Scholarship on Letter: T-S 13J22.10

Letter T-S 13J22.10
  1. Bibliographic citation
    S. D. Goitein, index cards.
    Location in source
    Relation to document
    • Discussion
  2. Bibliographic citation
    S. D. Goitein, unpublished editions.
    Location in source
    Relation to document
    • Digital Edition
    • Edition
Image
Transcription
Translation

T-S 13J22.10 1r

1r
S. D. Goitein, unpublished editions.

Recto

  1. יוי עוזי ומגיני
  2. שלום עד לאין קץ. ושלוה עד לאין תכלית.
  3. והצלחת מעשים. והכנעת קמים : והשפלת
  4. צרים ואויבים: ומילאוי שאלה. ועילוי
  5. נתיבה: והרמת יד. וממשלה נכונה.
  6. לאדירנו ונכבדינו וחשובינו ויקירנו כב
  7. גד קד מר ורבינו אברהם השר הנכבד
  8. תפארת הדיינים עזר הנשיאות המפולפל
  9. בחכמתו אעלם מולאי אלרייס
  10. אדאם אללה תמכינה אן וצל אלרייס
  11. שלמה ישיב לו גמול אל מרומו כי הוא
  12. יחיד בעולמו: ומשיב לכל אדם על דבר
  13. נאמו: ובסט לסאנה בין גמאעה ומחפל
  14. פי מגלס רב צדוק השלישי ותפוה פיך
  15. באלקאב ואסכף אלסכף אלעצים וקאל
  16. מא לא תוצף ודכר ואלדי ואסמאה זקן
  17. אשמה ואסכף בה אלסכף אלעצים וחרם
  18. אויבו ואלשיך אבו אלכרם מא יקול ענה
  19. לא רשע ולא ירא יסמיה באסם \\ולא מן ידכר באסם חנכות\\ ואנמא
  20. יקול פעל בן הזונה וצנע בן הזונה ואנא
  21. מא דכלת אליה ואנמא גאני אקואם אלי
  22. אלדאר ממן אתק בהם אנא וגירי ופיהם
  23. מן הו חבר פקד עלם אללה תע לקד מצני
  24. מא סמעתה ומא אעיד ענה חתי לו אקמת
  25. שהר סקם לכאן אצלח לגסמי וקד סמעת
  26. אנה סאיר אלי אלקדס ידכר נאס ערפת מולאי
  27. דלך ולולא חסתי על כבוד תורה למא כנת
  28. ערפתך אנא שי מן הדא ואנתם עלי ען מא
  29. תרו : ואיצא תנביה אדכרך מא אוד א[ו]
  30. יקולו ען מן אזוגתה וקרבתה פי צרכי ציבור
  31. וילומוך עלי דלך ויגארון עליך ורמזא לחכימא
  32. וקד עולת עלי רחמה אללה ואלספר אלי
  33. חצרה אדונינו ונשיאנו \\שצ\\ פאן ראית אן תכתב
  34. כתאב מעי במא יכתץ בנא פאפעל ולא
  35. תוכרה וקד כנת ערפתך חאל אלקמח פי
  36. כתאב ולם יגיני גואב וקד אנפדת לואלדי

Recto - right margin

  1. דינאר מע מעמר \\בן אלעבלאני\\ ועליה
  2. ה קטע וזנה די[נ]אר וכתאב אליך
  3. וכתאב אליה ולם יגיני גוא[ב] פאסל
  4. מולאי לא יו[כ]ר עני אלגואב סר[ע]ה

T-S 13J22.10 1v

1v

Verso

  1. : והדא אלפצל אסאל מולאי אלרייס
  2. אן יוקף ואלדי עליה אעלם מולאי
  3. אלואלד אני מתאלם ברוע לבי עלי
  4. תפוה שלמה אלרייס פיך ולא ירא אלהים
  5. פלתקצד אללה תע' באן יריב ריבך ויקבע
  6. את המלשין עליך כי הוא אל נקמות ובעל
  7. חימה ואסאלה אן יאכד לי באלדהב
  8. אלדי אנפדתה מע מעמר אלצרוף ו ומא
  9. בקי תאכד בה קז אחמר ואסוד ולא
  10. תתואנא סאעה ואחדה ותנפד לי קראב
  11. כ]ארג אלדי וציתך אן תאכדהא מן טאהר
  12. אלזגאג חתי אנפד לך פיה יין ואנא באכי
  13. חזין עלי פראקך ועלי מא אסמעה מן
  14. אלמחאל (אולי מחפאל ?) פיך ואלמנדיל קד מדה בעד
  15. אן קדמתה אלי אלחכם ואלדי לך ענד
  16. עובראת אלצביאן מא אכדת מנהם חבה
  17. ושלום אדירינו הראש חתנינו
  18. והודו וממשלת ידו תרבון ותסגון
  19. ושלומך ושלום אוהבינו ושלום
  20. ריעינו ירבה כמנין ארבה

Verso - address

  1. יובל בשמח אל מושב הדרת יקירנו
  2. וחשובינו וצניף תפארתינו כבוד גד קד
  3. מרינו ורבינו אברהם השר תפארת הדיינים
  4. עזר הנשיאות נין אדונינו נתן אב בית דין
  5. נעג
  6. מאהבו ודורש שלו[מו
Image Permissions Statement
  • T-S 13J22.10: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.