Letter: T-S 13J21.36

Letter T-S 13J21.36

Tags

Input date

In PGP since 1990

Description

Letter from a Jerusalem pilgrim writing from Alexandria, admonishing his relatives, who were staying in his house in Fustat, to exercise utmost consideration towards “the lady of the house” (his wife). She had always been an excellent companion to them. Ca. 1160. (Information from Goitein’s index cards) EMS

T-S 13J21.36 1r

1r

Transcription

S. D. Goitein, unpublished editions.
  • בשמך רחמן
  • כתאבי אליך יא רבי שמואל ואעז אלכלק ענדי ואלא (!) ולדיה אלשיך אבו עלי
  • ואלשיך סידלהל אדאם אללה עזהם ותאיידהם ונעמאהם ומן חסן
  • תופיקה לא אכלאהם גמע אללה ביני ובינהם עלי אסר חאל במיניה (!)
  • וכרמה אנה וליי וקאדר עלי דלך אן שאללה וממא אעלמכם
  • אן מן וקת מפארקתי לכם מא הנא לי עיש וקד אבטא כברכם
  • עני חתי ולא כתאב יצל לי מנכם ואלמטלוב אן תכשפו לי כבר
  • אלגאליה הל עארצכם אחד ענהא או לא ולמא כנת פי אסכנדריה
  • אגתמעת מע אלשיך אבו אלמכארם אבן נפיע ומע צאלח
  • ואסתקר מע אלשיך אבו אלמכארם אנה יגתהד פי אמר כפאיה
  • צאפר אלגאבי פאיש מא כאן לא תכפיה עני ויא שיך סידלהל
  • מא אחתאג וציה פי מן ענדך ותכון כמא עלמת מנך פי
  • אלחנה ואלשפקה עליהם ואלרעיה ואנא מתכל עלא אללה
  • ועליכם פי כפאיה מן יאדי צאחבה אלבית פאנכם מא
  • יציע אללה פעלכם אלכיר מעהא וגירהא פי מא יכין אלדאר
  • ואלנצר פי אחואלהא פאללה יגעלכם מן מקאצד אלכיר
  • אבדא פאן אחתאגת צאחבת אלבית אלא (!) שי פתביע
  • ממא חטיתה ענדהא ולא תצי\י\ע פי נפסהא פאללה
  • יגזיהא באלכיר עלי צחבתהא קראת עליכם אלסלאם
  • ועלי מולא אלכהן אבן מרדוך ואולאדה ומן תחוטה
  • ענאיתה אלסלאם ועלי אלשיך אבו אלמפצל הלוי אלסלאם
  • ועלי מולאי אלכהן [אברהם] שריכה אלסלאם ועלי מן
  • תחוטה ענאיתהם אלגמיע פמא לי אתגאה אלא אלדעא
  • אלא אללה פי מצאלח אלאחואל לנא גמיעא פאללה לא
  • לא יכייבנא פי מא נקצדה ושלום
  • ואני טאלב אלחג

עמוד ב'

  • יצל הדא אלכתאב אלי מצר חמאהא מן עבד אללה
  • אללה תעאלי אלי אלשיך אבו אלמפצל שאכר אנעאמה
  • שריך אברהם יוצלה אלי אלשיך סידלהל
  • ולד ר שמואל

T-S 13J21.36 1v

1v
Image Permissions Statement
  • T-S 13J21.36: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.