Scholarship on Letter: ENA NS I.64
Letter ENA NS I.64- Bibliographic citation
- Alan Elbaum's digital edition and edition (2021), available online through the Princeton Geniza Project at https://geniza.princeton.edu/documents/12302/.
- Location in source
- Relation to document
- Digital Edition
- Edition
Image
Transcription
Translation
Editor: Elbaum, Alan
ENA NS I.64 1
°
Alan Elbaum's digital edition (2021).
recto
- תקדמת כתבי אליך [יא] ולדי אטאל אללה בקאך ואדאם
- סלאמתך ונעמאך ול[ם] ארא לאחדאהא גואב ועז דלך עלייא
- שהד אללה כתיר כתיר ומ[א] כאן קט צני פיך הדא חתי לא כתאב
- ולא סואל ומא ענדנא כ[ב]ר אן צחיח ממא אנת פיה וקלובנא
- וחק אל[קד]ס ענדך וואלדתך . . . עינהא נצף דאנק ותטלב מן ענדך
- כ . . . מא תעלם מא . . . . יה והי וגעה מבדדה מא להא שי לא
- . . תתוטא ולא . . . . . א ולי לי אנא שי אנפקה עליהא ולא
- לאכי[הא? פא]נה צייק אלצדר עטים מן קלה אלמעאש ולו כנת אנא
- מע[ך פי?] אלדכאן עסי כאן יכון חאלה אצלח מן הדא לאן מן קבל אן
- . . . . . . . מן מצר מא טלעת ללדכאן לאן אבו נצר אכוך מא
- . . . צעב עליה אלכ . . . ב . יתחול פי בית כאלתה קאל ננפק
- פיהא דינארין תלתה ונתחול פ[יה] ופתק עליה(?) פיהא עמארה
- אן כתירה ואלי אליום מא פרג מן עמארתהא אד יגד אלחיטאן . .
- . . . . צארת נכאלה ואחתאג תגליקהא ומד(?) מעה ללימ . .
- תלאתין דינ׳ זאיד נאקץ ומא אמכני אן אתרכה ולא אעאונה אללה
- תעאלי יכלף עליה בכיר וואלדתך יאבני וחק אלקדס וגעה וגעה כתיר[ה]
- והי דאעיה לך פמא אמכנך אן תסאעדהא . . . תואב אן תפצל[ת]
- מעי ומעהא ואנא אעלם יא ולדי . . דות . . אכתר מן הדא אללה
- תעאלי דכרה יסמענא פיך כבר אן נסר בה ובאללה עליך יא ולדי
- לא תתרך כתאבי מן ידך חתי תכתב לי גואבה ולא תחתג אן
- טריק מנקטעה אלנאס מארין כל יום וגאיין מן ענדכם פי אל
- בר פאיש מא סהל אנפדה לדכאן אלממחה או לדכאן אבו
- נצר אלעפצי פהו יצל אליהא וכץ נפסך באתם אלסלאם ואבו . .
- אזהר(?) באלסלאם וואלדתך תכצך באלסלאם וגמיע מן תשמלה ענאיתך
- . . . . . שלום
ENA NS I.64 2
°
verso
- لولدي العزيز(؟) عندي ابي البركات سموال . . .
- اطال الله بقاه وادام سلامته . . .
