رسالة: T-S 13J26.11

رسالة T-S 13J26.11

بيانات التعريف

علامة الرف
T-S 13J26.11
المحررون
S. D. Goitein and Mordechai Akiva Friedman, India Book 4: Ḥalfon the Traveling Merchant Scholar‎ (in Hebrew) (2013), vol. 4.
اللغة الأساسية
Judaeo-Arabic

العلامات

Additional metadata

Historical shelfmarks
TS Box 13 J 26, f. 11; TS 13 J 26, f. 11; TS 13 J 26, fol. 11; TS Box 13 J 26, fol. 11
تاريخ الإدخال
In PGP since 2017

الوصف

Letter from a certain Yaʿaqov, probably in Lucena, to Ḥalfon b. Netanʾel ha-Levi, in Cordoba. Yaʿaqov, who is otherwise unknown, writes regarding a dispute with Ḥalfon over the sources of a halakhic ruling, whether one should refer back to the talmud directly or to the geʾonim. Also includes ad hominem attacks. Yaʿaqov sought to bring the dispute to arbitration before Ibn Migash and Yehonatan Ben Ghiyat. Faded and difficult to decipher, in addition the usual problems of vagueness on matters well-known to both sender and recipient. (Information from Friedman and Goitein, Ḥalfon [India Book vol. 4]) IB ח46 (ד44).

T-S 13J26.11 1r

1r

النصوص المفرّغة

S. D. Goitein and Mordechai Akiva Friedman, India Book 4: Ḥalfon the Traveling Merchant Scholar‎ (in Hebrew) (Jerusalem: Ben Zvi Institute, 2013), vol. 4.
  1. יא מולאי אלאגל וסידי אלאפ̇צל אדאם אללה עזך ורפעתך קד ורדתני
  2. כתבך אלסארה אלמבה̇גה מן קרטבה ווקפת עלי מא ̇צמנתה פיהא
  3. ומא אכדת פי תביינה עלי מא ̇גהלתה מן אמור אלמולי וטולת
  4. פיהא פקד כאן מן אלוא̇גב אן נביין עליך אני גיר ̇גאהל במא אשרת
  5. אליה וכאן נתבّת פיך מא קאלה אלתלמוד הרי זה בא ללמד ונמצא
  6. לַמֵד ואנת אעזך אללה כפי ענך אלאצל ואכדת תסת̇צהר עלינא
  7. במא קאלוה אלגאונים ולו פהמת אלאצל וערפת מכאנה פי אל
  8. תלמוד ווקפת עליה ואלתפתה ליס כאן תקע פי שי ממא וקעת
  9. פיה לאן אלגאונים לם יקולוא דלך אלא עלי אצול אן אצّלהא אל
  10. תלמוד ואסתגנאו הם ען שרחהא לכונהא ביינה פלמא כפי ענך
  11. אלאצל ודלך פי א̇כר מציעא ובע̇צה פי גיטין אסת̇צהרת עלינא
  12. בתטול כלאם פארג לא מעני לה ולא אצל בל שוّשת אלכלאם
  13. וקד כנת כתבת לך כתאב והו גואב אלכתאב אלאול וביינת
  14. לך פיה אנך גיר ברי מדין אדם ודין שמים וערפתך פיה אן לם
  15. יכן מקצדי פי מא כתבתה לך פי ק̇ציה ̇ר נתן שי ממא
  16. ̇צנתה עלי אלא לפנ̇י̇ם מ̇ש̇ורת ̇ה̇דין ושח אן יקע פי גאנבך
  17. מא קד וקע פי שי לא קימה לה פ̇טנת אנת בי ̇טן פאסד
  18. ואכדת תנא̇צרני וכנת עלי אני אנפדה אליך חתי ורד
  19. עלי אלכתאב אלתאני אלדי כתבתה לילה ספרך וקלת
  20. לי פיה חבّרת לך הדה אלפואיד לתכן פי ידך עדה
  21. ת̇גדהא לידך יאסרה מתי אחת̇גתהא ועלם אללה
  22. אן הדא אלכלאם מא ̇טנת קט עליך אנך ת̇צן עלי נפסך
  23. הדא אל̇צן ולא אן נכון אנא ̇גאהל פי הדא אלמקדאר
  24. ולם יחוגנא אללה אלי קול גאונים אלא נ̇צר אלתלמוד

