ثيقة شرعيّة: PER H 160

ثيقة شرعيّة PER H 160

بيانات التعريف

علامة الرف
PER H 160

What's in the PGP

  • 1 Transcription

الوصف

Court record in the hand of Ghalib ha-Kohen b. Moshe, August 1, 1038. In the court of the Jerusalem community in Fustat. Community members spread rumors about Elazar ha-Melamed b. Shemuʾel b. al-Maghribi, that he cursed Shelomo b. Yehuda ha-Gaon. But these members did not say it in public, in front of the court. Elazar ha-Melamed delayed the Torah reading in the synagogue to dispel the rumor. (Information from Gil, Palestine, vol. 2 p. 607-610, #331). VMR

Related People

Scribe
Ghālib b. Moshe ha-Kohen

العلامات

Additional metadata

Collection
Department of Papyri, Austrian National Library, Papyrussamlung Erzherzog Rainer (PER)
تاريخ الإدخال
In PGP since 1986
صورة
النصوص المفرّغة
الترجمة

Moshe Gil, Palestine During the First Muslim Period (634–1099)‎ (in Hebrew) (Tel Aviv: Tel Aviv University, 1983), vol. 2.
  1. יקול מן כתב כטה פי הדא אלמחצר אן כנא מגתמעין פי שבת שמעו פי כניס[ת] אלשאמיין ללצל[אה]
  2. פלמא כאן פי וקת כרוג אלספר פוקף אלעזר [ה]מלמד בר שמואל בן אלמגרבי ואסתגאת בחצרה אלקהל
  3. ובחצרה בית דין כבוד גד קד מר ור א[פרים החב]ר בסנ גד וקאל והו פוק אלאנבול יא מעאשר ישראל
  4. אני קד גהרת באמור קביחה ואוקיל עני אמור מא יתסע לאדם בעולם אן ילפט בהא ודלך אן אוקיל עני
  5. אני סבת מן לא יסתחק אלסב ואעני בדלך אדננו שלמה ראש ישיבת גאון יעקב נטרוהי מן שמיא
  6. וגברוהי למזליה ואלאן יא ישראל פמכדוב עלי וקד אקיל עני מא ליס חלילה חלילה לי מעשות כדבר
  7. הזה אשהדו עלי יא מעאשר ישראל אן מתי מא צח עלי הדא בחצרה בית דין אלדי הו כבוד גד קדו
  8. מר ור אפרים החבר בסנ גדו אלדי הו כליפה אדננו שלמה ראש ישיבת גאון יעקב ישק דמאגי וינשר
  9. ויכרג מנה אלחק אלדי אוגבה אללה ולו חתי כאן וגב עלי אלקתל מדדת ענקי לד[לך] ולא יתסע לאחד מן
  10. אלנאס יא מעאשר ישראל אן ישהד עני אלא בחצרה בית דין בעד אן נחצר גמיעא בין ידיה
  11. ויעידוני בפני פלמא סמענא לפטה ותצוורה שכרנאה לפעלה הדא וללפט קאלה פמן וקת
  12. אסתגאת אלעזר הדא אלי וקתנא הדא לם יקדמה אחד אלי בית דין ולא שהד אחד בחצרה בית
  13. דין עליה וכדלך איצא מא סמענא אלעזר הדא תמנע מן אלחצור בחצרה בית דין בל מתצוור
  14. מסתגית אלי ישראל אן יתקצא עליה פי הדא אלאמר ואיצא קאל אלעזר הדא בחצרתנא
  15. אלעיאד באללה תמנעת מן אלחצור בחצרה בית דין אלמדכור ליתקצא עלי אי חק וג[בני]
  16. פי [ ] כאן גמיע מא אשנעת בה עליי חק צחיח כאנה קד שהד עלי שני עד[י]ם
  17. כשרים מישראל תם גא אלעזר הדא אלמדכור מסתגית פי הדא אלוקת איצא דכר אן בלגה
  18. אן קום כתבו עליה שהאדה לם תתבת עליה פי בית דין ולא קדמה אחד אלי בית דין ולא שהוד
  19. שהדו עליה פי וגהה ואן פאעל הדא אראד בדלך אן תתם עליה שבהה פכאפת נפסה מן
  20. דלך וסאלנא כתב כטוטנא לה במא עלמנאה מן אדעאנה ללחק ואנכארה מא חכי ענה
  21. פאגבנאה אלי דלך ליכן חגה לה במא תקדם מן דכרה מן אנכארה מא חכי ענה וצברה עלי אל
  22. חק ולאלא תתם עליה שבהה וחס ושלום וכתבנו וחתמנו מה שהיה לפנינו היות לראיה
  23. ולזכות לאחר היום נכתב בחדש אב בשלישי בשבת בשמנה ועשרים בו שנת
  24. אשמט לשטרות בפסטאט מצרים שעל נילוס מושבה גאלב הכהן בר משה ננ
  25. שלמה בר מבשר יעקב בר שעיב עמרם בר יפת דויד בר שלמה
  26. שלמה בר דויד סעדיה בר מבורך מבורך בר סעדיה יוסף בר ישועה
  27. יעיש הכהן הפרנס בר אברהם ננ
  28. נסכה הדה אלאחרף בלא זיאדה ולא נקצאן כתבו
  29. [אל]גמאעה כטוטהם [ ]
Department of Papyri, Austrian National Library, Papyrussamlung Erzherzog Rainer (PER), PER H 160. Available online through the Princeton Geniza Project at https://geniza.princeton.edu/documents/903/, accessed December 30, 2024.
https://geniza.princeton.edu/documents/903/