Letter: T-S 13J20.26
Letter T-S 13J20.26Tags
Input date
In PGP since 1991Description
Letter from Natan b. Nahray, Alexandria, to Nahray b. Nissim, Fustat. Dating: Ca. 1062 CE (Gil). Topics: trade in oil, cumin, paper, books; the serious illness of ʿIwāḍ b. Ḥananel; and the dire situation in al-Mahdiyya. Nahray was very worried about ʿIwāḍ, but he ended up improving (lines 6–7). Cf. T-S 10J10.27, from 1060 CE, in which ʿIwāḍ himself writes to Nahray about his intestinal bloating and how he is scared and does not know what will happen.
Edition: Udovitch, A. L.
Translation:
T-S 13J20.26 1r
Transcription
A. L. Udovitch, [digital geniza document edition].- כתאבי אטאל אללה בקא מולאי אל שיך אל אגל ואדאם תאידה וסלאמתה ונעמתה וכבת
- אעדאה מן אל מסתקר מסתהל ניסאן כתמה אללה עליך באחסן כאתמה וקבול אל
- מעוד (!) אלמבארך תזכה שנים רבות שש שמח ושוק אליך אליך (!) קרב אללה אל אגתמאע
- אל סאר במנה וגודה אעלם מולאי וצול כתאבה וגאובתה עליה ביד אבן נציר
- ומע אל כתאב דינ' פורים ולדי וקרה עני נסים אסעדה אללה בחיאתך לה אלי אן
- תבלג ונבלג פיה מא נסר ביה אן שא אללה תכתב אלי בוצולה אליך תם יא מולאי לחק
- עואץ וגע אן עצים וכנת כאיף עליה אלא אן חב אללה תעאלי ווגד ראחה
- וקד אכדת לך מנה אלמקטעין ואעטיתהם אלי אבולעלא אבן אל שויכיה תם
- ערפני אן כתבת אליה פי זית ולם יגד פי איש יחמלה פאעטיתה (פאעטיתך ?) פקאעה מן
- ענדי ומליתה לך והי איצא צחבה אבן אל שויכיה תם דכר מולאי אל שיך אן
- לך ענדה כתב ערבי פקאל לי תחמלהא בלא צנדוק פאכדת מנהא ז כתב
- מגלדה ואנא אסאל פיהא סידי יחיי אל פאסי לעלה יחמלהא תם דכרת יא מולאי
- אל כאגד וקד קאל עואץ אלדי כאן ענדי אנפדת לה אלזעפראן צחבה
- ר ישועה וקד כנת אנפדתה למולאי דסתין כאגד שאמי מן אלסגלת פאן
- צלח מנה אכדת לה מנה תם אעלם מולאי אני בקית מתחייר פי צפרי פי האדה
- אל סנה לעדה וגוה ואעצמהא אן מא ענדי מא ננפק פי האדה אלסנה וקד
- חאל עלי מא כנת נערפה פי אל מהדיה מן אל מעישה ומא ענדי הון אכתר מן
- צרף דינ' ונפקתה אללה תעאלי ידברנא וקד יבלגנא מא פי אל מהדיה מן אל חמס
- ומן אל אמור אלדי לא ימכן שרחהא תם מן אלדי תערפה אני כנת מנאט באל
- שיך אבו יעקוב צהרי נע תם מן חאל גרה אכותי ומכל מקום ורגע אלי מא
- אשרת ביה עלי ונתק באללה תם יא מולאי חמל אל אהל וקד אכי צעפת
- נפסי לאן אלשוקי אלדי אמלכה צאר גאיב עני ואללה יגמענא ויעשה למען
- שמו תם ערפני עואץ אן לך ענדה גזל יעמל מנה מקטע וקד כאטבתה
- עליה ומא אעלם מא בינך ובינה תכתב לי בדאלך לעמרי מא הו אל יום אלי פי
- עאפיה תכתץ אפצל אל סלאם חרסה אללה ומן תשמלה ענאיתך אל
- סלאם ומא כאנת למולאי מן חאגה ישרפני בהא וגאלב צני פי האדה אל
- סנה אני מקים אעלמתך דלך ושלום וחיים יוסיפו לך וקד אנפדת לך מע
- יחיי פאסי ז כתב מגלדה ערבי ושלום
Translation
T-S 13J20.26 1v
page b
- מולאי אל ואלד רבינו נהראי גדול הישיבה
- ביר נסים וצל אטאל אללה בקאה ולייה נתן בן נהראי נע'
- בן נתן נע'
