Letter: T-S 13J13.9
Letter T-S 13J13.9What's in the PGP
- Image
- 1 Transcription
Description
Letter from Sedaqa b. Yiṣḥaq to Binyamin b. Yaʿaqov. In Judaeo-Arabic. Mainly concerning small business transactions. Mentions people including Abū Saʿīd Khalīfa; Abū l-Ḥasan b. Ḥātim; Abū Yaʿqūb Yosef ha-Levi. Mentions goods including parchment, rosewater, aromatic wood, musk, and barberries. Greetings to Abū l-Munā and his brother, and to Abū l-Faraj Hiba and his son Abū l-Majd. (Information in part from Goitein's index cards.) EMS
Image
Transcription
Translation
Editor: Goitein, S. D.
T-S 13J13.9 1r
S. D. Goitein, unpublished editions.
- בש רח
- קד עלם אלכאלק שדה שוקי אלי אכי ומולאי מרנא ורבנא
- בנימין הזקן הנדיב העושה חסדים ישמרו קדוש [ישר]אל
- ואלדי תריד עלמה אנני קד כונת וגהת אלשיך אבי סעיד
- כליפה ידפע לך אלאתנין ותלאתין דרהם אלדי לך ענדי
- וקאל לי אנה דפע לך שי ווצית עליהא אבו אלחסן
- בן חאתם ומא אעלם אנה דפעהא לך אולא ותתפצל
- תשד לי הדה אלנסכה אלמרסולה מע אלשיך אבו יעקוב
- יוסף הלוי ולא תסאויהא בגמיע אלנסך ותאכד מנה
- צרפהא עלי אלד [ . . . ] ל[ . . . ]ת ותגדיני פיהא עלי
- עואידך ואנא אעלם אנך תצוגהא לי קראטיס
- דהב ואלחאגה אלדי לא תכון ענדך תאכדהא לי
- בגאהך מן ברא ותכתב לי כתאב בתמנהא
- ותעמלה פי אלנסכה ותאכד אלי אלמאורד
- מן ענד הבה ואלדרירה מן יוסף במא רסמה
- יביעהא לי ואיש מא כאן פי חואיגי גאלי אדפע
- לי מנה אליסיר ולא תחוגני לשי ואלרקוק תצלחהא
- לי ותשתריהא עלי באב אלדכאן ולולי אלנסכה מן
- מא שדתהא מע רסול ומא אחתאג אוציך בצאחבהא
- פהי אול טריקה ואלעוד סן כמא עודתני תשתריה
Recto - right margin
- לי ואלמסך
- טייב פי זנאביר
- כתיר ומא אחתאג
- אוציך כץ נפסך
- באתם אלסלאם ואלשיך
- אבו אלמנא ואכיה אלסלאם
- ואלשיך אבו אלפרג הבה
- וולדה אבי אלמגד
- אלסלאם ואלתואב
- מא יגי אלא
- במשקה טול
- עלי ואלסלאם
- ותמן דינאר עצארה
- ברבאריסללצגיר
T-S 13J13.9 1v
Verso - address
- חצרה מ ור בנימין הזקן הנדיב
- ביר מ יעקב הזקן נע
- שאכר תפצלה
- צדקה בן אסחק
