رسالة: T-S 12.248

رسالة T-S 12.248

العلامات

تاريخ الإدخال

في PGP منذ 2017

الوصف

Letter from Yoshe’a b. Natan, probably from Bahanasa, to Nahray b. Nissim, Fustat. September 29, 1051. The letter contains many details about the last phase of arranging the linen for business: the lack in paint to paint the strings and flax growers that did not deliver the goods although they already received the payment. The writer asks Nahray to contact the special Diwan who was in charge of the linen, through Yehuda b. Se’adya (that became “Nagid” later). Yoshe’a expresses his worries for his family and their needs, and asks to deliver everything to Dihn (probably his wife’s name). (Information from Gil, Kingdom, Vol. 3, #580) VMR

T-S 12.248 1r

1r

النصوص المفرّغة

Moshe Gil, In the Kingdom of Ishmael‎ (in Hebrew) (Tel Aviv: Tel Aviv University, 1997), vol. 3.

recto

  1. על שמך

  2. תקדם כתאבי אלי מולאי אלשיך אטאל אללה בקאה ואדאם עזה ונעמאה עלי יד עלי בן

  3. גלפיוה אלנותי וטיה כתאב אלי בן מנארה בתסלים י תלאליס קמח וסאלת מולאי

  4. אן יתפצל יקבצהא ויסלמהא ללצביאן פי אלדאר אד ליס ענדהם שי וארגו וצולה

  5. וחצול אלקמח ופי אמס יומי הדא והו יום אלא יום הושענא בלג אללה מולאי

  6. אמתאלה וצל יעקוב בן עקיל ולם יכן מעה כתאב מן מולאי ולא וצל מעה

  7. אלתלאליס אלפארגה ואלמכדה מע מא יעלמה מן תעלק קלבי לכתאבה פתצאעף

  8. שגל קלבי ומא עלמת כיף כאן וצול אלצבאג ואלכתאן אלדי אנפדתה צחבתה

  9. ואעלם מולאי אן אלצבאנ קד טאר פי אלריף וכתר טאלבוה ודפע לקוריל

  10. פי צבאגה כ דינ אלקנט באלמיזאן ואלארטאל ונחן נקבץ באלקוסאן ואצן

  11. אנה קד באע מנה פי אלסר מני וכל יום יגו אקואם מן אטפיח ומן

  12. דהרוט ויטלבוה וקד בקית מתחיר פלו כאן מולאי אעלמני אלחאל ואנה

  13. מטלוב כנת אכון מן דלך עלי עלם ואהתדי למא אשתריה ואלא פקד

  14. אערץ עליי מן אבסוג מא גסרת אשתריה אד הו פי עיני פי תלך

  15. אלצורה פאללה אללה יתם עלי מולאי פי ביעה תלביס פהו פי בלד

  16. אלבהנסא בעשרין דינ אלקנט באלפלפלי י אואק בדינ באלכביר אעלמתה

  17. דלך ואנא אן שא אללה אחרץ אנפד מע יעקוב פי הדה אלטריק קקנ

  18. ואעלמני יעקוב אן אלתלאליס אקאמת ענדה פי אלמרכב ג איאם ובקי קלבי

  19. מעלק מא עלמת כם צח וזנה פי אלדאר //והל צח עדדה אם לא// וקד חצל ענדי איצא קליל

  20. כתאן אנא אנפדה מתתפצל ותכתאר מן אלקפאף אלכבאר אלצחאח אלגיאד ח

  21. או אכתר וינפדהם מע עלי בן גלפיוה וקד סאלתה ינפד לי ז גרב פארגה

  22. מן אלדי פי אלדאר ה שאמיה וה מגרביה פינפדהא מע בן גלפיוה וארדב מלח

  23. פי אחד מן אלתלאליס ויכיטה ותליס ברסתון קד טלבהא וגרי פי באבהא כלאם וקאל ימר

  24. אלצבאג בלא תמן ותציע אלתליס אסל מולאי ינפדהא וינפד לי מולאי אלחואיג אלדי ענד אלצאיג פקד

