה
  11. קד לזם הדא אלרגל אלגרם פאן כאן האדין אלמשרפין מתפקין עלי מבלג אלדנאניר
  12. אלמתסלמה ועלי נקדהא נטר פי דלך פאן כאן קדרהא הו אלקדר אלדי קיל אנה תבקא
  13. מן אלודיעה אלתי תבקת ענד האדא אלמשרף בגיר נקצאן מנה פקד ברי אלמשרף אלתי
  14. כאנת ענדה בריא מן דלך פאמ אן אכתלפא פי דלך פק אלמסלם אנהא כאנת ופא מא
  15. כאן ענדה מן דלך וק אלמתסלם אנהא כאנת אקל כאן אלקול קול אלמסלם אלדי כאנת
  16. ענדה אלודיעה בריא מע ימינה אדא לם תכון לכל ואחד מן האדין אלנפסין ביינה
  17. תצחח קולה פי דלך ואנמא יברא אלמסלם ללדנאניר אלי אלמתסלם להא מנה ומן
  18. אליתום אדא כאן תסלימה איאהא כאן פי בית דין אלדי לה ולאיה פי דלך פאמא אן כאן
  19. תסלימה איאהא בגיר אמר בית דין לא עלי וגה אלגמלה ולא עלי וגה אלתפציל פאנה
  20. לא יברא מן אליתום מנהא אדא כאן >סלם< איאהא אלי אלמשרף אלאכר בגיר אדן מן לה
  21. אלאדן פי דלך ותכון מטאלבה אלמשרף אלאול אלתי כאנת אלודיעה ענדה עלי אלמשרף
  22. אלתאני אלמתסלם לה פי מעני אלגרם אדא כאן אלמשרף אלאול גארמא לליתום
  23. פקד אנטוא פי דלך מא שרחנאה ומא וגב אן נשרחה מן אחכאם אלודיעה אלתי
  24. תעלקת בסואל הדא אלסאיל פאמ מא עדא דלך מן אחכאם אלודיעה אלתי לא תעלק
  25. להא בהדה אלמסלה פאנא אגמצנא ענה לטולה וכך הדין ג

...

  1. חוסין בן רוזביה צח לה בבית דין מאל עלי אסחק בן אברהים ואלט אסחק דנן ודאפע
  2. ען תצחיחה ללכצם וסמת מן בית דין לאגל דלך ובקי צ יומא מסמת ובעד דלך קבע
  3. מושב בית דין פי אלכניסה וחצר אלחאכם ואלשיוך וחצר בין ידיהם חוסין ואסחק
  4. האולי בבית דין ליחלף אסחק דנן אן לא שי לה יודי מנה הדא אלמאל אלי חוסין דנן ולא
  5. שי מנה וגרת בינהמ מפאוצה וכוץ טאל ואנתהי אלאמר אן קאם בעץ אלשיוך
  6. ואכד ביד אסחק וחוסין אילין מן בין ידי אלחאכם אלי באב בית אלאספאר ליתוסטו
  7. בינה בחאל יצלח אמרהם וחצר מעהם עלי בן אברהים אלנילי אבו אסחק הדא וצמן
  8. אלמאל עלי נפסה ועאהד עלי קבול דלך בנתינת יד ליד אמונה אן הדא אלמאל
  9. אלדי כאן עלי אסחק דנן קד קבלה עלי נפסה לחוסין דנן וצמן לה אן יודיה אליה
  10. אלי אן יופיה איאה ורצי חוסין דנן בצמאן עלי דנן ועאדו אלי מגלס אלחכם ואקאל
  11. אסחק דנן מן אלימין ואשרי לה סמאתה וכתב אלשיוך אלדין קררו בינהם מחצר
  12. בדלך ושהדו תחתה וסלמוה אלי אלכצם וקומה אלחאכם ואתבתה ובעד מדה
  13. חצר חוסין הד בבית דין וטאלב עלי דנן במא צמנה לה ען אסחק הדא פק לה
  14. אלחאכם ליס יגב לך עלי עלי דנן שי לאנה לם יקני לך מן נפסה באז דא פיה
  15. ציצית ונתינת יד ליד לא יסאוי שיא ולא ינעקד בה חאל פק לה אלכצם לם לם
  16. תערפני הדא מן אלאול ולם קומת מא גרי ואתבתה ואוהמתני צחתה ווגוב
  17. אלמאל עליה פק אלחאכם גלטת ולם אכן אעלם חכם אלקנין ובמא די ינעקד ובעד
  18. דלך אטלעת פי כתב אלפקה ועלמת אן מא ינעקד ביד ליד לא יסאוי שיא ולא
  19. יגב בה מאל ואלכצם ינסב אלחאכם אנה טאלם לה ויחתאג אלי מערפה אלואגב פי
  20. דלך נסל נשיא [אן] יגיבנא ען כל מעני ומע מנהא מאגורא
  21. סרי בר חסן כהן תזוג באמראה בתולה ואולד מנהא ולד דכר ובעד מודה
  22. תקאתל סרי דנן ואקארב הדה אלאמראה ופי גמלה מא גרי בינהם ק סרי ד

