Letter: T-S 13J29.2

Letter T-S 13J29.2

Tags

Input date

In PGP since 1989

Description

Letter from Harun b. Yosef al-Ghazzal, Qayrawan, to Yosef b. 'Awkal.

T-S 13J29.2 1r

1r

Transcription

S. D. Goitein, "Jewish Trade in the Mediterranean at the Beginning of the Eleventh Century‎" (in Hebrew), Tarbiz‎ 36, no. 4 (Jerusalem: Mandel Institute for Jewish Studies, 1967), 366-395.
  • כתאבי יאשיכי וסידי וריסי וגלילי אטאל אללה בקאך מסתהל ניסאן מן אלקירואן ען חאל סלאמה ועאפיה ללה אלחמד
  • ומא תחב עלמה יאשיכי אן עדאת לי [פי] אול אלמראכב עדה אחמאל ובעד דלך וצלת אנא וגדתהא פי אלמכזן
  • ולם יביע לי מנהא סידי אבי אלחי פי אלמוסם שי מא כלא מן אלעדל אלדי כאן ביני ובין כליפה אללה לאן
  • וצלנא ג מראכב מרכב אלקאיד אלאול ומרכב אבן אלקסטלי ומרכב אבו אלכראר אלדי אנא פיה ראכב וצלת
  • ולם נגדה באעי שי ושק עלי דלך כתיר ווצלנא אלי...כאסדה לא מן יחל פי שי דרהם אן ואחד ולם
  • נביע מא כלא מן עדל אן ואחד מן אלכתאן אלטייב.......ואתסלפת עליה ואשתרית קליל זית סערה
  • מן ו ורבע ותמן אלי ז וכזנתה ואלזית ענדנא פי הדא אלוקת מן ז ונצף אלי ז ורבע ולם יעמלנא נטלע אלי אלקירואן
  • פי הדא אלוקת אלא ציק רוח וצרג (וצגר :that means) מן אלכסאד פארגו מן אללה (?) תתחרך אלאסואק בעד אלפסח ונעמל עלי
  • אלביע באלקסם ואלרזק ונשתרי מא ילהמני אללה אליה מא פיה אלכירה ואלכתאן אלבוצירי
  • ענדנא מן ט ונצף אלי ז דנאניר אלקנטאר ואלאשמוני מן ו ונצף אלי . דנאניר ונצף ורבע ואלמאלאל אלטייב
  • אלקדים מן קקפ אלי קקצ וגיר דלך מן קקנו אלי קס אעלמתך דלך ........מן אסעאר אלסקט
  • פלפל פב קצט כה בקם מחדת מן יח אלי .נאשאדר ג אמנאן ותמן בדינ' ..... סכר מצרי יד
  • שראב י כאסד מסך ד ונצף כאפור סב ניל כרמאני .....ו דנאניאר אלמן
  • דינר אלמן לך מעדום מא לה סער אן יכתב בה אליך אלניל אלעמתאני אלעלי מן כה אלי כ ומא נעלם בה מולאי אלשיך
  • אידה אללה אני קד אסתכרת אללה תעאלא ותאהלת באלמהדיה מן מן כלפני ומן אכבאר בלדנא
  • מן אלגרום ואלגזיה פלא חלל אללה מן יפעל דלך ומן יאדי אלנאס פארגו מן אללה אן יחסן [אלעאקבה ..........כתאב
  • מולאי אלשיך ויקרוה עלינא ומא לי שיאן אכתב ביה אלי מולאי אלשיך אדאם אללה ע[זה.........
  • פי גמיע מא כאן מעי ואמא כתבת האדא אלכתאב פדכרת וארגו מן אללה אן יצל כתאב [
  • אלאכבאר אלדי גאת מן ענדכום ונעמל עלי אלביע בעד אלעיד אן שא אללה ושרא מא אלהמני אללה [......ואכרג
  • פי אול אלמראכב אן שא אללה ועלי כאצת מולאי אלשריפה אפצל אלסלם וסידי אבי אלפצל וסידי[

margin

  • וסידי אבי סהל וסידי אבי סעיד אפצל אלסלם ומן תשמלה ...אל...אפצל אלסלם
  • ולם נרא [......] מולאי אלשיך אידה אללה פי האדי אלסנה כתאב ווגעתני נפסי
  • ------
  • וארגו שגל כיר ועקב שלום ומא יאמולאי אלשיך .....סלמה אללה

T-S 13J29.2 1v

1v

page b

  • ותקרי עלי אכי סלאמה אפצל אלסלם ותעלמה אני לם אביע לה אלחמל אלדי כאן מעי אלי האדא אל[ו]ק[ת ואביעה]
  • מע רחלי אן שא אללה ואשתרי בה מא אלהמני אללי אליה ואגיבה מעי אן שא אללה ופתיאנה ומן חולה פי [אלסלאמה]
  • ואלסלא (!) עליך ורחמת אללה וברכאתה

the address (in Arabic: remnants of the date in which the letter was recieved)

  • אלי שיכי וסידי ומולאי ......אלגליל אדאם אללה עזה ועלוה
  • [אבו] אלפרג יוסף בן יעקוב בן עוכל ננ ותאידה וסעאדתה

on the left side:

  • מן הרון בן יוסף אלגזאל ננ
  • ואדוה ומחבה יצל פסטאט מצר אן שא אללה
Image Permissions Statement
  • T-S 13J29.2: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.