  25. טאל אמרהא וקד ואללה עמי קלבי בתאכר כתאב מולאי עני אנמא אסתצי ואהתדי בכתבה

  26. ובמא אעול עליה מנהא פאדא תאכרת עני אנדקת ידי ולם אדרי מא אעמלה וינפד לי

  27. ה אתואב חלבי מן אלמתאע אלדי דכר מולאי אנה רפיע ⟦וישתרי לי תובין ערישי גירה⟧ בדינ ורבע

  28. יכתארהא מולאי ותכון תאמה אלטול ואלערץ ויעקוב בן עקיל הו יקצי חואיגנא ומא

recto - right margin

  1. יצגר פי

  2. חאגה תכון לי

  3. יתפצל [מולאי]

  4. לא [ ]

  5. ....

  6. פאן ראי מולאי

  7. ישתרי גרתין

  8. נביד ושי קדרה

  9. רבע דינ הדיה

  10. לה פהו יקצי

  11. חואיגנא ונחן

  12. ננתפע בה ואן

  13. ⟦צלח אן יגי⟧

  14. יעמ[ ]

  15. ועלי כל חאל

  16. יתוצל [ ]

  17. אלי אכראמה

  18. כיף מא ראי

  19. כנת קד

  20. אנפדת

  21. מע יעקוב

  22. מכדה פיהא

  23. ח // ורבע// ארטאל ניל

  24. בליתי ואפיה

  25. והו צבאג גיר

  26. לעלהא תסוא

  27. ג דנא

  28. בעד אן

  29. כלצת מן

  30. אלמכס

  31. יחתאט פי

  32. ביעהא

  33. ויסלם אלתמן

  34. לאבו אלברכאת

  35. מן ידה

  36. אלי יד דהן

recto - top margin

  1. וקד אסתכרת

  2. אללה גל תנאה

  3. וחמלת מע יעקוב

  4. שכארה כתאן

  5. פיהא קקנ והי

  6. מכיוטה מגלוקה

  7. מעלמה כלהא

  8. באלצבאג וכדלך

  9. חמלת מעה

  10. תליסאן פיהם

  11. קקסז דרה צחאח

  12. ופיהא אוצאף כל

  13. אלוזן נצפין חסב בקטעה

  14. והם מעדודה עלי יעקוב

  15. אלוזן קעה רטל ליתי

  16. וקד חמלת מעה

  17. קטן פלפלי קקסה רטל

  18. ומזודין זית פיהם

  19. יו אקסאט תכון

  20. נצף קלה והם מלא

  21. מטינה מכתומה

  22. ואלכאתם נקשה

  23. באלקבטי

Recto

  1. על שמך
  2. תקדם כתאבי אלי מולאי אלשיך אטאל אללה בקאה ואדאם עזה ונעמאה עלי יד עלי בן
  3. גלפיוה אלנותי וטיה כתאב אלי בן מנארה בתסלים י תלאליס קמח וסאלת מולאי
  4. אן יתפצל יקבצהא ויסלמהא ללצביאן פי אלדאר אד ליס ענדהם שי וארגו וצולה
  5. וחצול אלקמח ופי אמס יומי הדא והו יום אלא יום הושענא בלג אללה מולאי
  6. אמתאלה וצל יעקוב בן עקיל ולם יכן מעה כתאב מן מולאי ולא וצל מעה
  7. אלתלאליס אלפארגה ואלמכדה מע מא יעלמה מן תעלק קלבי לכתאבה פתצאעף
  8. שגל קלבי ומא עלמת כיף כאן וצול אלצבאג ואלכתאן אלדי אנפדתה צחבתה
  9. ואעלם מולאי אן אלצבאנ קד טאר פי אלריף וכתר טאלבוה ודפע לקוריל
  10. פי צבאגה כ דינ אלקנט באלמיזאן ואלארטאל ונחן נקבץ באלקוסאן ואצן
  11. אנה קד באע מנה פי אלסר מני וכל יום יגו אקואם מן אטפיח ומן
  12. דהרוט ויטלבוה וקד בקית מתחיר פלו כאן מולאי אעלמני אלחאל ואנה
