Literary text: T-S 13J22.19
Literary text T-S 13J22.19What's in the PGP
- Image
- 1 Transcription
Description
An ethical treatise in the style of al-Ghazali. Classical ethics with a tinge of Sufism. It is a quote from a Shi'ite text - see S.D. Goitein, "Meeting in Jerusalem": Messianic Expectations in the Letters of the Cairo Geniza", AJS Review 4 (1979): 43-57.
Tags
Image
Transcription
Translation
Editor: Goitein, S. D.
T-S 13J22.19 1r
S. D. Goitein, unpublished editions.
- יא בני אוציך בתקוי אללה פי אלגיב ואלשהאדה
- וכלמה אלחק פי אלרצא ואלגצב ואלקצד פי אלגנא
- ואלפקר ואלעדל פי אלצדיק ואלעדו ואלעמל פי
- אלנשאט ואלכסל ואלרצא ען אללה פי אלשדה ואלרצא
- יא בני מן אבצר עיב נפסה שגל ען עיב
- גירה ומן רצי בקסם אללה לם יחזן עלי מא
- ] ומן סל סיף בגי קתל בה ומן חפר לאכיה
- אלמומן בירא וקע פיהא ומן התך אכיה כשף
- עו.את ביתה ומן נסי כטיתה אסתעטם
- כטיה גירה ומן אעגב בראיה צל ומא ...
- .. ומן תכבר על (צ"ל: עלי) אלנאס דל ומן כאלט
- אלאנדאל אחתקר ומן דכל מדכל אלסו אתהם
- ומן גאלס אלעלמא וקר ומן מזח אתכף בה
- ומן אכתר מן שי ערף בה ומן כתר כלאמה (?)
- כתר כטאוה ומן כתר כטאוה קל חיאוה
- ומן קל חיאוה קל ורעה ומן קל ורעה
- מאת קלבה ומן מאת קלבה דכל אלנאר
- יא בני אלאדב כיר מיזאן וחסן אלכלק כיר
- קרין יא בני אלעאקבה עשרה אגזא
- תסעה מנהא פי אלצמת אלא ען דכר אללה
- תעאלי ואחד פי תרך מגאלס אלספהא יא בני
- זינה אלפקר אלצבר וזינה אלגנא אלשכר יא
- בני לא כרם אעז מן אלתקוא ולא מעקל
- אחרז מן אלורע ולא שפיע אנגח מן אלתובה
- ולא לבאס אגמל מן אלעאפיה אלחרץ [[מפתא]]
- מפתאח מפתאח אלמקת ומטיה אלנצב
- אלתדכיר קבל אלעמל יומנך אלנדם ביס
- אלזאד ללמעאד אלעדואן עלי אלגני טובא
- למן אכלץ ללה עלמה [[ועלמה]] ועמלה
- וחבה ובגצה וא.ה .תו..ה וכלאמה
- וצמתה נקולה נפעלה
T-S 13J22.19 1v
