رسالة: T-S K25.265

رسالة T-S K25.265

علامة الرف: T-S K25.265
المحرر: Moshe Gil, In the Kingdom of Ishmael‎ (in Hebrew) (1997), vol. 3.

Historical shelfmarks: TS K, 25, fol. 265; TS K, 25, f. 265; TS Box K, 25, fol. 265; TS Box K, 25, f. 265
تاريخ الإدخال: In PGP since 2017

الوصف

Letter from Yosef b. Musa al-Tahirti, probably from Mahdiyya, to Ya’aqov b. Nahum, Fustat. Around 1045. Regarding a very large amount of goods and deals. Mentions mainly types of silk, different fabrics, and peals. Several things in this letter are mentioned in the letter from Yeshua b. Isma’Il al-Tahirti (see T-S 12.389). (Information from Gil, Kingdom, Vol. 3, #359) VMR

Edition: Gil, Moshe

Edition: Gil, Moshe

Translation:

T-S K25.265 1r

100% تكبير و تدوير

0°

النصوص المفرّغة

Moshe Gil, In the Kingdom of Ishmael‎ (in Hebrew) (Tel Aviv: Tel Aviv University, 1997), vol. 3.

recto

ומא [
וראית אנה מ[
[ ]אן[ ]הדה אלקצה אל[ ]ה קצה הדה אלקארב אלמלעון ועזיז עלי מא פיה מן אצח[אב ]
פגאהדת קואי ומנחת נפסי אללה יגעלהא אכר אלצרות לנא ולך ולכל ישראל ולם נכון אלסנה נעול עלי א[ ]
אלדי אגתמע פי הדה אלקארב כאן צאלח גיר [ ] אן אלדי שאה אללה אפצל מן מא ארדנא ואלדפע [ ]
נחן כח רטל חריר אנדלסי מנקוץ וגיר מנקוץ לאן אשתרית לך מב מן אלקירואן מנהא יד אלנפוצאת וחצל מנהא פי רזמה [
חואל אלכח ופי הדא אלרזמה איצא כא רטל לאסין מקשר תלתיהא לך ותלתהא לסידי אבי נצר דאוד ופי אלקארב איצא פי צרה [ בן]
אלוקאף אלנצף פי ספטין זעפראן ואחד כלטה דאוד ואכר כלטה בן אלוקאף תמן אלנצפין תתקע דרה ופי נצף ה שקאק כלט[ה ]
קקג ורבע דינאר עין כה נצף יא כסא צפדי כלטה מוסי ומן אלורק אלקקנ דרה וקד כאן לנא [ ] לכאצתנא אכתר מן [ ]
וגהנאה שי וגהנאה לך ושי וגהנאה לסירי אבי נצר דאוד אכיך ענך ושי מן כלטה אבו יחיי וחק אבי לקד עצם עליי מתאעך
אכתר מן מתאעי ולכן מא פי ידי חילה פגהדת וחרצת וקדמת אול אלוקת ומא כאנו אלכסא פי חסאבך וחמלת אליך בעד דלך
כסא אסאל אללה יכתב סלאמה ויגברך פיה ויגברנא פי מרכב אבן אסכנדר תאבות זנוק פיה קנטאר ועשרין רטל [ ]
ופי אבן אסכנדר איצא ספט מרגאן אכיר וצרה לסידי אבי נצר דאוד [ואנא] רבעה לך ורבעה לכאצתנא תמנה חואל אלצ דינאר
ושדנא רזמה באסם סידי אבי נצר דאוד לך פיהא מב שקה קרוי [ ] וכסאוין דכלת פי קארב אלתרגמאן ופי רזמה
אכרה עליהא אסם מבארך שריכך יז רטל חריר מנקוץ כלטה [ ] פיהא חואל ג ארטאל לאסין אנדלסי לכאצתך
ויד רטל לאסין מקשר תלתיהא לך ותלתהא לדאוד וספט זעפראן כביר תמנה חואל קה דנניר תלתה לך ותלתה לאבן בנאיה
