Letter: T-S 13J25.7

Letter T-S 13J25.7

Tags

Input date

In PGP since 1988

Description

Letter from Yoshiyyahu Gaon, probably 1024

T-S 13J25.7 1r

1r

Transcription

Moshe Gil, Palestine During the First Muslim Period (634–1099)‎ (in Hebrew) (Tel Aviv: Tel Aviv University, 1983), vol. 2.

א

  • ....
  • ירחמם [
  • תפלתם ויתדיר טובתם ויראם קיבוץ במרבץ טוב
  • אל נווה טוב ונין מראהו טוב ובינין זהב הטוב בכל טוב
  • שאו שלום רב מאיש נחמס מאנשי חמס
  • ומאנשים ההושמו מרמס הנאנחים והנאנקים והנבוכים
  • והמבוקים הצועקים ואין מקים: אלצרכין אלי
  • אללה יא מעאשר ישראל יא סכאן פי אלעאפיה ויא בעידין
  • ען אלבלאיא ויאמנין פי זמאנהם ויראסכין פי דני[א]הם
  • יגב עליכם אן תשארכו אכותכם פי אלמצאיב ותעא[נו]הם
  • ען אלבלאיא ותרפעו אעינכם אלי אללה עז וגל ותסלוה
  • ותסתעינו פי דיניאתכם במא ישדרו עליה לכלאץ אכותכם
  • ומעאונה אהליכם אהל אלשאם //אן שא אללה// אלדי קד //הלכו// פימא מצא והם
  • פי אלהלאך פאהל אלמדן קד תשתתו ואהל אלקרי קד תבדרו
  • ואלפקר קד אחאט בהם ואלעדו קד אנתבה להם אליום
  • כמס סנין אבתדא פי הר אלזיתים באלמואמרה ללפסאד
  • וסכת לה פעמת אלמציבה אלגמיע תם חמל אלשרט באלרמלה
  • באלסעאיאת ואטהר בכדבה אלגנאיאת וקד כאן פי
  • אלשרט ראפה ורחמה אכתר מנה לולא דלך לכונא
  • קד הלכנא תם פי איאם אלתרכי אידה אללה טלב אלארואח
  • וספך אלדמא באשהאר אלכל פמצת אכתר אלעמאל באלכלאץ
  • מן אלמחן ואפתקרנא נחן ובעץ מן אלגמאעה במא כונא
  • פי נאר עטימ[ה] משתעלה אלדי כאן ישעלהא אלטאלם
  • [ ]אל[ ]רוד ונכתב לאימה
  • ....

ב

  • ....
  • [ ] מנה
  • [ ] וביומה [ ] ויעמל מעה
  • [ ]ת עלי אלמ[ ]אל [ ]
  • [ ]אלקאיד פאב[ ]צאחב אלקאיד יאכד לי אטלאק
  • ואנפד אליה יקול לה אן אלהרוני רייס טאיפה מן
  • אליהוד יקול אן לה ענדה מאל כביר וקד געלה לבית מאל
  • מולאנא עליה אלסלאם פידפעה או תחצרוה מע כצמה
  • אלי חצרתנא ויחכם עליה באלחק תם יסיר אלי חית שא
  • תם אחצר כתאב פיה אסמא קום במצאדרה סעא
  • בהם אלי אלערל שבמצרים יוזנהם אלמאל אלדי צמנה
  • קבאלה אלפין וכמס מיה דינר תם אנפד יקול לי אמא
  • תכון ראש לכל ישראל או תחלף לי אנך לא תסעא בי
  • ובאחד מן אלנאס אעני מן אליהוד אן אטאלבך באלף וכמס
  • מיה דינאר ומצא אלי אלשיך אבו נצר בן עבדון
  • אידה אללה וקאל לה אן אטלקת הדא הרבו נצף אל[נאס]
  • וא[כ]רב עליך אלבלד ולא תאמן אן יקלב עליך אלדולה
  • ו[ס]עא בקום וקאל אן האולי אפתנו עלי אלשלטון אלגדול
  • וגרמו גראמה כבירה בעד אן משינא פי באבהם
  • וכלצו ואלרגל הודא ימשי פי דמא וסעאיה וצייר אבן
  • גרמן יקום י..אלעי בשי לא יכון אעגב מנה רגל אכד
  • [מא]ל אבנתה אלמכתוב פי כתבתהא והו ר יוסף אב
  • ראש בית הועד אלדי כאן כתנה בן אלעכי הרב בעד אן
  • אחלפה אנה לא יכרג אלא ען אמרה הרב וכסר אלימין
  • ועליה כתאב ושהוד בדלך ימינא ולם ירא אלי הדה
  • אלגאיה באלשא[ם] פקאם בן גרמאן ואסתעדא עליה אלי אלקאצי
  • יטאל[ב וז]ן בעין אלמכתוב פי אלכתבה לאבנה בן אלעכי
  • וגמע עלי תוגה ימרתונא פסמע אלקאצי בדלך
  • ואנפדה ואשתהר פי אלבלד ענד סאיר //אלנאס// מא יעמל פתכאלמו
  • גלמאן אבי נצר פרקאן אידה אללה אכו אלאסתאד אדאם אללה עזה
  • ואמר בצרבהם בחצרה שיוך אלקראיין ומנהם אולא אכו
  • אבי אסחק כאל בן אלבקאל אידה אללה אבו אלפצל סהל בן
  • [ ישראל ? ] ולם [ ]אחד אלנאס מכות מרדות

[ lines 33-36- unreadable]

  • [ ] לצאחב אלכבר [ ]
  • [ ]כי ובית מאל מולאנא תם קבח
  • [ ]איה ממא יעמל ואצחאבה אללה אללה
  • [ ] יצל אלכתאב הצל לקוחים למות ומטים
  • [ להרג ] וקד בלגנא אלי ספך אלדמא על לא
  • [ ] באו מים עד נפש פלא תגפלו
  • [ ]מים עשו איש את אחיו וליס בקי
  • [ ] מן הדא אלרגל חנניא
  • [ ]וה מע אלערל ליל ונהאר
  • [ ] יציחון אן תחת אלסאה[רה ?
  • [ ] בעצהם קד אכדו [ ]
  • [ פי] באב אלרוסא אעני אלאסתאד
  • [ ] אבואב אלמלאטין ולא יהודי
  • [ ] אעמאל אלבלאסין ומא אקדר אכתב
  • [ ] אלאויבים ואלשונאים ויכון
  • [ ] אהל אלשאם פהם פי צרה רעה
  • ושלומכם ירבה תמיד

T-S 13J25.7 1v

1v
Image Permissions Statement
  • T-S 13J25.7: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.