Letter: T-S 13J28.19

Letter T-S 13J28.19

Tags

Input date

In PGP since 1988

Description

Letter from an uncle to his niece containing a last warning to the woman to return to her husband. Letter in which the husband and the paternal uncle Abū l-Faraj try to persuade the addressee, a woman in the city, to join her husband in a small countryside town. The letter includes some threats—such as the wife being left as an abandoned woman if she disobeys—and instructions on how she should go about the move. Mentions Abū l-Ḥajjāj Ibn al-Ṭabīb (son of the doctor) and ‘the judge’ (possibly Elijah b. Zechariah, as handwriting looks similar to Solomon b. Elijah, who may have acted as a scribe). C. 13th century. (Information from CUDL.)

Images and transcription

Transcription

Recto:

  • אלא מנך וען קריב תנדמי תקד[
  • יטלע לך גבארהא ויעז עלי פי חקך הדא
  • ואלאן לא עדר למן אנדר פקד אנדרתך
  • דפוע ואכרהם הדא אלאנדאר פאן כאן
  • לך נייה פי אלכרוג פקומי אכרגי מע
  • ואלדך פקד תפצל בדלך ומא בקי עליה
  • עתב ולא לום אלא עליך ואלא פאעלמי
  • ואתחקקי אן מא בקי לי קעוד פי דיאר
  • מצר פמא בקי לי קעוד אלא אן כרגת פאן
  • חצרתי פאלכירה לך ואלחויגאת מא להם
  • קדר ידכרוא כדיהם מעך ואנא
  • עמך בו אלפרג נעלמך אן וחק אלשריעה אלמקדסה
  • לא יעלם אחד . . . . . . . . . ה מן . . מא
  • אנתי פיה בסבב גיבה זוגך ענך ואנתי תתחקקי
  • אן אלאמר מא הו בידי ולא ביד אל . . . אלא מן
  • אללה תע ומא סבב בה ונעם חכם אללה תע
  • ולקד עיית ממא ננפד כתב ונתקל עלי אלנאס
  • מן סבב כרוגך ונקצך מן שדתך ותבות אלולד

Recto, right margin:

  • פאעלמי
  • אן מן אלאן מא בקי
  • פי אלבלאד
  • מן
  • יכתב כתאב
  • ]לאן מא
  • בקי לך . . . . קד
  • חצר ואלדך וחלף
  • באלשריעה מא
  • נעיקהא לאן מא
  • ללאמראה אלא
  • זוגהא ואעלמי
  • אד לם תכרגי
  • ואלא הו יתזווג
  • או יסאפר לאנה
  • מסך מ . . . ה פי
  • חקך וחק אלאהליה
  • אלי אלאן ומן הו
  • הדא אלדי יצבר
  • ען זוגתה ה[דה אלמדה
  • ויקטע עמר מ[
  • ]רזקה עלי

Verso:

  • ופקהא אללה תע פהי מעדורה מן גהה פרקתך
  • ולכן תקים פרקתך לשדה אנתי פיהא וזוגך תגד
  • פרקתהא מנך ראחה עטימה ללפריקין . . . .
  • קלבהא וחק אלשריעה אלמקדסה אלטאהרה מ . . .
  • מעך אלא ללה תע ולמחבה אלאהלייה והי תערף מחבתי
  • להם . . רם אללה סאעה מחבתי לכם פלולא הי
  • . . . חצל לכם אלגמיע נכד ולי אללום מנכם גמיע
  • ומנה איצא אלדי אנא אלסבב פי וצלתה לכם
  • ואללה קד עלם קצדי ואלנאס וקד ראח מאלי ווחלת(?)
  • מעכם אלגמיע פי כלאמי ואלעאקבה בעון אללה תע
  • חמידה לאן אלנייה פי דלך ללה תע פאללה תע יחסן
  • אלעאקבה ואעלמי אן קד חצל לך הדא אלאנדאר פמתי
  • חצל לך עאקה וגדת קצה פדנבך פי ענקך וענך מן
  • יסבב לך אלעאקה ולו יום ואחד אעלמתך דלך ואדא
  • תגאהזתי תאכדי אלמציחפאת ואלכראסאת תעמליהם
  • פי כריטה ותכייטי עליהם ותאכדי חואיגך אלדי
  • תרידי ומהמא תקל עליך אודעיה ענד אלדיין וכדי
  • רקעה בהם ואלנביד ינבאע [[ואשת]] ויושתרא לך בתמנה
  • חדידה פצה תעמליהא פי ידך וסיירי אלי אלשיך
  • אבו אלחגאג בן אלטביב רחמה אללה תע הו יסבב פי
  • ביעה והו ישתרי לך אלחדידה ומהמא כאן ענדך אודעיה
  • ענד אלדיין [[קמ]] כמא קלת תך ואלסלאם עלי סת אלמעאני
  • ועלי אמראה אכי ועלי גמיע אלאולאד אלעזיזין ושלום
Image Permissions Statement
  • T-S 13J28.19: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.