منحة في رسالة: ENA 3792.4

מן עברתי אלדי אדא אתדכרת פל דכרך ופי א[ ]

תסבק כלמתי גמיע דאלך מן קוה חסרתי ומן א[ ]

אלשדיד ואשתיאקד אלבעיד פי בלד ל[א לה] [ו]ל[א] קריב ולא [ ]

ואנת פיהא ואחידא פריד ואנא לד[אל]ר לם א[ס]תטיע אלצבר

לאן זוגת כואתך קבילה וימאנה פי רגוס ואנא מעהם [ ]

פי רגוס ומן לום אן אזוגתהם מא הדאת לי דמעה מן

אלשוק אליך ואכיך אכו יוסף אזוגתה פי סרקוסה והוא בא[כי]

עליך ולו ראיתה מא ערפתה מן קוה שוקה עליך ו[ ]

ג סגין אתאנא כברך לאן כגת מפקוד ועמלנא עליך גנאיז

אן עצימה ובכינאך בכא מאית אן מאת פי בלד [אן]

גריבא וליס להו חביב ולא מן יערפה [ויב]כי עללה [ו]קרא [עלי] 

כתאבך האדה אלסבה ומן סאעת אן קרי עלי האגת אח[

אספא לבעדר ושרק לקרבך קרב אללה בנא אלאגתמאע עלי אחסן

אלאחואל יאטלב אלבאל ואסעה לא ילדי בחק אללה עליך לא

תבקא גריב אכתר מא בקית ובחק אללה עליר יא ולדי

עסי מן סאעה אן תקרא כתכי תשרע פי אלמגי

עלי כל חאל קבל אן אמות ומא בנר]אר מזל בחצרה

אלי אלאתרא לאן ואלדך רחמה אללה עליה מאת בחצרתך

וארגע עלי קלבך ורד לבאלך ואסתיקץ פי נפסך וקול מאת ואלדי

בחצרתי

ותמותי ואלדתי בחצרתי

יציר עלי אתם אן עצים

והאכדי הו יא ולדי מתי לם

נרא וגהך קבל פראק אלדניא נמות

בחצרת אן עצימה מן גהתך ויכון

עליך אתמא עצימא וקד יא ....

ולדי כתבת אליך כתאב ק[בל]

האדא אלכתאב ופי[ה]

[כתבת לך אכ]תר מן האדא

ואדא וצל [תסרע]

פי אלמגי עלי [כל חאל]

[ ]עזר האל [ ]

יכון לך פיה אגר אן עצים ענד אללה וענד אלנאס פאן אדא תלף

אלאנסאן תליפא [ ] אלדי יציבהא יגמעהא עליה ויכון לה פי אגר

עצי[ם ] ואוכד מן ירד אלולד עלי ואלדיה בער ס[נין]

אן [   ] סלאם אללה עליך [ ]