  13. מטלוב כנת אכון מן דלך עלי עלם ואהתדי למא אשתריה ואלא פקד
  14. אערץ עליי מן אבסוג מא גסרת אשתריה אד הו פי עיני פי תלך
  15. אלצורה פאללה אללה יתם עלי מולאי פי ביעה תלביס פהו פי בלד
  16. אלבהנסא בעשרין דינ אלקנט באלפלפלי י אואק בדינ באלכביר אעלמתה
  17. דלך ואנא אן שא אללה אחרץ אנפד מע יעקוב פי הדה אלטריק קקנ
  18. ואעלמני יעקוב אן אלתלאליס אקאמת ענדה פי אלמרכב ג איאם ובקי קלבי
  19. מעלק מא עלמת כם צח וזנה פי אלדאר //והל צח עדדה אם לא// וקד חצל ענדי איצא קליל
  20. כתאן אנא אנפדה מתתפצל ותכתאר מן אלקפאף אלכבאר אלצחאח אלגיאד ח
  21. או אכתר וינפדהם מע עלי בן גלפיוה וקד סאלתה ינפד לי ז גרב פארגה
  22. מן אלדי פי אלדאר ה שאמיה וה מגרביה פינפדהא מע בן גלפיוה וארדב מלח
  23. פי אחד מן אלתלאליס ויכיטה ותליס ברסתון קד טלבהא וגרי פי באבהא כלאם וקאל ימר
  24. אלצבאג בלא תמן ותציע אלתליס אסל מולאי ינפדהא וינפד לי מולאי אלחואיג אלדי ענד אלצאיג פקד
  25. טאל אמרהא וקד ואללה עמי קלבי בתאכר כתאב מולאי עני אנמא אסתצי ואהתדי בכתבה
  26. ובמא אעול עליה מנהא פאדא תאכרת עני אנדקת ידי ולם אדרי מא אעמלה וינפד לי
  27. ה אתואב חלבי מן אלמתאע אלדי דכר מולאי אנה רפיע ⟦וישתרי לי תובין ערישי גירה⟧ בדינ ורבע
  28. יכתארהא מולאי ותכון תאמה אלטול ואלערץ ויעקוב בן עקיל הו יקצי חואיגנא ומא

Right margin

  1. יצגר פי
  2. חאגה תכון לי
  3. יתפצל [מולאי]
  4. לא [ ]
  5. ....
  6. פאן ראי מולאי
  7. ישתרי גרתין
  8. נביד ושי קדרה
  9. רבע דינ הדיה
  10. לה פהו יקצי
  11. חואיגנא ונחן
  12. ננתפע בה ואן
  13. ⟦צלח אן יגי⟧
  14. יעמ[ ]
  15. ועלי כל חאל
  16. יתוצל [ ]
  17. אלי אכראמה
  18. כיף מא ראי
  19. כנת קד
  20. אנפדת
  21. מע יעקוב
  22. מכדה פיהא
  23. ח // ורבע// ארטאל ניל
  24. בליתי ואפיה
  25. והו צבאג גיר
  26. לעלהא תסוא
  27. ג דנא
  28. בעד אן
  29. כלצת מן
  30. אלמכס
  31. יחתאט פי
  32. ביעהא
  33. ויסלם אלתמן
  34. לאבו אלברכאת
  35. מן ידה
  36. אלי יד דהן

Upper Margin

  1. וקד אסתכרת
  2. אללה גל תנאה
  3. וחמלת מע יעקוב
  4. שכארה כתאן
  5. פיהא קקנ והי
  6. מכיוטה מגלוקה ֿ
  7. מעלמה כלהא
  8. באלצבאג וכדלך
  9. חמלת מעה
  10. תליסאן פיהם ֿ
  11. קקסז דרה צחאח
  12. ופיהא אוצאף כל
  13. אלוזן נצפין חסב בקטעה
  14. והם מעדודה עלי יעקוב
  15. אלוזן קעה רטל ליתי
  16. וקד חמלת מעה
  17. קטן פלפלי קקסה רטל
  18. ומזודין זית פיהם
  19. יו אקסאט תכון
  20. נצף קלה והם מלא
  21. מטינה מכתומה
  22. ואלכאתם נקשה
  23. באלקבטי

