Letter: T-S 13J8.19

Letter T-S 13J8.19

Tags

Input date

In PGP since 2017

Description

Hayfa, daughter of Sulayman Ibn al-Ariq, writes to the Ḥaver Eli b. Amram, the spiritual head of Jerusalem congregation of Fustat, during the third quarter of the eleventh century. She asks him to write to Damascus (from Egypt) to her husband Said b. Muamar, the silk weaver, after he had deserted her twice. She was forsaken by her family as well. She had a boy from Said and she wants his compassion or that he will set her free. (S. D. Goitein, A Mediterranean Society; and Goitein's index cards) VMR

T-S 13J8.19 1r

1r

Transcription

S. D. Goitein, unpublished editions.
  • אלמרוף (צ"ל: אלמערוף) באבן אלעריק עבדתה היפא בנת סלימאן ולדתמא מ....
  • בשמך רחמנא אלע.. ..
  • אעלם מולאי אלחבר אדאם אללה תאיידה ונעמאה וכבת
  • באלדל חסאדה ואעדאה אנני אמראה צעיפה גריבה וליס
  • לי אחד אשכו אליה חאלי אלא הקבה וחצרה סיידי אלחבר אגלהא //אללה//
  • וליס שכואיא א...בה סוי (?) גיר אנני אשרח לה מא טרא עלי
  • מן זוגי סעיד בן מעמר //אלקזאז אלמערוף בפהו בן ........// ודאך אנה פי בדאיה חאלי מעה כלאני
  • חאמל מד סאפר עני ובקית מנקטעה תם אנה ורד בעד מדה ואקאם
  • ענדי חתי חבלת וסאפר עני תם אני וצעת חמלי והו גאיב
  • ורבית אלצבי ומר ללצבי סנה מן בעד דלך קדם וטרא עלי אמר
  • בן אלזוקליה ושרדנא ען מואצענא וגינא אלי יאפא (?) וטרחני פי
  • אלבלד ומר ובקית צאיעה מנקטעה ופי בלד גריב פאחוגתני אל
  • צרורה פרגעת אלי אהל (צ"ל: אהלי) וקאסיית מנהם מן אלכלאם מא קד עלמה
  • אללה תבארך ותעאלא וכרגת וחדי וסאפרת וכשפת וגהי אלי אן בלת (צ"ל: בלגת)
  • אלי מצר ובלגני אן קד גא אלי מליג אלי ענד אכוה פכרגת קיל לי קד רגע
  • אלי אלשאם ורגעת אלי מצר ואלדי אסאל סיידי אלחבר אדאם אללה תאיידה
  • [[אלמעונה]] //אלמסאעדה// בכתאב מנה אלי אלשאם למן יחוגה עלי ועלי ולדה פאנה
  • קד בקי מתל אליתים וכל מן בצרה חן עליה ודמה פאן הוה אגא בי (?)
  • וחן עלי ולדה ואלא פיטלק סראחי פאני מא אואכדה בגמיע מא
  • עאמלני בה ואלא פאנא אסתחכם אללה עליה ליל ונהאר פאללה
  • אללה פאן עין עבדתך מתטלעה אלי מא אעול עליה אסאל אללה תבארך
  • ותעאלא אן יגיבני פי סיידי אלחבר צאלח מא אדעיה ואן יבלגה אפצל
  • איתארה אנה ולי אלאגאבה סריע אלקביל ברחמתה אן שא אללה

T-S 13J8.19 1v

1v
Image Permissions Statement
  • T-S 13J8.19: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.