Letter: T-S 13J17.12
Letter T-S 13J17.12What's in the PGP
- Image
- 1 Transcription
Description
Letter to the cantor Hillel b. Eli about the bad behavior of his son Abu al-Ḥasan. (Information from Goitein's index cards)
Tags
Image
Transcription
Translation
Editor: Goitein, S. D.
T-S 13J17.12 1r
S. D. Goitein, unpublished editions.
- בשמך רחמ
- וצלני כתאב חצרה מולאי אלנזר אלאגל אטאל אללה בקאהא ואדאם עזהא
- וכבת עדוהא והו ישרח לי מא הו עליה מן אלהם וציק אלצדר וחמל אלהם
- ממא טרא עליה מן אמור אלולדין(!) אצלחהמא אללה ודאך אנני כתבת
- כתאב צחבה מולאי אלשיך אבו אלחסן ולד אלשיך [אבו] אלכיר זל ופיה מא
- יגניני ען אעאדתה ואמא מא יגב תעלמה אן אללה קד [אמ]תחנך
- פי אבו אלחסן והו תאלף מחרוק באלנאר מתבוע מן אלסלטאן ואמא מא
- יתבעה מן אלשבועות ואלאקדאם עליהא פה[ו] אלסבב לפסאד חאלה
- לאנני אעלם אנה אדא [ . . ] כדב במא אתחקקה פקד אנכשף חאלה
- ללכביר ואלצגיר וקד שהדו עליה יהוד בכונהא ענדה לילה מקרא קדש
- ויום מקרא קדש מע אנני אערף צחה דלך תם אנה יכאברני ויחלף
- לי בשבועות חתי לו ס[ . . . . . . . . ] מנה ח . ת מעה אנה צאדק והו
- ואללה [כ]אדב והדה אמור קביחה ע[נד] אללה וענד [אלנאס] ואלנאס אגמע
- יקולון ויחלפו אן אכוה אכיר מנה . . . אן צ . . [ . . . . . ] . ה קד תבדל
- אכתר מן אכוה אכוה אליום ליכפאה אללה אמר אלפרוה וצאחבהא
- לקד כאן קד אנצלח תם אנה גבאר יריד יצפע אלנאס ויסמעהם אלקביח
- ויכרג פיהם אלעיוב תם אלכדב למא וצל מן בעץ טריק מצר חלף
- לכל מן יסאלה אנה וצל מן מצר בשבועות ואן פי דאך אליום כרג מן
- מצר פוצל מן כדבה ותחרך עליה גמיע אלעונות אלתי הו מפתעלהא
- פלמא צח לליהוד גמיע מא הו צליה קאלו לי מא תם . . . . אלא ואנת
- תעלם בגמיע מא יפעלה ואנא א[סכ]ת כל אחד ומא אבאלי במא
- ית[ס]למו בה חתי וצל מן טריק מצר וקד וקע באלכתאב פצאר יעיד
- עליי אלנאס ויקרשהם ויקול להם מא ישנעני באלקביח אלא אלחזאן
- ויקים עליי סוק אל . . . . . . . . . . . . ותל דלך וקע . אללה ולא
- . . . . . . . . . . . . . . . . . . . . . . . . . . . . . . . . . . . . . . . . מנה
Recto - right margin
- עלי [
- כאיף לילא ילז[
- פיבקא עליה חסאב פיה [
- וקד אפתרקת מנה מן אלבית
- מא בקי ביני ובינה מעאמלה
- וקד . . . עליי באלכלאם ואחתמלת
- לה דלך לאנה מולאי אבן מולאי
- ואן כתב צד דלך פהו כאדב
- ] . ל לב[. . ]אלתוריה
Recto - top margin
- מא פי ידי חיל[ה
- אמא חאל א[
- פעל שי הדא אלרגל [
- מצי ומא לה ואללה ענד[
- ולא מנדיל אלתוב אכדה אל[
- אבו אלפרג אלגזי תסלמה מנה
- ואבאעה ביא דר ווזנת א[יצא] ד
- דר חתי תכלצנא מן אלרגל
- וכתאבי על יד אלשיך אבו אלחסן
- ישרח לך חאלה ווצל אלמעותד
- יטלב תקדמה אלבלד ובעץ
- אלג[מא]עה אלשיוך נאאיין
- ען אלכניסה ואנא לי פי
- אלאסבוע י דר ידפעוהא
- לי והו יריד נצפהא ומא
- יקום בי
T-S 13J17.12 1v
Verso - address
- يصـ]ـل الى الشيخ هليل بن عالي
- . . . . . . . . . . . .
- . . . . . . . . . . . .