Right Margin

(1) וכשף אצולה אליס כאן הדא יקבח14 הדא עליך יא רייס אבי סעד אן תקול לי ארסלת לך פאידה ותערף אנת (2) אני קד15 וקפת עלי אצולהא16 פי אלתלמוד ואנת לם תקף עליהא פמא אכשית אנך תכון גיר מציב פי (3) כלאמך לכפי אלאצול ענך ולכן על כל פשעים תכסה אהבה פלמא וקפת עלי כתאבך אלתאני וראית (4) מדהבך17 פי נפסך ופינא נחן אכפית אלכתאב אלדי עולת נרסלה אליך ואסתגנינא ען מנא̇צרתך18 (5) לכוני לך פי עינך מנזלה תלמיד ואדרכנא אלשח פי כתא ̇גאנבך

Top Margin

(1) אן נִכפי כתבך (2) ולא נוקף עליהא (3) בשר ללא ינכשף19 (4) עלי ענדהא אתִםִ (5) וִאן תצל בסלאמתך (6) ותכתאר20 מן שית (7) יכון מוכיח21 אמא (8) מולאי אלרב ̇ש̇צ (9) ואמא מולאי ̇ר (10) יהונתן22 בן גיאת ̇ש̇צ (11) יקף אחדהמא (12) עליהא ויקף עלי (13) כתאב אן ארדת23 (14) ארסאלה24 אליך

الترجمة

T-S 13J26.11 1v

1v

Verso

1 חיניד תערף מא חמלתה פי גאנבי וגפותני פיה ואסת̇גהלתני ואתית

  1. פי אכר אלשי בכלאם אשג מן ה̇דיאן אלמברסמין ונפתח לך אלתלמוד
  2. ותקף עלי מא פאתך פחיניד יכן לי ענדך מן אלחק מא אפתי בה
  3. אחדהמא וכיף במא חלפת לך ואללה הו אלעאלם מא כאן גר̇צי פי דלך
  4. אלא שח פי ̇גאנבך אלדי ודין יש̇ר לו תחקק ענדך גמיע מא וקע
  5. פי דלך מן אלכשפאת ואשיא לא ימכן דכרהא לקד כאן תפדיהא
  6. בנפסך פקלת לך נרא מן אלראי אן תרסל שי ל̇מ נתן יבדל בה
  7. חאלה ולא יקע פי מא וקע גירה וגירה וגירה אכתר מן עשרה
  8. אנפס פ̇טנת בי ̇טן פאסד ואכדת תנא̇צרני ובעד הדא קד חלף
  9. ̇מ נתן בימין גלי̇ט בח̇צרה אקואם כתירה אן מא קאל לי אלא אק̇צי
  10. חא̇גתי ואנחאל עליה לאן קאל קלת לה קד חצל לי ענדה שי ונריד
  11. נ̇גרה מנה פי נפקהִ ונריד אן תעטיני הדא אלשי נבדל בה חאלי ונכתסי
  12. בה פאד ר̇צי בהדא קאל אנא אגנא נפס מנה במא עטאה אללה
  13. והדא הו תשביה מע כל מן ̇ גלטִ פקאל פלאן קד ̇גא̇ג עלי אלנאס
  14. כלהם ואעטי למסתחק וגיר מסתחק ואנא אלמנחוס לם יעטני
  15. מתעי ושי כתיר והו מע̇דור ואן קדר אללה באלאגתמאע פיתביין לך
  16. אלשי אלדי או̇גב לי אן נכאתבך פי דלך ושלומך אדוני ויקירי יגדל ולעד
  17. לא יחדל

The Same Direction

  1. [באותו כיוון]

    1. החכם המופלא השר המעולה ̇ר חלפון הלוי שומר בריתו הנכסף
    2. בר כבוד החכם והנבון ̇ר נתנאל ̇זל למראיתו יעקב
بيان أذونات الصورة
  • T-S 13J26.11: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.
https://geniza.princeton.edu/documents/9088/