منحة في رسالة: T-S NS J361

בשרח

כתאבי אלי מולאי אלשיך אלגליל אדאם אללה סלאמתה וסעאדתה ונעמאה

וכבת באלדל אעדאה ומן אחסן אלתופיק לא אכלאה וכאן לה ומעה ולייא

ונאצרא וחאפטא מי גמיע אמורה ואלדי אעלם בה חצרת מולאי אחיאה

אללה אני כנת משגול אלקלב מן גהתך כתיר אלי אן וצל [

אן לחקך וגע ולחק בעץ אהל אלדאר ואנכם פי עאפיה סאלמין ו[

[ ] באחסאן נקול פי [ד]לך ,ברוך הטוב [והמטיב]

אנה יחס[ן עאקבתר] ולא יפגעך ולא יפגענא פיך ולא פי ולדך פנ[חב]

ען מולאי אחיאה אללה יצלני כתאבך מסרע באחואלה ואחואל אלאהל ואל[ולד]

אנמאה אללה ואש עמלת פי חאל אלכמסין דינ [

חפטה אללה לאני מועלק אלקלב לנחוך פלא תתואנא עלי בכתאבך מש[רוח]

בגמיע מא דכרה לך ואמא יאמולאי אלחואיג אלדי כנת אוציתך עליהא

פמא אשתרית מנהא תאכד המנה מן ענד אלשיך אבו אלבקא ומא לם

תשתריה אתרכה לא תתעב נפסך מא תם אאכד מן אלוגהין פי כרי ואל

מכדהין ונחב תערפנו פי כתאבך כל חאגה ותמנהא לאן כל ואחד לה

חאגה פעלת מנעמא מתפצלא לא עדמתך ולא כלות מנך קראת עליך אפצל

אלסלאם ואטיבה ואלשיך אבו מנצור אחיאה אללה אפצל אלסלאם וכל מן פי אלדאר

אלסלאם ואלשיך א[ב]ו אלבקא אלסלאם ותקול לה אן נהראי אכד כתאב אלשיך

אבו אלכיר מן אלפיג וכתאבך ואכדנא לד כתאב אברהם אבן סרור והו

צחבה כתבנא ואכדת לך יו דרה מן ענד אלזיאת ולם נחאסבה בשי ואל

שיך אבו אברהם אלסלאם ותקול לה אן יעקוב אכד כתבך מן אלפיג ומא

נחתאג נוציף עלי אלשירג לאן אלדי כאן ענדי מנה סנך ובעתה ואלשיך

אבו אלפרג אלסלאם ותקול לה וגדת לך פי וצט כתאבי כתאב ערבי וקד

אנפדתה לד צחבה סלמון ולא תנסא תנפד לי אלתותיה אלדי קלת פי כתאבך

לאן תם אליהא חאגת אן אכידה ושלומך יגדל לעד

מולאי וסידי ואפצל [ענ]די אדאם אללה סלאמתה מעתקד מחבתה עלי ביר י[כי]ן   [ ]

וסעאדתה נבע

אל[שיך אבו] אסחק אברהם כהן בר אהרון הכהן נע