Letter: T-S 13J25.8

Letter T-S 13J25.8

Metadata

Shelfmark
T-S 13J25.8

What's in the PGP

  • Image
  • 1 Transcription

Description

Letter from Ya’aqov b. Nahum b. Hakhmon, from Tripoli (Libya), to Nahray b. Nissim, Alexandria. Around 1060. The letter contains details about goods that arrived from Fustat. It is hard to unload them because there are goods on top of them. The writer mentions the prices of several goods and selling goods that Nahray sent to Tripoli. He asks Nahray to send the flax he bought for him through Sicily if there is no ship that sails from Alexandria to Tripoli. (Information from Gil, Kingdom, Vol. 4, #691) VMR

Tags

Additional metadata

Collection
Cambridge University Library, Taylor-Schechter
Historical shelfmarks
TS Box 13 J 25, fol. 8; TS Box 13 J 25, f. 8; TS 13 J 25, fol. 8; TS 13 J 25, f. 8
Input date
In PGP since 2017
Image
Transcription
Translation

T-S 13J25.8 1r

1r
Moshe Gil, In the Kingdom of Ishmael‎ (in Hebrew) (Tel Aviv: Tel Aviv University, 1997), vol. 4.

recto

  1. עלי אללה וחדה תוכלת

  2. כתאבי יאסידי ומולאי אלשיך אטאל אללה בקאך ואדאם עזך ותאיידך וסעאדתך וכפאיתך

  3. ורע[איתך מ]ן אלמסתקר טר[א]בלס לי איאם בקין מן אלול ערף אללה מולאי ברכה מצייה וימן

  4. בקאיה ו[א]סעדך במא יאתי בסעדה ויליה מן סלאמתה תתם בבקאיך ואלחמד ללה רב אל

  5. עאלמין ושוק אלי מולאי שדיד קרב אללה אלאגתמאע במנה וכירה וטולה תקדמת כתבי אלי

  6. מולאי עדה ולם ארי לאחדהא גואב ארגו שגל כיר וקד בלגני אן וצל לך עדל כתאן ועלאוה

  7. סכר פוגדת עלי מולאי לדלך אד לם ישרפני בחאגה תכון לה וקד מצית אלי אבי אלפצל ברוך

  8. וסאלתה אלאנשאט פי אלביע וקד באע אלעלאוה ואמא אלעדל סאלתה פי ביעה קאל למא

  9. נקדר עלי ביעה מן אגל כרוגה לאנה ורא אעדאל אלנאס וקד וגה לך תמן אלעלאוה צחבת

  10. מחמד בן אלעדל והו פי מרכב בן אלשואדבי אללה יכתב אלסלאמה וקד יאמולאי חמלתני אל

  11. דאלה עליך למא אעלם מן מחבתך וצחיח אעתקאדך לא זלת מתפצלא פאצלא אסתכרת

  12. אללה וחמלת אליך צחבה חסון בן יחיי אלמהדוי צרה פיהא ק דינ וט דנאניר ונצ וזן אלעדל

