Letter: T-S 13J8.27

Letter T-S 13J8.27

Tags

Input date

In PGP since 2017

Description

Verso: Letter in Judaeo-Arabic. A scholar is asked for the hand of his daughter in a complete letter (written calligraphically by a scribe) asking the prospective father-in-law to exercise utmost secrecy.

Images and transcription

Transcription

  • שליחות סודית, מסוגננת בקפדנות, שבה אדם מבקש תלמיד חכם להשיא לו את בתו.
  • אלנץ (?)
  • צדר הדא בקולה בבקר זרע את זרעך
  • ולערב אל תנח ידך כי אינך יודע אי זה
  • יכשר הזה או זה ואם שניהם כאחד טובים
  • מא מקצוד אלחכים פי הדא אלנץ אלמזרוע
  • ואלמזדרע ואנמא קצד אפתעאל אלסיאסה
  • פי נפסה ופי אלאקרבון אליה אן יטלב נמוהם
  • עלי קאנון אלאסתוי לשד עצדה ותקויה
  • אסבאבה ולתלביה כלמתה לאתסאע אעדאדה
  • ליקוי נאצרה כמא אנתצר באהלה מן קאל בתוך
  • עמי אנכי יושבת וכצוץ אדא אנשא אלאנסאן
  • מן דויה מן הו עלי אלטאעה ואלקבול פקצד
  • אלחכים בה מנבהא אינך יודע איזה יכשר
  • הזה או זה ואם שניהם כאחד פתלך אלסעאדה
  • אלמפרטה פאן סועד אלאנסאן אן יך דלך מן צלבה
  • פיאלהא מן נעמה ואן כאן ישתריה מן תעב
  • גירה מן כארג פיאלהא מן סעאדה ועבדהא
  • ואן כאן דלך מנכורא עליה אשתהא אן יך מן
  • דויה ומן אלאקרבין אליהא ליאמן אלעאקבה
  • עאגל ואגל ולם ימתדח פי רקעתה הדה ען
  • נפסה בכלמה בל הו מתכל עלי נץ יהללך זר ולא
  • פיך והו אכבר אלנאס בקהלתה ונשוה וביתתה
  • וקצדה ברסולה הדה אלרקעה ליכון רסולה אכרס
  • לא יכרג סרה לאחד אלא אלי כדמה פקט פאן דהל
  • אלכאלק ברזק פיכון אלרסול איצא סטרין ברקעה
  • מן ידה ליד עבדהא במא תקתציה חצרתה
  • ואלהא די שכין שמיה במדוריה יסאיל מן יכרג
  • [[הדא]] הדא אלסר דון קצאה לאן אלאנסאן בגאהה
  • ומא דלך בעיב אן יקצד אלאנסאן אלאדני ללאעלא
  • ואלאעלא ללאדני וענד אלאבאחה אן אראד
  • כאדמה יבק (!) פי אלתרפיה פי הדא אלשגל כאן
  • בחכמהא ואן אראד אכדת לי דכאן פי בז כאן
  • דלך בראיהא ואן אלף אללה בייננא (!) סוף תחמד
  • אלעאקבה פי אל[כי]רה ומא אשכר נפסי לו
  • אבדלת אלטלב לאכסב (?) ערבון מן מכאן ואתנין
  • ותלאתה ולאכן אסנדנא אלי מא נקלה אלצאדק
  • לעולם ישא אדם בת תלמיד חכמ וכול' ואסתחלפה
  • בשם יי/י/ ענד קראתהא אסטר עבדהא וכתבהא
  • מא יסנח מן גואב יכון דלך מן ידה ליד עבדהא
  • פאן סא דלך לעיב לא מן עבדהא ולא מנהא
  • הו אולא ממן יחמל חדיתנא ויודי מא יריד ויכלי
  • מא יריד פקצד בדלך לאילא יכרג לנא סר תהיה
  • שעת הכשר והצלחה ומא קד תטלבה מן מהר אן
  • סהל דלך אכתבה איצא ומוכר וסאיר מא תקציה
  • (ביד אחרת, כנראה של בעל המכתב)
  • ואתכבר חכאיתך למנאכ
  • אלציצית ואתק באללה
  • ושלום
Image Permissions Statement
  • T-S 13J8.27: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.