Letter: Moss. V,330

Letter Moss. V,330

Tags

Input date

In PGP since 2017

Description

Letter from Zakarya b. Yaʿaqov al-Shama (Tripoli, Libya) to Nahray b. Nissim (Fustat), ca. 1050. The letter discusses the movement of goods from Tripoli to Fustat and vice versa, as well as the state of the market and prices in Tripoli and in the region of Ifriqiya. (Information from Gil, Kingdom, Vol. 4, p. 206.)

Moss. V,330 recto

recto

Transcription

Moshe Gil, In the Kingdom of Ishmael‎ (in Hebrew) (Tel Aviv: Tel Aviv University, 1997), vol. 4.

recto

  1. כתאבי אטאל אללה בקא מולאי ואדאם עזה ותאיידה וסלאמתה ונעמאה מן אלמסתקר לי כלון מן ניסאן ואלחאל סל[אמה ונעמה ואלחמד]

  2. ללה [רב] אלעאלמין וצלת כתבך ווקפת מנהא עלי מא סררת בה מן חסן חאלה וסלאמתה אדאמהא [אללה לה

  3. מא תפצל בה מע אבי אלעז בן אלקרירי לא עדמני אללה בקאה ולא אהתמאמה ושק עלי אלדי אשגל קלבהא במתל האדה לא עדמני

  4. ולא כלות מנה וקד כאן כתבי תקדמת פי אלמראכב בשרח נסתגני ען אעאדתה פי כתאבי האדה ובחמל מא אנפדתה לה ווצלת

  5. סאלמה ללה אלחמד ולם נרא מנה גואב פי דלך ארגו שגל כיר תם בעד האדה חקקת אמר [ ]

  6. מן כתב סיידי אבי אסחק ברהון ודכר אלכלטה ודכר אמר אלחומר ושרח אלאשיא פשק עלי כתיר אמר אלעדל אלדי

  7. יכץ מולאי אלדי וזנת מנה אלמאונה לעמרי תמן אלגמיע אליה יצל וקד עלם אללה עז וגל פרחי בחאגה תכון לה

  8. ובמא יכלפני בה ומא נשך אן אצחאבנא אלואצלין יערפ<ו>ה בדלך ומן כתרה חרסי פי קצא חקה [ ]

  9. אלמראכב דנאניר פבדלתהא וכנת חריץ עלי אני נחמלהא מע אבי אלעז או גירה וכרא ולם יבקא אלי משיהם פלם

  10. יופק אללה להם רחיל ובקית אלצרה לאן למא וצלת כתב סיידי אבי אסחק ועלמת צחה אלחאל קלקת אלי וצול נ דינ אליך

  11. ואללה עז וגל יעלם צחה קולי תם כתבת פי כתבך אמר אן ואהן ושק עלי כתיר וקד באע באטראבלס לולו כתיר אללה

  12. יעוץ אצחאבה כיר ואמא אנא לו אכד שיי ישהדו לי בדלך שהוד מא וצלת מעה ללחק וקד חאל אלזמאן וחאלו אלנאס

  13. ואלכאץ אלמאל אולא מן אלרבח אלבארי יעלם כיף יכון קלבי פי מא נחמלה אלי אלנאס אלי אן תצל כתבהם בוצולה

  14. סאלם ואן אלדי יכצני נזהד פיה ונתעזב בה וחאל אלנאס יבקא פי קלבי יחפר אללה יסתר עליך ויגעל לך אחרית טובה

  15. ואינא וכל ישר וקד כתבת אליך כתב עדה [     ] להא תסבק כתבך במא תחמלה לך ולי אלנאס ויכון עלם דלך ענדי

  16. פמא דכל מנהא אטראבלס סלפה ווצלו אלי אלמוצע אלדי תריד אללה יגעלך פי חיז אלסלאמה ויסמעני חסן

  17. סלאמתך אמין וקד אסתכרת אללה עז וגל ובעת אלעדל אלדי עליה ברהון ואסמך במנה אללה סער ט דננ ורבע

  18. אלקנט ופיה מלטוך אן כתיר ולם ננחל פיה אלי אלאן לנערפך איש אלדי צח פיה ובעת מעה פי אליום עדל באסם

  19. ישועה סער ט דננ ונצף ותמן ודפעו פי אלאכר אלדי בקי לה כלטה ברהון וישועה סער ט דננ ורבע ואנא נעמל עלי

  20. ביעה אן שא אללה לאנה כתיר אלכלק וכנת עלי אני נביע אלעדל אלבאקי לך מן כלטתך מע סיידי אבו אסחק

  21. ברהון ואלעדל כלטתך מע יהושע אתצלת בי מע האדה אלפיג אסעאר אלכתאן באסכנדריה [ ]

recto - right margin

  1. מא סמע בעדל [      ]