  13. מאיה ויו דינ> ורבע ופי דאכלהא צרתין ואחדה לאבי אסחק אלוזן כ דינ> ואלתאניה

  14. לאסמעיל בן כלוף בן רביע צדיק לי סאלני סואלך וכדלך איצא אסתכרת אללה וחמלת אלי

  15. מולאי פי רזמה אנפדהא אבי אלפצל ברוך אלי אברהים בן פראח מזוד חריר מצבוג

  16. אלוזן מח רטל באלקכ דרהם מנה ארבע ארטאל לאסין ואיצא יג לבד טילקאן נחב

  17. מן מולאי תפצלה אדא תפצל אללה באלסלאמה ביע אלחריר ואללבוד ותציף יאמולאי אל

  18. גמיע אלי אלצרה תתפצל אן אכתרת תגעל לרוחך ק פי אלגמלה תשרפני בכדמתהא

  19. לאני פארח בדלך תשתרי מן דלך עדל לך אן כאן סערה לה דינ אלחמל כמא

  20. דכרת ואן לם ואלא(!) תשתרי באלגמיע אעדאל כתאן אוצאט ותנפד אלגמיע אול אלזמאן

  21. אן כאן אחד אלי אטראבלס מתוגה תנפד אלגמיע מעה ואן לם יכן אחד אלי טראבלס

  22. מתוגה תתפצל ותנפד אלגמיע אלי אסקליא צחבה אצחאבנא ותסלהם אנפאדהא אלי

  23. מא קבלנא הנא ואלצרתין אלתין פי דאכל אלצרה תתפצל תשתרי בהא עדלין כתאן תכתב

  24. עלי אלואחד אסמעיל בן כלוף בן רביע ואלתאני אסחק בן נחום נע ואן קדרת [עלי] עלי

  25. שרי עקיק תכון צרר אוסאט פתשתרי מא קדרת עליה ביננא לאנה קליל ענדנא ואקל מן הדא

  26. למולאי כפאיה וקד בעת לך בקיה אללולו אתחצל תמן אלגמיע עלי ו דנאניר ורבע ותמן

  27. גואז מצר ואזנה תקבץ מא תבקא לך תכתץ מני אפצל אלסלם וכל מן תשמלה ענאיתך

  28. אלסלם ומולאי אבי זכריא יהודה אלסלם ואנא מעול אול אלזמאן //עלי// אלצפר אלי אלאסכנדריה

  29. לנגתמע ברויתה לנגדד בהא עהדא ומא כאנת לך מן חאגה תכתב אלי בהא לנאתי פיהא

  30. סארה ומסרורה וקד כתבת אלי מולאי אבי יצחק אברהים בן פראח אדאם אללה עזה ותאידה

  31. וסאלתה קבץ אלגמיע ויכאתבך בדלך פלא תגפל יאמולאי מן מכאתבתה ומא תראה

  32. פי ביע מא אנפדתה ואנא אסלך מולאי תכתב אלי תערפני אכבאר אלעדלין

recto - right margin

  1. אלדי לי

  2. ואמא אל[עדל]

  3. אלדי לאבי עמר[אן](?)

  4. וצל פאסאל אללה

  5. אן יעינני עליה בק[צא]

  6. בעץ חקך

  7. לאן מא נק[דר]

  8. עלי מכאפאתך

  9. ואנא אסאלך

  10. פי שרי

  11. מעגר אביץ

  12. מן ג דנאני[ר]

  13. אלי ג דנאניר

  14. ונצ וזוגין

  15. חצר ואחדה

  16. פרש ואל

  17. אכרי

  18. תאניה להא

  19. לא עדמתך

  20. ולא כלות

  21. ושלומך

  22. יגדל ואל ידל

  23. ואנא ואדך

  24. יהודה ח[זן]

  25. אלציעארי

  26. נכץ חצרה סידי

  27. אלסלאם וכדלך

  28. רבנ מ[בורך]

  29. בן מר סעדיה נע

  30. אלפי שלום

  31. וסאדאתנא אל

  32. מגארבה

  33. באגמע אלסלאם

T-S 13J25.8 1v

1v

verso - bottom margin - address

  1. לסידי ומולאי אלשיך אבי יחיי נהראי בן נסים נע מן שאכרה יעקב בן נחום נע בן חכמון

  2. אדאם אללה עזה ותאיידה ובקאה      אללה וליה מצר אן שא אללה

  3. יהודה החזן בן] שמואל נע [ ]

verso - address

  1. لسيدي ومولاي الشيخ ابي يحيى نهوراي (!) بن نسيم من شاكره يعقوب بن ناحوم بن حكمون

  2. اطال الله بقاه وادام عزه وعلاه ونعماه و[                ]

Image Permissions Statement
  • T-S 13J25.8: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.
Cambridge University Library, Taylor-Schechter, T-S 13J25.8. Available online through the Princeton Geniza Project at https://geniza.princeton.edu/documents/5900/, accessed January 2, 2025.
https://geniza.princeton.edu/documents/5900/