Letter: Bodl. MS heb. d 66/60

Letter Bodl. MS heb. d 66/60

Tags

Input date

In PGP since 1987

Description

Letter from Yosef b. Yeshuʿa, in Tripoli (Syria), to Nahray b. Nissim. The letter mentions Nahray's pilgrimage to Jerusalem and shipments of emblic myrobalan and frankincense. A certain old woman has gone blind in one eye, and the other eye is in danger, so Yosef asks Nahray to send him tutty (zinc oxide) or whatever else might be beneficial.

Bodl. MS heb. d 66/60 60 recto

60 recto

Transcription

Moshe Gil, Palestine During the First Muslim Period (634–1099)‎ (in Hebrew) (Tel Aviv: Tel Aviv University, 1983), vol. 3.
  1. כתאבי יאשיכי וסידי ומולאי אטאל אללה בקאך ואדאם עזך ותאידך ונ[עמאך]
  2. וסעאדתך וסלאמתך מן אלמסתקר ען סלאמה פי אלנפס לא עדמתהא
  3. בבקאך תקדמת כתבי אלי מולאי עדה נהניה במא תפצל אללה מ[גיה]
  4. סלאמתה מן אלקדס אלמבארכ אתקבל אללה מנה דעאה וגעל מציה כפ[רה]
  5. וסליחה ולא כייב דעאה וערפתה שכרי ודעאיי לה במא תפצל עלי[ה]
  6. בה מן אלגמיל קדים וחדית ומא קבצתה מן סידי אבי אלפרג מרדוך
  7. והי ה אדננ ונצף אלדי תפצל בהא מולאי אלשיך אלגליל אחיאה אללה וא[חיא]
  8. ולדה ולא עדמת תפצלה ואסתגאב מני פיה נפי ולדה צאלח אלדעא
  9. לאנהא מא וצלת אליי אלא ואנא תחת ציקה והי מן אללה ומנה ומן מ[חבה]
  10. אלגמיל לא עדמתך ותקבל מני פיך צאלח אלדעא וארפתך באני עול[ת]
  11. אן וצלת כתבי אליך אלי וצול יצחק בכתאבך תדכר תעריפך פעלמ[ת]
  12. אן מא וצל אליך לא כתאב ולא כבר וכדי כתבת כתב כתירה למ[ולאי]
  13. אלשיך אלגליל פמא עלמת אן כאן וצלת ומצית בכתאבך אלי סידי [אבי]
  14. יצחק אברהים בן אלאסכנדראני עלי אני נאכד אלדי ענדה מודע מ[ן]

Right Margin

  1. אלשיך אלגליל מן אלעין
  2. ואלורק //ונסלמה ליצחק// פקאל אן חסון בן אלק[
  3. דפע אליי צרה ורק וצרה וא[מרנא]
  4. אן לא נדפעהא לאחד אלא בכתאבה
  5. וכדי אלשיך אבי הרון דפע אליי צרה
  6. עין וקאל לי לא תסלמהא אלא בכתאב
  7. מולאי אלשיך אלגליל ומא נדפעהא
  8. אלא בכתאב מולאי אלשיך [אלגליל]
  9. או בכתאב חמוד[ו]
  10. כמא א[מרנא]

Top Margin

  1. ואן גא כתאב מולאי
  2. אלשיך אלגליל אליה ואמרני
  3. באלטלוע בהא פאנא אפעל
  4. ומא געלני לם נאכדהא
  5. מן אלאול לאנהא סלמת אליי
  6. אלא לא נכון מתעדי פנלאם
  7. עלי דלך ולא ינסב אני
  8. אעדית עלי מא לם
  9. [א]ומר בה ואנא
  10. אסאל

Translation

Bodl. MS heb. d 66/60 60 verso

60 verso

Verso

  1. מולאי אן ידכר בי ענד מ><לאי אלשיך אלגליל ויערפה דעאי לה ולולדה ושכרי וקד כאן חרסה
  2. אללה אדא וצל אליי כתאבה נתגמל ביה ענד אלכאץ ואלעאם וננתפע בה אכתר מן אלדינ ואלדרהם
  3. וחצלת מסתנחש לכתבה לאני יסאלוני אלנאס פלא נערף מא נגיבהם פאן ראי מולאי אן ידכ[רני]
  4. בכתאב פאללה ידכר לה זכות אלאבא ומא יעמלה מע ישראל מן אלחסדים לא ינסאה אל[לה]
  5. ומא יעמלה מעי לאני עבדה וצניעתה ואלעגוז עבדתה הי באלחאל אלדי יערף וקד דהבת מנה[א]
  6. אלעין אלואחדה והי צרירה ואלאכרי פי שדה פאן קדר לי מולאי עלי תותיה או עלי שי פמא י[נסא]
  7. אללה גמילה דכרא לם יזל ווצל אליי מע יצחק סבע עשר הלילגה ואנא ענד וצולה נסלם תמנה[א]
  8. פלא עדמת אהתמאמה וינפד אליי ויציף אלי מא ענדי בקירט דהב צבר אסקטרי יכ[ון]
  9. גייד וישרפני בכתאבה וכברה אטאבה אללה וכץ נפסך אלסלאם ועלי סידי אבי יצחק ברה[ון]
  10. אלסלאם ועלי סידי אבי אלפצל עיאש אלסלאם ותערף סידי אבי יצחק ברהון אן אלעגוז תופית אל[ ]
  11. ואן אלצביה ענד מרה עמהא ואן אלתי להא מצאן אלי ענד וצולה והי מא תקצר מעה[א]
  12. וקד חצלת אלצביה מצאנה פי כל נעמה אכיר ממא כאנת פי איאם אבוהא ואנא
  13. נסאלך אן תשרפני בכתאב מן ענדך ונסין תלמידך יקרא עליך אפצל אלסלאם ועלי מ[ן]
  14. תחוטה ענאיתך אלסלאם וכדי אבי אלפרג ישועה בן יוסף יקרא עליך אלסלאם

Below, Upside-Down

  1. [ל]שיכי וסידי ומולאי אבי יחיי נהראי בן נסים מן שאכר תפצלה ואיאדיה יוסף בן ישועה נע אלאטראבלסי
  2. אטאל אללה בקאה ואדאם עזה ותאידה
Image Permissions Statement