Letter: Moss. VII,177

recto

1. כתאבי אטאל אללה בקא מולאי אלחבר הגדול גדול הישיבה ואדאם עזה ותאידה ונעמאה

2. מן אלאסכנדריה לט כלון מן מרחשון ערפה אללה ברכתה וסעאדה מא יליה ברחמתה

3. בעד וצול כתאבה ידכר סלאמתה אדאמהא אללה ברחמתה תם דכר אמר אלתיאב

4. אלמוקופה ענד בהא קד תקדם כתאבי אליה באכבארהא ארגו אנה //פעל// ומא דכרה

5. עלם מא וצל אליה פמא ענדי עלם פימא אעתדי לה ומא נשך אן עלם דלך [ענ]ד בן עמה

6. דכר חמל אלחריר אלדי לה קד אעלמתה מנה עלי חאלה פיעלמני אן //כאן// יגיה כמא הו פיכון צחבתי

7. או צחבת מן יקול או יבקיה אלי אן ינקץ ומא דכרה ממא אשתראה פמבארך ואלא אנא

8. פמא בקי לי לא ננפד ולא נרסל נשכר אללה עלי כל חאל ולקד גמני מא דכרה מן אמר כתאב

9. ברהון אלדי לם יעלם לה צאחב אסל אללה מכ[אפאתה] במא פעל מא //כפאה// עקל עלי רטל חריר ודינר

10. מן בן אלחבראוי אלא חתי זאד הדא [           ] כי היתי מאכל ומשסה ואתה דיין אמת

11. תדין ותפרע אל תחרש ואל תשקוט עליה תוכלת ובה אסתעין והו אלמגית ואלמעין לא קוה

12. ולא חילה אהבי יהפכו אויבי ומשנאי נשאו ראש אולי יראה אל וידרוש ואמא מא אנפדתה

13. אנא פהו קפה ניל יגי עלי בקריב אלמ דינ אלקנט אוביע בס יזול עמאלתין ואלמוון עדל כתאן גא עלי

14. ממחוד בז דנא אוביע בח דנא ואשתרית באלח מא יסוי ה אלשכר ללה ואעטמהא אשת[רית] לי כ גרה

15. צאבון גמיע מא וצל אלי סתה וואחד [         ]אף מכסור בקי פיה ק<ד>ר ה ארטאל צאבון הדה אלתגארה

16. אלדי חסדנא עליהא ווזנת קקלה דינ ומא נשך גאלטוני בה הדא אלחאל אלדי אנא פיה ואעטם מא עלי קלבי

17. אמר בן אכי נע אנפד אליה נד רטל סן לבאן וקטעתין צבר וזנהם נאיף וע רטל אתא אללה בחכמה פיהם

18. ואמא דכרת הדא לאן לי פיה ראחה כק אדברה וירוח לי וג כצצתה באתם אלסלם וסידי אבו אלפרג נסים

recto - right margin

1. אחיאה אללה

2. אתם אלסלם

3. וגמיע מן

4. תשמלה אל

5. ענאיה אלסלם

6. ומולאי רבינו

7. הרב הגדול רוב

8. שלום וסידי

9. אלדיין ר אברהם

10. אלסלם ומן סאל

11. עני אלסלם

12. וחסבי תקתי

13. באללה וחדה

14. ועליה

15. תוכלת

verso

1. מולאי אלחבר גדול הישיבה רבנו נהוראי [בן נסים נע]       [שאכרה] יש[ו]עה בן אסמעיל נע

2. אטאל אללה בקאה ואדאם עזה ותא[יידה]