ותלתה לסידי אבי נצר דאוד ונטע מ[ ] לי ונטע [ ]סי וכסא [ ] לבוד טילקאן טו פרו דכלת הדה אלרזמה פי קארב בן
אלחפאט וחמלת לך פי קארב אלתרגמאן ביד יוסף בן סגמאר ספט מרגאן יגי תמנה צג דינאר וכא שקה סוסי כאם תתקכה דר
וצחבה יוסף אלרקי פי קארב אלנצראני צרה [ ] דינאר עין וצחבה בן אלדהאן מזוד זיתוני אשערי ודאכלה סב אלף לולו מרגאן
לכאצתך וצחבה עתיק בן יחיי אלצאיג מכדה חריר פיהא כ רטל מנקוץ לכאצתך הדא אלחריר ואלרזימה לסין אלדי דכרת לך
מע אללולו מן מא אכדתה לך לכאצתך אלי אן נרפע לך חסאבה וחמלת לך לכאצתך עוץ מן אלברקלו אלדי חמלת אלינא אלתלת פי
י לבוד פי רזמה דאוד אלדי פי אלתרגמאן ואלתלת פי ביעה לולו מנהא ל אלף פי ספטך אלדי פי אלתרגמאן וכ אלף פי
ספט חמלה סידי אבו זכרי לסידי אבו נצר דאוד ואלתלת פי [ ] צרה עוד ענבר צחבה זכאר אבן אלמבין פי אבן אלקים
ותלתין הדה אל[יג] חואיג נעני אלי לבוד ואלביעה לולו ואלצרה אלעוד לכאצתנא אדא מן אללה בסלאמה הדה אליג בצאיע
תנצר מא יחצנא פיהא בחק אלתלתין תציף לנא אליה תמן רבע אלספט מרגאן ותשתרי פיה מא יופקך אללה אליה מן סקט ואן קדרת
תכטף אול אלוקת עדל לאך יחצל לנא פיה סהם פהו הון משתרא יסוא ל צרף לב וקד כתבת לך תדכרה בשרח אלסק[ ]
ומא כאן מנה קליל פרגב פי<ה> לכן וכל קליל יקלב אמא ואחדר יאכי אן תוגה לי דרה פי הדה אלסנה לא תעוקה עלי נפסך [ ]
מסאפר אלול אלימין בעזרת הבורא ללאנדלס ולם וחק אבי יאכדני אלסנה ען אלצפר אלא שגלך אללה יגעל פי דלך אלכיר [ ]
דלך וגהא אלא הי שי מא יקוא עליה ולא יחסב לך פיהא אלא אן יכן שי יסיר לכאצתך וליס עליך אכתר מן נצחך ואל[ ] לך
ואדא חמלת שי תחמלה לכאלך או למן תראה ויכן אכי מעאון לך יבלג אכתר ממא יבלג אדא חמלתה אליה לאן אדא [ ]
וכלפתה וחדה אבהשתה [ ] ואנא נעמל לך חסאבך אלקדים ואלגדיד וכל מא לך ואן בקי מנה שי ליס יבקא
אלא שי יסיר באלסקט לך [ ] נחמלהא לך פי אלקאפלה וקד כנת [ ] לא נבקי לך דרה אלי אן גאזני
הדה אלקצה אהאמתני קד בעת לך אלד אעדאל אלבאקיה ואלברקלו פי הדה אלאיאם בצבר ובעת אלברקלו אלדי לדי אבן
[ ] מא אסלפתה פי מא חמלתה אליך וכדלך וחק אבי מא וצל אלי מן אלדי אביע לך בסוסה אלא אקל
מן כ דינאר וסידי אבי זכרי יכרג פי הדה אלאיאם פי אקתצאה לאנה בידה וקד אנפדת אליך פי אלקוארב לולו
[ביע]תין כמא חמלתה אליך עאם אול כאנת ואחדה פי הדא אלקארב אלמלעון ואכרה פי אכר ארגו וצלת אליך
ומן אלחסאב אלדי אליך תתבין גמיע אלאשיא ומא נסית אנא אן נדכרה הון לאן כתבת הדא ען ציק צדר
ולולא ציק צדרי לגדדת לך אלחסאב אליום ואנא ננפדה יום אלכמיס אן שא אללה ואלסלם עלי אכי וסידי ועקב שלום
וקד כנת ערפתך אן דפעת לכאלך תמן זית מע תמן צרוף בידי נ אלף דרה וכסר וכתאבה יצל אליך במא חמל אליך

الترجمة

T-S K25.265 1v