الترجمة

T-S 12.248 1v

1v

verso

  1. אבו אלחסן יערפה ואנא אקול ואלמשיה ללה אני אחמל בקיה אלזית פי קראבאת

  2. ואלבטה פאני מא אגסר אחמלה פי אלזק לילא ינקטע או יפתח או יתקב

  3. ויתלף ואנא אחמל אול באול וקד ערפת מולאי אני כתבת ספתגה אכרי

  4. לקוריל בפ דינ ואנא במשיה אללה אחמל מא יופקה אללה אול באול והו

  5. תסתחק פלך באבה יכון יב מן [ ] וכדלך ינפד לי מולאי תובין

  6. מלחם רמלי עלאמה סלמאן גיאד תאמה אלטול ואלערץ וינפדהא

  7. מע יעקוב עוץ אלתובין אלערישי וקד כנת אנפדת מע יעקוב ח

  8. ארטאל ורבע ליתי תכון יב וכסר פלפלי צבאג וסאלת מולאי ביעהם

  9. ואלחוטה פי תמנהם ויסלם אלתמן לדהן וקד אנפדת צחבתה איצא

  10. מכלאה //כיש// פיהא לב קטעה צגאר ומכסרה וזנהם ה ארטאל ליתי תכון ז

  11. וכסר פלפלי יתפצל יביעהם ויחתאט פי תמנהם ויסלמהם לדהן פי אלדאר

  12. וכדלך אנפדת מעה קפיפה צגירה פיהא קליל עצפר ידפעה להם ללדאר

  13. והדא אלכתאן אלדי אנפדתה פי הדה אלכישה הו כתאן גיד יצלח אן

  14. יכון ללוגוה אעלמת מולאי דלך וקד אגתהדת אן אחמל מעה נ ארדב או ל פלם

  15. אקדר וקד דכל אלכאתב פלא כתב אללה עליה סלאמתה וקד כנת אועדתני בכתב אבו אלכיר

  16. מן גהה אלשיך אבו זכרי אלטביב פקד כף אלענא וקד דכל אלכאתב פאן כאן תם סואל

  17. פיתקדם אליה צאחב אלדיואן באן יכתב אלתרסים עלי כל מן לנא ענדה שי חתי נתכלץ

  18. ואלדי יהמנא אמרהם ונחתאג אלי אלתוכיל עליהם אנא אשרחהם והם אולאד שחמי

  19. ומקטעאת פי ספט ומליח וקסיס פי אבסוג וקוריל ובן מימון פי אלפשן פאן

  20. תפצל מולאי יכאטב אלשיך אבו זכרי אלטביב וימצי מולאי מעה אלי אבו אלכיר צאחב אלדיואן ויחצר

  21. אלכאתב וילזמה באסתכראג מא בקי לנא פי אלנאחיה פיפעל יתפצל מולאי ידפע להם פי אלדאר יב

  22. רטל זית והי קסטין חתי אנפד אלעוץ ענהא וכדלך ידפע להם מולאי דינרין יצרפהא להם בדרא

  23. גיאד ויסלמהא לדהן מן ידה לידהא מתפצל

verso - right margin

  1. [כצצת] מולאי באפצל אלסלם ועלי מולאי אלרב אדאם אללה עזה באפצל אלסלם וחסבי אללה והדה

  2. וקלבי בכבר סתי חרסהא אללה פיכצהא מולאי עני באפצל אלסלם וכדלך ואלדה אבו עמראן

  3. אפצל אלסלם

verso - bottom margin

  1. ואסל מולאי אן יתפצל וינפד לי נ דינ רבאעיה ותכון ואפיה באלדנוקין ינפדהא מולאי מע יעקוב