...

  1. דנן אן הדה אלאמראה אלתי תזוגתהא מנכם לם תכן בתולה ולמ תצאלח מע מכאצ[מה]
  2. ק כדבת פימ קלתה ען מרתי ובתולה כאנת ובעד סנין חצר בעץ אלדיאנין פי דלך אלבלד
  3. ואחצר סרי דנן וסאלה עמא כאן קאלה פי מעני זוגתה פשרחה לה וק אנני באלכיאר מע
  4. אהלהא קלת ענהא הד אלקול כדבת עליהא פסמתה וחכם עלי אלולד אנה חלל واخذه
  5. וק הדא עבדי אלי אן קטע אלאמר מעה עלי שי אכדה מנה ואשרא לה ורד אלולד אליה
  6. וחצל מן ולד סרי דנן עדה אולאד צדור פי ישראל מקדמין ובעד סנין כתירה חצר
  7. חאכם יזיד פי אלמנזלה ואלעלם עלי דלך אלדיאן ואסתפתי פי הדא אלמעני פק אן אלדיאן
  8. אלמתקדם גלט פי מא חכם בה ולו צח אן הדה אלאמראה לם תכן בתולה פי וקת
  9. תזויג סרי דנן בהא לם יכון ולדהא חלל פכיף אן סרי דנן קבל הדה אלאמראה ואגתמע
  10. מעהא ואולדהא ומצא עלי דלך סנין תם בעד דלך שנע עליהא בהדא פי אלכצומה
  11. תם כתב נסכה ואבטל הדא אלחאכם אלאכיר קול אלדיאן אלמתקדם וביין צורה
  12. אלחללים מן אי שי יכונון ואכרג הדא אלפן מנהם נסל נשיא יערפ אלואגב פי דלך
  13. וצורה אלחלל הל יגוז לה אן יתזוג בגרושה אם לא: ומן ולד מכתונא יגב אן
  14. נטיף ממנו דם ברית ואן כאן יום שמיני יום אלסבת יגוז אן יכון דלך פיה אם
  15. ידחא אלי יום אלא ומא אלדי יגוז ללדיאנין מן אלמנאפע מן אלכצום ומא אלממתנע:
  16. ראובן תבת עליה פי בית דין אנה אנדר שי ידפעה אלי בעץ אלכנאיס
  17. וק נדר לייי עליי מא אצרפה פי עמארה אלכניסה אלפלאנייה כדי וכדי ואשהד עלי
  18. נפסה בדלך ובעד מודה טולב אן יופי נדרה וועד בדלך אן יעטיה מדה טוילה
  19. וכראר מתראדפה ולם יפי ובעד דלך ק ליס לי שי אופי מנה נדרי ותופי ולה
  20. יורש וטהר לה ירושה עקאר וגירה ממא כאן ימלכה פי וקת אלנדר וטולב
  21. אליורש אן יעטי מן אלירושה מא כאן נדרה ואלדה וק ליס יגב עליי אן אעטי
  22. שי מן הדא לאן ליס יגב עליי שי נסל נשיא אן יער אלואגב פי הדא מע גמיע
  23. אלמתקדם בשרח מסתופא ראובן כתב כטה שהאדה תחת שטר

T-S Ar.49.166 1r

1r
Image Permissions Statement
  • T-S Ar.49.166: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.