Legal document: T-S Ar.48.88

Legal document T-S Ar.48.88

Tags

Description

Leaf from a file of responsum, written in the hand of Shemuel Ha-Levi b. Saadya. Concerning a woman who was married to a man, but whom "the community" claimed was an enslaved woman and needs to get a deed of manumission first. Her husband refuses, and her previous owner (or alleged owner) claims she was not enslaved, and that she became Jewish out of her own free will (תהודת מן דאתה).

Transcription

Mordechai Akiva Friedman, Jewish Polygyny‎ (in Hebrew) (Tel Aviv: Bialik, 1986).
  1. פקאלת לה אלגמאעה נחן נעלם אן לם תכן ענדך אבדא
  2. אלא עלי סביל אלעבודיה ואנת איצא לם תאכדהא
  3. אלא לשום שפחה ואסתפאץ ענדנא וענד אהל
  4. אלבלד אנהא כאדם פיערפנא סידנא אן כאן
  5. תכרג במא דכרה מולאהא מן קצתהא מן חד
  6. אלכדם אם לא ואן כאן ליס תכרג מן חד אלכדם במא
  7. דכרה מולאהא אן כאן כופין את רבה לשחררה
  8. אם לא או ליס דלך אלא בעבד אדא השיאו רבו אשה
  9. מן קבל אן אלדכר מצוה על פריה ורביה והו פי
  10. זואגהא אקצא מצוה ולדלך קאלוא עבד שנשא
  11. אשה בפני רבו יצא לחירות ואוקפנאה בעבד
  12. שהשיאו רבו אשה ואמא אלאנתי אלתי ליס הי
  13. מצוה על פריה ורביה פלא או נקול ליס בינהמא
  14. פרק ואן עמל להא גט שחרור ולאבנתהא טועא
  15. וקאל זוגהא ליס אבקא מעהא מא אלגואב אן
  16. יעמל פי הדא והמקום יכפיל שכרו
  17. אלגואב אד קד צח אן לם יעטיהא מולאהא גט
  18. שחרור פלא גני להא ען גט שחרור לקולהם

Translation

verso

  1. עבד שנשא אשה בפני רבו יצא לחירות ולא עוד אלא
  2. שכופין את רבו לכתוב לו גט חירות ואוקימנה בשרבו
  3. השיאו אשה ומע דלך צריך גט שחרור וכדלך הדה
  4. אלשפחה אד מולאהא אמר בזואגהא פלא שך אנה
  5. קלע ענהא אלעבודיה אלא אנה מע דלך תחתאג גט
  6. שחרור ואדא כאנת תחתאג גט שחרור פאבנתהא
  7. מתלהא תחתאג גט שחרור וקול מולאהא לם תכן ענדי
  8. עלי וגה כאדם ואנמא הי תהודת מן דאתהא בעד
  9. אן עלמו אלנאס אנה לם יאכדהא אלא עלי וגה כאדם
  10. ואסתכדם בהא גיר מקבול לא סימא אנה לם יסמע
  11. דלך מנה אלא לאחר מעשה ואמא קולך הל פרק בין
  12. אלעבד ואלשפחה מן גהה //אן// אלעבד מצוה על פריה
  13. ורביה ואלשפחה גיר מצוה מא ענדי בינהם פרק
  14. לאן אלעלה פי קולהם עבד שהשיאו רבו אשה
  15. בת חורין יצא לחירות אנמא הו דלא עביד איניש
  16. איסורא לעבדיה ואדא כאן לא עביד איניש איסורא