منحة في رسالة: T-S 12.402

recto

1. [ ] דפעה אלי אברהם בן אלאסכנד[ראני]

2. [ ] תכפיף עלי קלבך [ ] פאעלם אן אשגאלך כתירה ואל[ס]עה(?)

3. [אנמא] אלצרורה געלתני נתקל עליך פיה ואלעבדאני נחב תקבצה לי ותביעה לי באלקסם ואלרזק אין מא חסן

4. לך אן שא באלאסכנדריה ואן שא במצר ותשתרי לי בתמנה מן מצר מא חסן ענדך אמא פלפל או לך או

5. בקם או קרפה או ניל או נשאצר או מא תראה ותוסקה לי פי אול מרכב אן שא אללה ומא נחתאג נוכד עליך

6. אכתר מן האדא ובאללה יאכי אני מחתשם מנך כתיר ולכן אלצרוריה אוגבת האדא ויגיני כתאבך

7. מע אלפייג וארגו אנה באלקרב מנא כיף כאן וצול אלמרכב וכיף באע אלזית מ[ ] וכיף סערה ואמא אלמראכב

8. אלגאיה מא נחתאג נדכר לך וצלת אליך קוארב אלדי כאנת פי ראס תיני פי אלאול עאגל אלעכי פי ואחד

9. מנהא והו קארב אלספאטי ואתאכר בעד אלמראכב ווקע פי גרבה וקאתלה אלזנאתין וגרא עליהם יאכי

10. שי יטול שרחה ולאכן אדא כאנת אלעואקב חסנה מא יכילו אלואחד במא גרא עליה ווצל אלצבי

11. והו שאכר דאכר אללה יחסן גזאך וירבנא מכאפאתך ואלאקלאע<א>ת אלאכרי אלדי בצרת פי מניה

12. וצל בעצהא ואלבעץ אלאכרי דכלו אטראבלס ואלדי וצלת ואללה יאכי אלינא קטלו אלכתאן [ ] באל

13. [         ] ואנפקו פיהא אלכלק ואבו סעיד יאכי אכיך סלמה אללה הו ענדנא [ ] יאכי

recto - right margin

1. ואנא ואללה

2. מא פי מקדרתי [        ]

3. יום נתכוף ה איאם

4. [        ] ועלי קלבי מן האדא

5. אלנאר ואנא כל יום נרא

6. אלצבי ונגעלה ימור יעאונה

7. ובאקי אלמראכב אלדי

8. כאנת פי אלמל [     ]

verso

1. [                            ] אלינא פי אללאדקיה ואנא מא כתבת שי [ ]  לאן מא פי [ ]

2. [ ] ולא [     ] ואנא מתכל עלי אללה ועליך ולא תכליני מן כתבך בחאלך וסלאמתך ועאפיתך

3. [   ] עלי כאצת רוחך אלשריפה אפצל [ ] אלפתיאן פי עאפיה מא עדמו גיר אלנטר

4. [                                            ] וסידי אלשיך ואלדך אחיאה אללה אפצל סלאם ואנא צניעתך מוסי נקרי עליך אפצל אלסלם ותבלג //עני// סידי אלשיך

5. ואלדך אפצל אלסלם [          ] וסידי אבו אברהים [     ] וסידי [ ]