Letter: T-S 12.299
Letter T-S 12.299Tags
Description
Letter dated 25 Tishrei 1212 (4973) from Yehuda b. al-Ammani, a cantor, schoolmaster, and clerk in Alexandria, to Abu l-Majd Meir b. Yakhin, a senior colleague in Fustat. Recapitulating previous communication between the two (cf. T-S 13J21.25 written four years earlier), Yehuda notes with frustration that the addressee asked him to send dirges for the deceased, and so he sent him about thirty, and the addressee had replied that he had them all with the exception of two or three. Yehuda advises the addressee to advise him of the first lines of the poems so that there would not be unnecessary duplication (Med Soc V:179, 556.) Almost all of the letter deals with this topic and with the vicissitudes of mail delivery, since many letters both from Yehuda and from Abu l-Majd's brother Abu l-Najm Hilal were either delayed or never arrived at all. Starting on line 16 of verso, Yehuda writes, "On the night that I wrote this letter, seven great and learned rabbis arrived, and behind them 100 people—men, women, and children—asking for bread. This is apart from the 41(?) beggars we already have in the city [Alexandria], and most of the congregation has been exhausted by poverty." Along with other family news, Yehuda writes, "Your brother Sa'id quarreled with his wife and traveled, and no one knows where he traveled. A roof fell on his wife, but she was saved from death." EMS. ASE.
Edition: Goitein, S. D.
Translation:
T-S 12.299 1r
Transcription
S. D. Goitein, Palestinian Jewry in Early Islamic and Crusader Times (in Hebrew) (Jerusalem: Yad Izhak Ben Zvi Publications, 1980).(recto)
- החזן השר הנכבד פ[אר החזנ]ים ועוזם ירום הודו ויגדל כבודו מעלה
- מעלה אדאם אללה עזה ונעמאה ומן חסן אלתופיק לא אכלאה גמע
- אללה ביננא עלי אסר חאל במנה וגודה וכפי לטפה אן שא אללה תעאלי
- ואלדי תריד עלמה אן וצל כתאב לאכוך אלשיך הלאל ואנת תעתב עליה
- מן גהת קלת אלכתב //ודין ישראל יתעב כתיר וננפדו יא מולאי ומא יצל לך שי//\ ואיצא אני וקפת עליה ופיה מן כוני אני מא
- נפדת לך אלסליחות אלדי טלבתהם וחיאת תפצלך ודין ישראל מא וצלני
- כתאבך //אלאולאני// חתי כתבת לך ג׳ סליחות גיאד ועגבוני פי דרג ועמלתהם
- פי טי כתאבי אליך פיהם סטר ומאיה ואכתר ומא כתבתהם אלא עלי
- מכטא ומציב אן כאנו ענדך אולא ומא ימנעני אן נכתב לך שי
- מבהם אלא הדא אלחסאב לאני כנת טלבת מני קינות ללמתים פטלבח
- אן נכתב לך שי כתיר פכתבת לך מקדאר ל׳ קינה //...// פאנפדת וקלת
- לי אלגמיע ענדי מא כלא אתנין תלתה וקד גרי מני שבועה חמורה
- ודין ישראל אנני ליס נכתב לך שי אלא אן אעלמתני ב[או]לה לאני
- נתעב ונכתבה ורבמא אן יכון ענדך פמהמא אשתהי אלמולא מן
- חאגה אן כאנת לא מן אקאויל ולא מן סליחות ותערפני אולהם
- ודין ישראל לו אני נבחת בוגהי אלארץ למא נברח לך חתי נקציהא
- מתל אלפתוי מתאע אלרייס רבינו משה זצל פי קצייה נביד אלקראיין
(margin)
- ודין ישראל
- אן למא
- אתרדדת עליהא
- קריב אלכמסין
- דפעה אלי אן
- אכדתהא מן עמי
- אנפדת לך
- אלסליחות מע
- שכץ ואסמה
- שמואל
- בגדאדי כהן
- והו רגל אסמר
- רקיק אלדי כנת
- נפדת לי מן
- גהתה כתאב מעה
- טי אלוצייה עליה [מן?]
Translation
T-S 12.299 1v
verso
- אלשיך אבו אלחסן אלמלמד ללדיאן כתאב מן גהתה באלוצייה בה והו
- יקול לה אנה יחפט אלתרגום ועז עליא כתיר ליס קליל אלדי מא וצלו
- אליך עלי ראש השנה לאני ארסלתהם אליך קבל ראש השנה בעש[רין
- יום ואכתר ובאללה מא כתבת אלכתאב אלא בעיניא ובצעובה [עטימה
- בין אלצגאר אלבעץ ואלבאקי באלליל ואנא תעבאן ענד [הדא] כלה מן אל
- אסתעגאל וקלת לעל יצלו אליך פי אלוקת אלחאגה גמלה ואלאמר מא
- אפלח קט גנס מן הדה אלגנוס לו כנת דפעתהם ללשיך אבו אלרביע סלימאן
- בן אלבסתנבאני כאן ינפדהם אליך כאנו וצלו פי וקת אלחאגה אנא עלמת מן חין
- קאל לי אנא נרוח אלמחלה נקעד פיהא יומין תלתה ונטלע אלי מצר מא נקעד
- אלבתה קלת לה איאך תגיב ענה וקת אלחאגה מא ינפע תעבי ולא תעבך
- שי ומא אכשאני אנה מא יטלע מצר אלבתה אלא יטלע אלי אלקאהרה
- יגבי מנהא ויגבי אלאריאף וירוח מן ברא ברא אלי בלדיה [ואלי] אלשאם
- פאתפצל אתרקבה וכד מנה אלכתאב פהו פי טייה אלסליחות אלמדרגה
- והו דרג צגיר וכאן קלבי משתגל עלי כתאב אן יצלני מן ענדך מן גהתכם(?)
- חתי וצל לאכוך //כתאב// ומא פיה אן וצל לך שי פצעב עליי דלך כתיר ולילה אן כתבת
- לך יא מולאי הדה אלאחרף וצל אלינא סבעה מן אלרבנים אלעלמא אלכבאר
- ופי תבעהם ק׳ נסמה רגאל ונסא ואטפאל יטלבו אכל אלכבז מן גיר צעלוך
(right margin)
- ענדנא פי
- אלבלד נסמה
- וארבעין וקד
- תלף אכתר
- אלקהל מן קלה
- אלמעאיש והדה
- אלכלף אלעטימה
- אלדי תלחקהם
- [נ]בצר איש יכפאהם
- וואלדתך פי עאפיה
- ווצל להא אלה׳
- דרא׳ אללה
- יגעלך מנפצל
- אבדא ואכוך
- סעיד אתכאצם
- הו וזוגתה וסאפר
- ומא ערפו אין
- סאפר ווקע עלי
- זוגתה סקף וסלמת
- מן אלמות
(upper margin)
- ואתכלצת
- וגמיע
- אהלך [פי]
- עאפיה
- ושלומך
- יגדל ואל
- ידל
- כה תשרי קעג ליצ׳