Verso

  1. אבו אלחסן יערפה ואנא אקול ואלמשיה ללה אני אחמל בקיה אלזית פי קראבאת
  2. ואלבטה פאני מא אגסר אחמלה פי אלזק לילא ינקטע או יפתח או יתקב
  3. ויתלף ואנא אחמל אול באול וקד ערפת מולאי אני כתבת ספתגה אכרי
  4. לקוריל בפ דינ ואנא במשיה אללה אחמל מא יופקה אללה אול באול והו
  5. תסתחק פלך באבה יכון יב מן [ ] וכדלך ינפד לי מולאי תובין
  6. מלחם רמלי עלאמה סלמאן גיאד תאמה אלטול ואלערץ וינפדהא
  7. מע יעקוב עוץ אלתובין אלערישי וקד כנת אנפדת מע יעקוב ח
  8. ארטאל ורבע ליתי תכון יב וכסר פלפלי צבאג וסאלת מולאי ביעהם
  9. ואלחוטה פי תמנהם ויסלם אלתמן לדהן וקד אנפדת צחבתה איצא
  10. מכלאה //כיש// פיהא לב קטעה צגאר ומכסרה וזנהם ה ארטאל ליתי תכון ז
  11. וכסר פלפלי יתפצל יביעהם ויחתאט פי תמנהם ויסלמהם לדהן פי אלדאר
  12. וכדלך אנפדת מעה קפיפה צגירה פיהא קליל עצפר ידפעה להם ללדאר
  13. והדא אלכתאן אלדי אנפדתה פי הדה אלכישה הו כתאן גיד יצלח אן
  14. יכון ללוגוה אעלמת מולאי דלך וקד אגתהדת אן אחמל מעה נ ארדב או ל פלם
  15. אקדר וקד דכל אלכאתב פלא כתב אללה עליה סלאמתה וקד כנת אועדתני בכתב אבו אלכיר
  16. מן גהה אלשיך אבו זכרי אלטביב פקד כף אלענא וקד דכל אלכאתב פאן כאן תם סואל
  17. פיתקדם אליה צאחב אלדיואן באן יכתב אלתרסים עלי כל מן לנא ענדה שי חתי נתכלץ
  18. ואלדי יהמנא אמרהם ונחתאג אלי אלתוכיל עליהם אנא אשרחהם והם אולאד שחמי
  19. ומקטעאת פי ספט ומליח וקסיס פי אבסוג וקוריל ובן מימון פי אלפשן פאן
  20. תפצל מולאי יכאטב אלשיך אבו זכרי אלטביב וימצי מולאי מעה אלי אבו אלכיר צאחב אלדיואן ויחצר
  21.  אלכאתב וילזמה באסתכראג מא בקי לנא פי אלנאחיה פיפעל יתפצל מולאי ידפע להם פי אלדאר יב

  22. רטל זית והי קסטין חתי אנפד אלעוץ ענהא וכדלך ידפע להם מולאי דינרין יצרפהא להם בדרא

  23. גיאד ויסלמהא לדהן מן ידה לידהא מתפצל

Right margin

  1. [כצצת] מולאי באפצל אלסלם ועלי מולאי אלרב אדאם אללה עזה באפצל אלסלם וחסבי אללה והדה
  2. וקלבי בכבר סתי חרסהא אללה פיכצהא מולאי עני באפצל אלסלם וכדלך ואלדה אבו עמראן
  3. אפצל אלסלם

Flipped bottom

  1. ואסל מולאי אן יתפצל וינפד לי נ דינ רבאעיה ותכון ואפיה באלדנוקין ינפדהא מולאי מע יעקוב

Address

لمولاي الشيخ ابي يحيى نهراي بن نسيم اطال الله بقاه وادام عزه وتاييده وسعادته وسلامته ونعمته من شاكر تفضله يوشع بن ناتان

بيان أذونات الصورة
  • T-S 12.248: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.