  2. קט מן טו דינ אלי יג

  3. אלקנט ובכאץ וצול אלמ[ראכב]

  4. ואלבלד צעיף י[          ]

  5. ובקית המי סנכתבה לסיידי

  6. אבו אסחק וארגו יצל כתאבה

  7. סרעה ואללה ילהמני למא

  8.  יכון לכם פיה אלכירה

  9.  ויחסן לכם אלעאקבה

  10. ויגמע עליכם [ ]

recto - top margin

  1. לאני אוסקת ג אעדאל\

  2. נאחיה ואלג אעדאל פי מוצע

  3. אכר פמן אללה עז וגל

  4. בוצול כתאב סיידי אבו

  5. אסחק ברהון ידכר אן

  6. אלמרכב ארסא פי

  7. גרכה אכלוה אל

  8. גרביין ווצלת אללה

  9. ארגו יופק להם

  10. האדה אלסער

Translation

Moss. V,330 verso

verso

verso

  1. [ומן הא]דה אלוגה בקית מתחייר פי מא יתעלק בך אחיך אללה אללה יופקך בפצלה ויגמע עליך ומן אסעאר אלקמח ח(?) דננ אלקפיז אלשעיר

  2. דינרין אלקפיז אלזית מטר ו> דינ אלכתאן מן י דננ אלי ח דננ אללאך מן כ דינ אלי טו אלקנט אלזרע ח דננ אלויבה אלפלפל מ דינ אלקנט

  3. אלבקם מן כ דינ אלקנט אלי טו רינ אללולו מרבוח [ל]אנה ג דננ אלק אלעקיק אלגיד אלמסתחק מרבוח אלכרז אלנצריה מרבוחה אלפצה

  4. מן יב דנא אלי י מתכלף אלחריר ג דננ ורבע אלרטל וסער אפריקיה אלקמח דינרין אלקפיז ואלשעיר [     ] אלקפיז אלזית מן מ [ ]

  5. אלכתאן מן יג דינ אלקנט אלי י דננ אעלמתך דלך תם טרק כמס וארגו כתבך מני פי אלמרכב במא תאמר בה ובחאגתך ובספאתיג [ ]

  6. קראת עליך אתם אלסלם ואטיבה ומן תשמלה ענאיתך אלסלאם ומתפצל תבלג סלאמי לסיידי אבו אלבשר סלמאן אלאשקר ואלי סיידי אלרב

  7. ותערפהם גמיעה(!) אן אלעדלין סקט אלדי להם פי חיז אלסלאמה ומא עמלת פיהא ופי גמיע מא כאן פי אלקארב אללה יכאפיני עליה

  8. ומנה אסל אלמכאפה ומא אשך אן בן עם בן אלחזן יערפהם וסיידי אלשיך אבו אלפצל וסיידי אבו יוסף יעקוב אללה יגעל גמיעכם פי חיז אלסלאמה

  9. ומא ענדי יצל האדה אלא ואלמראכב אקלעת אללה יכתב סלאמתהא אן שא אללה פאן וצל כתאבי ומולאי אלשיך אבו אלפאצל חאצר תבלגה סלאמי

  10. ותערפה שדה שוקי אליה וכדלך סיידי אבו יוסף יעקוב ותערפה אן ולדה ]           ] פי חיז אלסלאמה אללה יגמע שמלהם [ ]

  11. ו[ ] תעמל לי בדינ כעכ גזיל יכון באלרז ותם תעמל מנה [ ] אלעוק אלכז [     ] מעגון באלהל[ ]

  12. ....

  13. [     ] לאני נגעלהא ביני ובינך ועלי האדי אלניה אשתריתה לאן כאן שראה צאלח מא אשתראו אלנאס לאנהם אשתראו [ ]

  14. אשתריתה אנא בדינרין אלקנט פאן יכון אלאמר פיה גייד פהו ביני ובינך עלי האדה כאנת אלניה וקת אלשרא ואן ועו[ז באל]לה יכון

  15. אלאמר כלאף האדה ליס לך פיה שיא פידכר מולאי סערה עלי כל חאל וכדלך סער אלמצטכה פענדנא מנהא כתיר

verso - right margin

  1. [ ] מולאי סער אלמצטכה וסערהא ... ענדי מנה כתיר [ ]

verso - bottom margin - address

  1. [לסיידי ומולאי] אבי יחיה נהראי בן נסים נע שאכרה זכריא בן יעקוב נע בן זכריא ננ אלשאמה

  2. [אטאל אללה בקאה ואד]אם עזה ותאיידה   מצר אן שא אללה אלי [ ] סנין אן כתירה ואנת שש וצמחן (!)